Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightതെരഞ്ഞെടുപ്പ്...

തെരഞ്ഞെടുപ്പ് കോഴക്കേസിൽ കെ. സുരേന്ദ്രന് ക്രൈംബ്രാഞ്ച് നോട്ടീസ്; നാളെ ഹാജരാകണം

text_fields
bookmark_border
k surendran
cancel

കാസർകോട്: മ​ഞ്ചേ​ശ്വ​രം മ​ണ്ഡ​ല​ത്തി​ൽ സ്ഥാ​നാ​ർ​ഥി​ത്വം പി​ൻ​വ​ലി​ക്കാ​ൻ കോ​ഴ ന​ൽ​കി​യെ​ന്ന കേ​സി​ൽ ബി.ജെ.പി സംസ്ഥാന അധ്യക്ഷൻ കെ. സുരേന്ദ്രന് ചോദ്യംചെയ്യലിന് ഹാജരാകാൻ നോട്ടീസ്. നാളെ നേരിട്ട് ഹാജരാകണമെന്നാണ് കാസർകോട് ജില്ലാ ക്രൈംബ്രാഞ്ച് നോട്ടീസിൽ ആവശ്യപ്പെടുന്നത്.

കോഴ ആരോപണത്തിൽ ബദിയടുക്ക പൊലീസ് കേസ് രജിസ്റ്റർ ചെയ്ത് മൂന്നു മാസത്തിന് ശേഷമാണ് കെ. സുരേന്ദ്രന് നോട്ടീസ് നൽകിയിട്ടുള്ളത്. എന്നാൽ, ക്രൈംബ്രാഞ്ച് സംഘത്തിന് മുമ്പിൽ നാളെ സുരേന്ദ്രൻ ഹാജരാകാൻ സാധ്യതിയില്ലെന്നാണ് ലഭിക്കുന്ന വിവരം. ശനിയാഴ്ചക്കുള്ളിൽ ഹാജരാകുമെന്നാണ് അറിയുന്നത്.

കേ​സി​ലെ മു​ഖ്യ​പ്ര​തിയായ കെ. ​സു​രേ​ന്ദ്ര​നെ​യാ​ണ്​ ഇ​നി ചോ​ദ്യം ചെ​യ്യാ​നു​ള്ള​ത്. കേസിൽ ബി.​ജെ.​പി മു​ൻ ജി​ല്ല പ്ര​സി​ഡ​ന്‍റ്​ അ​ഡ്വ. ബാ​ല​കൃ​ഷ്‌​ണ ഷെ​ട്ടി​, നേ​താ​ക്ക​ളാ​യ സു​നി​ൽ നാ​യി​ക്‌, സു​രേ​ഷ്‌ നാ​യി​ക്‌, കെ. ​മ​ണി​ക​ണ്‌​ഠ റൈ, ​മു​ര​ളീ​ധ​ര യാ​ദ​വ്‌, ലോ​കേ​ഷ്‌ ന​ന്ദ എ​ന്നി​വ​രെ നേ​ര​ത്തെ ക്രൈം​ബ്രാ​ഞ്ച്‌ ചോ​ദ്യം ചെ​യ്‌​തി​രു​ന്നു.

ബി.​എ​സ്.​പി സ്​​ഥാ​നാ​ർ​ഥി കെ. ​സു​ന്ദ​ര​യെ ര​ണ്ട​ര ല​ക്ഷം​രൂ​പ ന​ൽ​കി പ​ത്രി​ക പി​ൻ​വ​ലി​പ്പി​ച്ചു​വെ​ന്നാ​ണ്​ കേ​സ്. എ​ൽ.​ഡി.​എ​ഫ്​ സ്​​ഥാ​നാ​ർ​ഥി വി.​വി. ര​മേ​ശ​ൻ ന​ൽ​കി​യ പ​രാ​തി​യി​ൽ ജു​ഡീ​ഷ്യ​ൽ ഒ​ന്നാം ക്ലാ​സ്​ മ​ജി​സ്​​ട്രേ​ട്ട്​​ കോ​ട​തി​യു​ടെ അ​നു​മ​തി​യോ​ടെ​യാ​ണ്​ കെ. ​സു​രേ​ന്ദ്ര​നും ര​ണ്ട്​ ബി.​ജെ.​പി പ്രാ​ദേ​ശി​ക നേ​താ​ക്ക​ൾ​ക്കു​മെ​തി​രെ കേ​സെ​ടു​ത്ത​ത്.

