തെരഞ്ഞെടുപ്പ്​: തിരുവനന്തപുരം കലക്​ടർക്ക്​ കമീഷന്‍റെ നോട്ടീസ്​

തിരുവനന്തപുരം: തെര​െഞ്ഞടുപ്പുമായി ബന്ധപ്പെട്ട്​ തിരുവനന്തപുരം ജില്ല കലക്​റുടെ നടപടികളിൽ ഇലക്​ഷൻ​ കമീഷന്​ അതൃപ്​തി. വോട്ടർപട്ടിക അടക്കമുള്ള പരാതികളിൽ വിശദീകരണം ആവശ്യപ്പെട്ട്​ മുഖ്യ തെരഞ്ഞെടുപ്പ്​ ഒാഫിസർ ടിക്കാറാം മീണ കലക്​ടർ ​കെ. ഗോപാലകൃഷ്​ണന്​ ​നോട്ടീസ്​​​ നൽകി. അടിയന്തരമായി മറുപടി നൽകണമെന്നാണ്​ നിർദേശം. കമീഷന്​ കലക്​ടർ മറുപടി തയാറാക്കി വരികയാണ്​.

തെരഞ്ഞെടുപ്പ്​ കാര്യങ്ങളിൽ ഗുരുതര അലംഭാവം കാണിക്കുന്നുവെന്നാണ്​ കമീഷ​​െൻറ പരാതി. ഏകോപനമില്ലായ്മയെ കുറിച്ചും പരാമർശമുണ്ട്​.​ അസാധാരണവും അപൂർവവുമായ നടപടിയാണ്​ തെരഞ്ഞെടുപ്പ്​ കമീഷനിൽനിന്ന്​ ഉണ്ടായത്​. ജില്ലയിലെ തെരഞ്ഞെടുപ്പ്​ പ്രവർത്തനങ്ങൾ നിയന്ത്രിക്കുന്ന പ്രധാനിയാണ്​​ കലക്​ടർ.

ചില വിഷയങ്ങളിൽ അലംഭാവം ഉണ്ടായി എന്നാണ്​ ആക്ഷേപം. ​വട്ടിയൂർക്കാവിൽ വോട്ടർമാരുടെ പേര്​ തെറ്റായി നീക്കം ചെയ്​തുവെന്ന പരാതി നേരത്തേ കമീഷന്​ മുന്നിൽ എത്തിയിരുന്നു.