റെയിൽവെ സ്റ്റേഷനിലേക്ക് ബന്ധുവിനെ വരുത്തി നൗഫീക് യാത്രയായി

മ​ട്ട​ന്നൂ​ര്‍: ട്രെ​യി​ൻ ക​ണ്ണൂ​രി​ൽ എ​ത്തു​ന്ന​തി​ന് മ​ണി​ക്കൂ​റു​ക​ൾ​ക്കു മു​മ്പാ​ണ് ഭാ​ര്യാ​സ​ഹോ​ദ​ര​ന് ആ ​വി​ളി വ​ന്ന​ത്. തന്നെ കൂട്ടിക്കൊണ്ടുപോകാൻ റെയിൽവെ സ്റ്റേഷനിൽ എത്തണമെന്നാവശ്യപ്പെട്ടായിരുന്നു നൗ​ഫീ​ഖിന്റെ വിളി. മ​ണി​ക്കൂ​റു​ക​ൾ​ക്ക​കം ആ ​ദു​ര​ന്ത വാ​ർ​ത്ത​യെ​ത്തി.

ഞായറാഴ്ച അക്രമി തീകൊളുത്തിയ ക​ണ്ണൂ​ർ-​ആ​ല​പ്പു​ഴ എ​ക്സി​ക്യൂ​ട്ടി​വ് എക്സ്പ്രസിൽ ഡി വൺ കോച്ചിൽ യാത്രക്കാരനായിരുന്നു നൗഫീഖ്. മു​സ്ത​ഫ ഹു​ദ​വി ആ​ക്കോ​ടി​ന്റെ ക്ഷ​ണ​പ്ര​കാ​രം ഞാ​യ​റാ​ഴ്ച ഉ​ച്ച​യോ​ടെ​യാ​ണ് നൗ​ഫീ​ഖ് മ​ല​പ്പു​റ​ത്തേ​ക്കു പോ​യ​ത്. അദ്ദേഹം വ​രു​ന്ന​തും പ്രതീക്ഷിച്ച് ബന്ധു ഏറെ സമയം റെയിൽവെ സ്റ്റേഷനിൽ കാത്തിരുന്നെങ്കിലും വിഫലമായി.

​പു​ണ്യ​മാ​സ​ത്തി​ലെ അ​തി​ദാ​രു​ണ​മാ​യ മ​ര​ണം കേ​ട്ട് വി​റ​ങ്ങ​ലി​ച്ചി​രി​ക്കു​ക​യാ​ണ് നാ​ട്. കൊ​ടോ​ളി​പ്രം വ​രു​വ​ക്കു​ണ്ട് കോ​ള​നി​യി​ലെ ഫി​ദ മ​ന്‍സി​ലി​ലെ നൗ​ഫീ​ഖ് വി​ട​പ​റ​ഞ്ഞ​തോ​ടെ ഭാ​ര്യ​യും മൂ​ന്നു മ​ക്ക​ളു​മ​ട​ങ്ങു​ന്ന കു​ടും​ബ​മാ​ണ് അ​നാ​ഥ​മാ​യ​ത്.

ബു​ഷ്‌​റ​യാ​ണ് ഭാ​ര്യ. ഫി​ദ, മു​ഹ​മ്മ​ദ്, ഇ​സ്മാ​യി​ല്‍ എ​ന്നി​വ​ര്‍ മ​ക്ക​ൾ.

