സംസ്ഥാനത്ത്​ ഇന്ന്​ വൈദ്യുതി നിയന്ത്രണം

തിരുവനന്തപുരം: സംസ്ഥാനത്ത്​ ഇന്ന്​ വൈകിട്ട്​ ആറു മണിമുതൽ വൈദ്യുതി നിയന്ത്രണം ഏർപ്പെടുത്തു​മെന്ന്​ വൈദ്യുതി ബോർഡ്​. കൽക്കരി ക്ഷാമം മൂലവും യന്ത്രത്തകരാറുകൾ കാരണമായും കേന്ദ്ര നിലയങ്ങളിൽ നിന്നും മറ്റ് സ്വകാര്യ നിലയങ്ങളിൽ നിന്നും ലഭ്യമാകേണ്ട വൈദ്യുതിയിൽ 550 മെഗാവാട്ടിന്റെ കുറവ് ഉണ്ടായിട്ടുണ്ട്. അതിനാൽ സംസ്ഥാനത്തെ വിവിധ ഭാഗങ്ങളിൽ വൈകുന്നേരം ആറ​ു മണി മുതൽ ചെറിയ തോതിൽ വൈദ്യുതി നിയന്ത്രണം ഏർപ്പെടുത്താൻ നിർബന്ധിതമായിരിക്കയാണെന്നും ഉപഭോക്താക്കൾ സഹകരിക്കണമെന്നും വൈദ്യുതി ബോർഡ്​ പ്രസ്​താവനയിൽ അറിയിച്ചു.