ബി.​എ​സ്‌.​പി സ്ഥാ​നാ​ർ​ഥി​യാ​യി​രു​ന്ന കെ. ​സു​ന്ദ​ര​യു​ടെ പ​ത്രി​ക പി​ൻ​വ​ലി​ക്കാ​നു​ള്ള അ​പേ​ക്ഷ​യി​ൽ നി​ർ​ബ​ന്ധി​ച്ച്‌ ഒ​പ്പി​ടു​വി​ച്ച​ത്‌ കെ. ​സു​രേ​ന്ദ്ര​െൻറ ചീ​ഫ്‌ ഏ​ജ​ൻ​റാ​യ ബാ​ല​കൃ​ഷ്‌​ണ ഷെ​ട്ടി​യു​ടെ നേ​തൃ​ത്വ​ത്തി​ലാ​യി​രു​ന്നു. തെ​ര​ഞ്ഞെ​ടു​പ്പ്​ വേ​ള​യി​ൽ സു​രേ​ന്ദ്ര​ൻ താ​മ​സി​ച്ചി​രു​ന്ന കാ​സ​ർ​കോ​ട്‌ താ​ളി​പ്പ​ടു​പ്പി​ലെ ഹോ​ട്ട​ൽ മു​റി​യി​ൽ മാ​ർ​ച്ച്‌ 21നാ​യി​രു​ന്നു ഈ ​സം​ഭ​വം. ബാ​ല​കൃ​ഷ്‌​ണ ഷെ​ട്ടി​ക്കൊ​പ്പം കാ​സ​ർ​കോ​ട്‌ ക​ല​ക്ട​റേ​റ്റി​ൽ എ​ത്തി​യാ​ണ്‌ സു​ന്ദ​ര പ​ത്രി​ക പി​ൻ​വ​ലി​ച്ച​ത്‌.

യു​വ​മോ​ർ​ച്ച മു​ൻ സം​സ്ഥാ​ന ട്ര​ഷ​റ​ർ സു​നി​ൽ നാ​യി​ക്‌, പൈ​വ​ളി​കെ​യി​ലെ ബി.​ജെ.​പി നേ​താ​വ്‌ ലോ​കേ​ഷ്‌ ന​ന്ദ എ​ന്നി​വ​രും കൂ​ടെ​യു​ണ്ടാ​യി​രു​ന്നു. എ​ന്നാ​ൽ, ചോ​ദ്യം ചെ​യ്യ​ലി​ൽ ബാ​ല​കൃ​ഷ്‌​ണ ഷെ​ട്ടി ഇ​തെ​ല്ലാം നി​ഷേ​ധി​ച്ചെ​ന്നാ​ണ്​ റി​പ്പോ​ർ​ട്ട്. സു​ന്ദ​ര​ക്കൊ​പ്പം ഹോ​ട്ട​ൽ മു​റി​യി​ലും ക​ല​ക്ട​റേ​റ്റി​ലും പോ​യി​ട്ടി​ല്ലെ​ന്നും ആണ് മൊഴി നൽകിയത്.

നാമനിർദേശപത്രിക പിൻവലിക്കാൻ രണ്ടര ലക്ഷം രൂപയും സ്മാർട്ട് ഫോണും ബി.ജെ.പി പ്രവർത്തകർ നൽകിയെന്നും ഭീഷണിപ്പെടുത്തിയെന്നും തട്ടിക്കൊണ്ടു പോയെന്നും ആണ് സുന്ദര വെളിപ്പെടുത്തിയത്. കോടതിയിൽ നൽകിയ രഹസ്യ മൊഴിയിൽ സുന്ദര ഉറച്ചുനിൽക്കുകയും ചെയ്തിരുന്നു. പണം കൈമാറുന്നതിന്‍റെ ചിത്രങ്ങൾ സമൂഹ മാധ്യമങ്ങളിൽ പ്രചരിച്ചിരുന്നു.

കൊടകര കള്ളപ്പണക്കേസുമായി ബന്ധപ്പെട്ട് കെ. സുരേന്ദ്രനെ അന്വേഷണ സംഘം നേരത്തെ ചോദ്യം ചെയ്തിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Crime branchK SurendranElection bribery
News Summary - election bribery case: Crime branch issue notice to K Surendran
Next Story