ഡി 1, ഡി 2 ബോഗികൾ ഫോറൻസിക് സംഘം പരിശോധിച്ചു

ക​ണ്ണൂ​ർ: എ​ല​ത്തൂ​രി​ൽ ട്രെ​യി​നി​ൽ പെ​ട്രോ​ൾ ഒ​ഴി​ച്ച് തീ ​കൊ​ളു​ത്തി​യ സം​ഭ​വ​ത്തി​ൽ അ​പ​ക​ട​മു​ണ്ടാ​യ ര​ണ്ട് ബോ​ഗി​ക​ളി​ൽ കോ​ഴി​ക്കോ​ടു​നി​ന്നു​ള്ള ഫോ​റ​ൻ​സി​ക് സം​ഘ​വും ക​ണ്ണൂ​രി​ൽ​നി​ന്നു​ള്ള ഫോ​റ​ൻ​സി​ക് സം​ഘ​വും പ​രി​ശോ​ധ​ന ന​ട​ത്തി. തി​ങ്ക​ളാ​ഴ്ച ഉ​ച്ച​ക്കു​ശേ​ഷം മൂ​ന്നോ​ടെ ഡി 1, ​ഡി 2 ബോ​ഗി​ക​ളി​ലാ​ണ് പ​രി​ശോ​ധ​ന ന​ട​ത്തി​യ​ത്. അ​ന്വേ​ഷ​ണ സം​ഘ​വും ഫോ​റ​ൻ​സി​ക് സം​ഘ​ത്തി​നൊ​പ്പ​മു​ണ്ടാ​യി​രു​ന്നു. പെ​ട്രോ​ൾ അ​ട​ങ്ങു​ന്ന കു​പ്പി​യു​ടെ അ​വ​ശി​ഷ്ടം സം​ഘം ക​ണ്ടെ​ടു​ത്തു. ഇ​വ രാ​സ പ​രി​ശോ​ധ​ന​ക്ക് അ​യ​ച്ചു.

കോ​ഴി​ക്കോ​ട് റെ​യി​ൽ​വേ ഇ​ൻ​സ്പെ​ക്ട​ർ സു​ധീ​ർ മ​നോ​ഹ​റി​ന്റെ നേ​തൃ​ത്വ​ത്തി​ലാ​ണ് പ​രി​ശോ​ധ​ന. ബോ​ഗി​ക​ളി​ൽ നി​ന്നു കി​ട്ടു​ന്ന തെ​ളി​വു​ക​ൾ കേ​സി​ൽ നി​ർ​ണാ​യ​ക രേ​ഖ​യാ​വു​മോ എ​ന്നാ​ണ് പ​രി​ശോ​ധ​ന. ഡി 1 ​കോ​ച്ചി​ലാ​ണ് കൂ​ടു​ത​ലും പെ​ട്രോ​ൾ ഒ​ഴി​ച്ച് ക​ത്തി​ച്ച​തി​ന്റെ പാ​ടു​ക​ളു​ള്ള​ത്.

ഒ​ന്നു​മു​ത​ൽ ആ​റു​വ​രെ സീ​റ്റി​ലാ​ണ് തീ​പ​ട​ർ​ന്ന​ത്. അ​തേ​സ​മ​യം, ഡി 2 ​കോ​ച്ചി​ൽ ര​ക്ത​ക്ക​റ​യു​മു​ണ്ട്. ഇ​ത് ആ​ക്ര​മി​യു​ടേ​താ​ണോ അ​തോ ആ​ക്ര​മ​ണ​ത്തി​ൽ പ​രി​ക്കേ​റ്റ​വ​രു​ടേ​താ​ണോ എ​ന്ന് ഫോ​റ​ൻ​സി​ക് പ​രി​ശോ​ധ​ന​ക്ക് ശേ​ഷം മാ​ത്ര​മേ തി​രി​ച്ച​റി​യാ​ൻ ക​ഴി​യൂ. പ​രി​ശോ​ധ​ന​ക്കാ​യി കോ​ച്ചു​ക​ൾ മാ​റ്റി​യി​ട്ടി​രു​ന്നു. പ​രി​ശോ​ധ​ന​ക്ക് ശേ​ഷം തി​ങ്ക​ളാ​ഴ്ച​ത​ന്നെ ഫോ​റ​ൻ​സി​ക് സം​ഘം മ​ട​ങ്ങി.