പ്രചാരണ നോട്ടീസ്​ ഇറക്കി, അഞ്ച്​ ഭാഷയിൽ

മ​ട്ടാ​ഞ്ചേ​രി: വ്യ​ത്യ​സ്​​ത മ​ത​വി​ഭാ​ഗ​ങ്ങ​ൾ തി​ങ്ങി​വ​സി​ക്കു​ന്ന മി​നി ഇ​ന്ത്യ എ​ന്ന​റി​യ​പ്പെ​ടു​ന്ന ഭൂ​പ്ര​ദേ​ശ​മാ​ണ് കൊ​ച്ചി ന​ഗ​ര​സ​ഭ അ​ഞ്ചാം ഡി​വി​ഷ​നാ​യ മ​ട്ടാ​ഞ്ചേ​രി. ഇ​വി​ടെ എ​ളു​പ്പം ജ​യി​ച്ചു​ക​യ​റ​ണ​മെ​ങ്കി​ൽ ചി​ല ത​ന്ത്ര​ങ്ങ​ൾ വേ​ണം. അ​തി​ലൊ​ന്ന് അ​വ​രി​ലൊ​രാ​ളാ​യി മാ​റാ​നു​ള്ള ബ​ഹു​ഭാ​ഷ പ​രി​ജ്ഞാ​ന​മാ​ണ്. ഇ​നി അ​തു​മ​ല്ലെ​ങ്കി​ൽ വി​വി​ധ ഭാ​ഷ​യി​ലെ നോ​ട്ടീ​സു​ക​ളു​മാ​യി വേ​ണം വീ​ടു​ക​ൾ ക​യ​റി വോ​ട്ടു​ചോ​ദി​ക്കാ​ൻ.

മു​ന്ന​ണി സ്ഥാ​നാ​ർ​ഥി​ക​ളെ​േ​പ്പാ​ലും ക​ട​ത്തി​വെ​ട്ടി​യാ​ണ് മു​സ്​​ലിം ലീ​ഗ് റി​ബ​ൽ സ്ഥാ​നാ​ർ​ഥി ഈ ​ത​ന്ത്രം ആ​വി​ഷ്ക​രി​ച്ച​ത്. നി​ല​വി​ലെ ലീ​ഗ് കൗ​ൺ​സി​ല​ർ ടി.​കെ. അ​ഷ​റ​ഫി​െൻറ പി​ന്തു​ണ​യോ​ടെ​യാ​ണ് വി​മ​ത സ്ഥാ​നാ​ർ​ഥി ന​സീ​മ നൗ​ഫ​ലി​െൻറ പ്ര​ചാ​ര​ണം. ഗു​ജ​റാ​ത്തി, ഹി​ന്ദി, ത​മി​ഴ്, ഇം​ഗ്ലീ​ഷ്, മ​ല​യാ​ളം ഭാ​ഷ​ക​ളി​ലാ​ണ് ന​സീ​മ അ​ഭ്യ​ർ​ഥ​ന നോ​ട്ടീ​സ് ത​യാ​റാ​ക്കി​യ​ത്. ഗു​ജ​റാ​ത്തി, ത​മി​ഴ് ബ്രാ​ഹ്മ​ണ വോ​ട്ടു​ക​ൾ ഇ​വി​ടെ നി​ർ​ണാ​യ​ക​മാ​ണ്.

സ്ഥാ​നാ​ർ​ഥി​ക്കൊ​പ്പം മു​ൻ കൗ​ൺ​സി​ല​ർ അ​ഷ​റ​ഫും വീ​ടു​ക​ൾ ക​യ​റി​യി​റ​ങ്ങു​ക​യാ​ണ്. അ​ഷ​റ​ഫ് കൗ​ൺ​സി​ല​റാ​യ​തോ​ടെ മി​ക്ക ഭാ​ഷ​യും സം​സാ​രി​ക്കാ​ൻ പ​ഠി​ച്ചു. അ​ഷ​റ​ഫ് അ​ത​ത് ഭാ​ഷ​ക​ളി​ൽ വോ​ട്ട​ർ​മാ​രോ​ട് വോ​ട്ട് ചോ​ദി​ക്കും. ന​സീ​മ നോ​ട്ടീ​സ് ന​ൽ​കി മ​ല​യാ​ള​ത്തി​ൽ വോ​ട്ട​ഭ്യ​ർ​ഥി​ക്കും. ര​ണ്ട് ജൂ​ത​സ​മു​ദാ​യാം​ഗ​ങ്ങ​ൾ ഉ​ൾ​പ്പെ​ടെ ഇ​ന്ത്യ​യി​ലെ മി​ക്ക സം​സ്ഥാ​ന​ക്കാ​രും ഇ​വി​ടെ വോ​ട്ട​ർ​മാ​രാ​ണ്.