ചികിത്സാരേഖകൾ പൊലീസ്​​ ചോർത്തിയെന്ന്​; ആശുപത്രിക്കെതിരെ എൽദോ നിയമനടപടിക്ക്​

കൊച്ചി: എറണാകുളത്ത്​ ഡി.ഐ.ജി ഓഫിസ്​ മാർച്ചിനിടെ ലാത്തിച്ചാർജിൽ പരിക്കേറ്റ ത​​െൻറ ചികിത്സ രേഖകൾ സമ്മർദത്തിന ്​ വഴങ്ങി നഗരത്തിലെ സ്വകാര്യ ആശുപത്രിയിൽനിന്ന്​ പൊലീസ്​ ചോർത്തിയെന്ന ആരോപണവുമായി എൽദോ എബ്രഹാം എം.എൽ.എ. രേ ഖകൾ നിയമവിരുദ്ധമായി പുറത്തുവിട്ട ആശുപത്രി അധികൃതർക്കെതിരെ നിയമനടപടി സ്വീകരിക്കുമെന്നും അദ്ദേഹം അറിയിച്ചു. പരിക്കേറ്റ എൽദോയെ ആദ്യം എറണാകുളം ജനറൽ ആശുപത്രിയിലാണ്​ പ്രവേശിപ്പിച്ചത്​.

പിന്നീട്​ വിദഗ്​ധ ചികിത്സക്ക്​ സ്വകാര്യ ആശുപത്രിയിലേക്ക്​ മാറ്റി. സംഭവത്തെക്കുറിച്ച്​ ജില്ല കലക്​ടറുടെ അന്വേഷണം നിർണായക ഘട്ടത്തിൽ എത്തിനിൽക്കെ ചികിത്സാരേഖകൾ ആശുപത്രിയിലെ ചില ഡോക്​ടർമാരെ ഭീഷണിപ്പെടുത്തിയും സമ്മർദത്തിലാക്കിയും പൊലീസ്​ കൈക്കലാക്കി പുറത്തുവിട്ടു എന്നാണ്​ എൽദോയുടെ ആരോപണം. ഇത്​ സ്വകാര്യത സംരക്ഷിക്കാനുള്ള ത​​െൻറ അവകാശത്തി​​െൻറ ലംഘനമാണ്​. ചില ഉന്നത പൊലീസ്​ ഉദ്യോഗസ്​ഥരാണ്​ ഇതിന്​ ചരടുവലിച്ചതെന്നും ഇതേക്കുറിച്ച്​ വ്യക്​തമായ വിവരം ലഭിച്ചിട്ടുണ്ടെന്നും എം.എൽ.എ പറയുന്നു.

മാധ്യമപ്രവർത്തകനെ കാറിടിച്ച്​ കൊലപ്പെടുത്തിയ കേസിൽ ശ്രീറാം വെങ്കിട്ടരാമൻ പ്രതിയായിട്ടും അദ്ദേഹത്തി​​െൻറ ചികിത്സാരേഖകൾ ആശുപത്രി അധികൃതർ പുറത്തുവിട്ടില്ലെന്നും അദ്ദേഹം ചൂണ്ടിക്കാട്ടുന്നു. ജനറൽ ആശുപത്രിയിലെ സർജൻ ത​​െൻറ കൈക്ക്​ സി.ടി സ്​കാൻ എടുക്കണമെന്ന്​ എഴുതിയ കുറിപ്പ്​ ഹാജരാക്കിയിട്ടും സ്വകാര്യ ആശുപത്രിയിലെ ഡോക്​ടർ ഇതിന്​ തയാറായില്ലെന്നും എൽദോക്ക്​ പരാതിയുണ്ട്​. കൈക്ക്​ പൊട്ടലു​ണ്ടെന്ന്​ തെളിയിക്കാൻ മറ്റൊരു ആശുപത്രിയെ ആശ്രയിക്കേണ്ടിവന്നു. രേഖ ചോർത്തിയത്​ പൊതുസമൂഹത്തിൽ തന്നെ താറടിക്കാനാണെന്നാണ്​ എം.എൽ.എയുടെ ആക്ഷേപം. ഇത്​ പൊതുപ്രവർത്തകനായ തനിക്ക്​ ഏറെ മാനസിക പ്രയാസമുണ്ടാക്കിയ സാഹചര്യത്തിലാണ്​ നിയമനടപടിക്ക്​ ഒരുങ്ങുന്നത്​.