ക​ണ്ണു​തു​റ​ക്ക​ണേ... ഇൗ ​ദു​രി​ത​ജീ​വി​ത​ത്തി​ലേ​ക്ക്​

അ​ഗ​ളി: ഗൂ​ളി​ക്ക​ട​വി​ലെ ജ​ന​വാ​സ​കേ​ന്ദ്ര​ത്തി​ൽ വ​യോ​ധി​ക​യാ​യ മാ​താ​വും ഭി​ന്ന​ശേ​ഷി​ക്കാ​രി​യാ​യ മ​ക​ളും ത​ള്ളി​നീ​ക്കു​ന്ന​ത് ദു​രി​ത​ജീ​വി​തം. അ​ഗ​ളി പ​ഞ്ചാ​യ​ത്ത്‌ പ​ത്താം വാ​ർ​ഡ് ഗൂ​ളി​ക്ക​ട​വ് കാ​ര​റ റോ​ഡി​ൽ ല​ക്ഷം​വീ​ട് കോ​ള​നി സ്വ​ദേ​ശി​യാ​യ 70കാ​രി​യാ​യ ജാ​ന​കി​യും 43കാ​രി​യാ​യ മ​ക​ളു​മാ​ണ് ദു​രി​തം​തി​ന്ന് ജീ​വി​തം ക​ഴി​ച്ചു​കൂ​ട്ടു​ന്ന​ത്.

മ​ഴ​യി​ൽ ചോ​ർ​ന്നൊ​ലി​ക്കു​ന്ന വീ​ട്ടി​ൽ ഇരുവരും ത​നി​ച്ചാ​ണ് താ​മ​സം. 43 വ​ർ​ഷം മു​മ്പ്​ കൊ​ല്ലം ക​രു​നാ​ഗ​പ്പി​ള്ളി​യി​ൽ​നി​ന്ന്​ ഭർ​ത്താ​വി​നൊ​പ്പം അ​ട്ട​പ്പാ​ടി​യി​ലേ​ക്ക് എ​ത്തി​യ​താ​ണ്​ ജാ​ന​കി. 24 വ​ർ​ഷം മു​മ്പ്​ ഗൃ​ഹ​നാ​ഥ​ൻ ഭാ​സ്ക​ര​ൻ മ​രി​ച്ച​തോ​ടെ ജാ​ന​കി​യും ര​ണ്ട് പെ​ൺ​മ​ക്ക​ളും ത​നി​ച്ചാ​യി. ഒ​രു​മ​ക​ൾ ഭാ​സു​ര​മ​ണി ജ​ന്മ​ന ഭി​ന്ന​ശേ​ഷി​ക്കാ​രി​യാ​യി​രു​ന്നു.

നാ​ലാം ക്ലാ​സു​വ​രെ അ​ഗ​ളി ഗ​വ. സ്കൂ​ളി​ൽ പ​ഠി​ച്ചു. സ​ഹ​പാ​ഠി​ക​ളു​ടെ ഒ​റ്റ​പ്പെ​ടു​ത്ത​ലി​ൽ മ​നം​നൊ​ന്ത് തു​ട​ർ​പ​ഠ​നം ഉ​പേ​ക്ഷി​ക്കു​ക​യാ​യി​രു​ന്നു. കൂ​ലി​പ്പ​ണി​യെ​ടു​ത്ത്​ ക​ഷ്​​ട​പ്പെ​ട്ടാ​ണ്​ മ​ക്ക​ളെ വ​ള​ർ​ത്തി​യ​തെ​ന്ന് ജാ​ന​കി പ​റ​ഞ്ഞു. മ​റ്റൊ​രു മ​ക​ൾ പ്ര​സ​ന്ന​കു​മാ​രി​യെ ഇ​തി​നി​ടെ വി​വാ​ഹം ക​ഴി​ച്ച​യ​ച്ചു.

മൂ​ന്നു​കൊ​ല്ലം മു​മ്പ്​ പ്ര​സ​ന്ന​കു​മാ​രി മ​രി​ച്ച​തോ​ടെ​യാ​ണ് വൃ​ദ്ധ​മാ​താ​വി​െൻറ ദു​രി​ത​ത്തി​ന്​ ആ​ഴം കൂ​ടി​യ​ത്. സ​ഹോ​ദ​രി​യു​ടെ വേ​ർ​പാ​ടി​ൽ ഭാ​സു​ര​മ​ണി​യു​ടെ മ​നോ​നി​ല വീ​ണ്ടും താ​ളം​തെ​റ്റി. ആ​ളെ തി​രി​ച്ച​റി​യാ​നു​ള്ള ക​ഴി​വും ഓ​ർ​മ​ശ​ക്തി​യും ഇ​ല്ലാ​താ​യി. പ​ര​സ​ഹാ​യ​മി​ല്ലാ​തെ എ​ഴു​ന്നേ​റ്റു ന​ട​ക്കാ​നു​മാ​കി​ല്ല.

പ്രാ​ഥ​മി​കാ​വ​ശ്യ​ങ്ങ​ൾ​ക്കു​വ​രെ അ​മ്മ​യു​ടെ സ​ഹാ​യം വേ​ണം. ചി​ല അ​വ​സ​ര​ങ്ങ​ളി​ൽ എ​ടു​ത്തു​കൊ​ണ്ടു​പോ​കേ​ണ്ട​താ​യും വ​രു​ന്നു​ണ്ട്. സ്വ​ന്തം കാ​ര്യം നോ​ക്കാ​ൻ ത​ന്നെ പ്രാ​പ്തി​യി​ല്ലാ​ത്ത വ​യോ​ധി​ക​ക്ക് ത​ന്നെ​ക്കാ​ൾ ഭാ​ര​മു​ള്ള മ​ക​ളെ​ക്കൂ​ടി വ​ഹി​ക്കാ​നാ​കു​ന്നി​ല്ല. ഏ​ക ആ​ശ്ര​യ​മാ​യ ഗ​വ. ആ​ശു​പ​ത്രി​യും ഇ​വ​രെ കൈ​വെ​ടി​ഞ്ഞു.

രോ​ഗ​ബാ​ധി​ത​യാ​യ മ​ക​ളെ​യും​കൊ​ണ്ട് ക​ഴി​ഞ്ഞ​ദി​വ​സം സ​ർ​ക്കാ​ർ ആ​ശു​പ​ത്രി​യി​ൽ എ​ത്തി​യെ​ങ്കി​ലും അ​ഡ്മി​റ്റ്​ ചെ​യ്യാ​ൻ പോ​ലും ഡോ​ക്ട​ർ​മാ​ർ ത​യാ​റാ​യി​ല്ലെ​ന്ന് ജാ​ന​കി പ​റ​യു​ന്നു. ശി​ഷ്​​ട ജീ​വി​തം എ​ങ്ങ​നെ ക​ഴി​ച്ചു​കൂ​ട്ടു​മെ​ന്നു​ള്ള ഭീ​തി മ​ന​സ്സി​നെ അ​ല​ട്ടു​മ്പോ​ഴും ഏ​തെ​ങ്കി​ലും സ​ഹാ​യ ഹ​സ്തം ത​ങ്ങ​ളെ തേ​ടി​യെ​ത്തു​മെ​ന്ന പ്ര​തീ​ക്ഷ​യി​ൽ ക​ണ്ണു​ന​ട്ടി​രി​ക്കു​ക​യാ​ണ് ഈ ​മാ​താ​വ്.