മാവോവാദി, ​പ്രശ്​ന മേഖലകൾ കണ്ടെത്താൻ തെരഞ്ഞെടുപ്പ്​ കമീഷൻ നിർദേശം

തിരുവനന്തപുരം: ലോക്​സഭ തെരഞ്ഞെടുപ്പി​ന്​ മുന്നോടിയായി നടപടികൾ വേഗത്തിലാക്കിയ കേന്ദ്ര തെരഞ്ഞെടുപ്പ്​ കമീഷൻ ആവശ്യമായ നടപടികൾക്ക്​ സംസ്ഥാനത്തിന്​ നിർദേശം നൽകി. പ്രവർത്തനങ്ങൾ വിലയിരുത്താൻ കേന്ദ്ര തെരഞ്ഞെടുപ്പ്​ കമീഷൻ പ്രതിനിധി ഫെബ്രുവരിയിൽ സംസ്ഥാനത്തെത്തും. സംസ്ഥാനത്തെ മാവോവാദി, തീവ്രസ്വഭാവ സംഘടനകളുടെ പ്രവർത്തന മേഖലകൾ കണ്ടെത്താൻ പൊലീസ് മേധാവിയോട് നിർദേശിച്ചു. പ്രശ്നസാധ്യത, അതിപ്രശ്നസാധ്യത പോളിങ്​ സ്​റ്റേഷനുകളുടെ ലിസ്​റ്റ് തയാറാക്കാൻ ആവശ്യപ്പെട്ടു.

ഒരു സ്ഥലത്ത് മൂന്നുവർഷം പൂർത്തിയാക്കിയ ഐ.ജി മുതൽ എസ്.ഐവരെയുള്ള ഉദ്യോഗസ്ഥരുടെ സ്ഥലംമാറ്റം ഫെബ്രുവരിയിൽ പൂർത്തിയാക്കണമെന്നും സ്വന്തം ജില്ലയിൽ നിയമനം നൽകരുതെന്നും ആവശ്യപ്പെട്ടു. ചീഫ് സെക്രട്ടറി, ചീഫ് ഇലക്​ടറൽ ഓഫിസർ, പൊലീസ് മേധാവി എന്നിവരുമായി കഴിഞ്ഞദിവസം നടത്തിയ വിഡിയോ കോൺഫറൻസിലാണ്​ കമീഷൻ നിർദേശങ്ങൾ നൽകിയത്​. കേരളത്തിലെ തയാറെടുപ്പിൽ കമീഷൻ പൂർണ തൃപ്തി രേഖപ്പെടുത്തിയതായി മുഖ്യതെരഞ്ഞെടുപ്പ്​ ഓഫിസർ അറിയിച്ചു. സംസ്ഥാനത്തി​​​​െൻറ ക്രമസമാധാന വിശദാംശങ്ങളും ​െതരഞ്ഞെടുപ്പ് സുരക്ഷക്ക് എത്ര കമ്പനി കേന്ദ്രസേന ആവശ്യമായിവരുമെന്ന വിവരങ്ങളും കമീഷൻ ആരാഞ്ഞു.

കഴിഞ്ഞ തവണ ​െതരഞ്ഞെടുപ്പുമായി ബന്ധപ്പെട്ട് ഉണ്ടായ കേസുകളുടെ വിശദാംശങ്ങളും കമീഷൻ അന്വേഷിച്ചു. തീരുമാനമാകാത്ത കേസുകളിൽ സത്വര നടപടി സ്വീകരിക്കണമെന്ന് ഡി.ജി.പിക്ക് നിർദേശം നൽകി. റിട്ടേണിങ്​ ഓഫിസർ, അസിസ്​റ്റൻറ്​ റിട്ടേണിങ്​ ഓഫിസർ എന്നിവരുടെ ഒഴിവുകൾ വേഗം നികത്തണമെന്ന് കമീഷൻ ചീഫ് സെക്രട്ടറിയോട് ആവശ്യപ്പെട്ടു.