Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightകാറിടിച്ച് വയോധികൻ...

കാറിടിച്ച് വയോധികൻ മരിച്ചത്​ കൊലപാതകം; മരുമകൻ അറസ്​റ്റിൽ

text_fields
bookmark_border
Elderly man killed in car crash, Son-in-law arrested
cancel

കിളിമാനൂർ: മരുമകൻ ഓടിച്ചുവന്ന കാറിടിച്ച് വയോധികൻ മരിച്ച സംഭവം കൊലപാതകമെന്ന് പൊലീസ്. ഇയാളെ പൊലീസ് അറസ്​റ്റ്​ ചെയ്തു. മടത്തറ തുമ്പമൺ സലാം മൻസിലിൽ അബ്​ദുൽ സലാമിനെയാണ് (52) അറസ്​റ്റ്​ ചെയ്തത്. ചൊവ്വാഴ്ച വൈകുന്നേരം കിളിമാനൂരിന് സമീപം തട്ടത്തുമല പാറക്കടയിലാണ് സംഭവം. മടത്തറ തുമ്പമൺ എ.എൻ.എസ് മൻസിലിൽ യഹിയയാണ് (75) മരിച്ചത്. അപകടത്തിൽ അബ്​ദുൽ സലാമി​െൻറ മകൻ മുഹമ്മദ് അഫ്സൽ (14) ഗുരുതരമായി പരിക്കേറ്റ് വെഞ്ഞാറമൂട് സ്വകാര്യ മെഡിക്കൽ കോളജ് ആശുപത്രിയിൽ ചികിത്സയിലാണ്.

സംഭവത്തെക്കുറിച്ച് പൊലീസ് ഭാഷ്യം ഇങ്ങനെ: അബ്​ദുൽ സലാമും ഭാര്യയും തമ്മിൽ കൊട്ടാരക്കര കുടുംബകോടതിയിൽ കേസ് നടക്കുകയാണ്. വിധി അനുകൂലമാക്കാനായി അബ്​ദുൽ സലാം ത​െൻറ പേരിലുള്ള വസ്തുക്കൾ സഹോദരങ്ങളുടെയും കൂട്ടുകാര​െൻറയും പേരിലേക്ക് മാറ്റി. ഇതിനെതിരെ ഭാര്യ ചൊവ്വാഴ്ച കൊട്ടാരക്കര കുടുംബകോടതിയിൽനിന്ന്​ സ്​റ്റേ വാങ്ങി.

ഈ ഉത്തരവ് നടപ്പാക്കാനായി അബ്​ദുൽ സലാമി​െൻറ തട്ടത്തുമലയിലുള്ള സഹോദരി സഫിയയുടെ വീട്ടിലേക്ക് യഹിയയും അഫ്സലും കോടതി സ്​റ്റാഫുമായെത്തി. യഹിയയും അഫ്സലും വീടിനുസമീപം പാറക്കടയിൽ റോഡിലിറങ്ങിനിന്നു. വിവരമറിഞ്ഞ് വാഹനത്തിൽ പാഞ്ഞെത്തിയ അബ്​ദുൽ സലാം ഇരുവർക്കും നേരെ അമിതവേഗത്തിൽ വാഹനം ഇടിച്ചുകയറ്റുകയായിരുന്നു. ആശുപത്രിയിലേക്കുള്ള വഴിമധ്യേ യഹിയ മരിച്ചു.

ജില്ല പൊലീസ് മേധാവി പി.കെ. മധുവി​െൻറ നിർദേശാനുസരണം ആറ്റിങ്ങൽ ഡിവൈ.എസ്.പി പി. ഗോപകുമാറി​െൻറ മേൽനോട്ടത്തിൽ കിളിമാനൂർ സ്​റ്റേഷൻ ഓഫിസർ എസ്. സനൂജ്, എസ്.ഐമാരായ ടി.ജെ. ജയേഷ്, അബ്​ദുൽ ഖാദർ, ഗ്രേഡ് എസ്.ഐമാരായ ഷാജി, റാഫി, സുരേഷ്, എ.എസ്.ഐ ഷജിം, സി.പി.ഒ സജിത്ത്, മണിലാൽ എന്നിവരടങ്ങിയ സംഘമാണ് പ്രതിയെ അറസ്​റ്റ്​ ചെയ്തത്. ആറ്റിങ്ങൽ കോടതിയിൽ ഹാജരാക്കി റിമാൻഡ്​ ചെയ്തു.

Show Full Article
TAGS:killed car crash Son-in-law arrest. 
News Summary - Elderly man killed in car crash, Son-in-law arrested
Next Story