ഇലന്തൂര്‍ ഇരട്ട നരബലി: ആദ്യ കുറ്റപത്രം ഇന്ന് സമര്‍പ്പിച്ചേക്കും

കൊച്ചി: ഇലന്തൂര്‍ ഇരട്ട നരബലി കേസിലെ ആദ്യ കുറ്റപത്രം അന്വേഷണസംഘം ശനിയാഴ്ച കോടതിയില്‍ സമര്‍പ്പിക്കും. തമിഴ്‌നാട് സ്വദേശിനി പത്മയെ കൊലപ്പെടുത്തിയ കേസിന്റെ കുറ്റപത്രമാണ് എറണാകുളം മജിസ്‌ട്രേറ്റ് കോടതിയില്‍ സമര്‍പ്പിക്കുകയെന്ന് അന്വേഷണ സംഘം അറിയിച്ചു.

ഷാഫിയാണ് ഒന്നാം പ്രതി. ഇലന്തൂരിലെ ഭഗവല്‍ സിങ്, ഇയാളുടെ ഭാര്യ ലൈല എന്നിവരാണ് രണ്ടും മൂന്നും പ്രതികള്‍. കൊലപാതകം, ഗൂഢാലോചന, തട്ടിക്കൊണ്ടുപോകല്‍, മൃതദേഹത്തോട് അനാദരവ് കാണിക്കല്‍, കവർച്ച തുടങ്ങിയ കുറ്റങ്ങളാണ് പ്രതികള്‍ക്കെതിരെ അന്വേഷണസംഘം ചുമത്തിയിരിക്കുന്നത്. എറണാകുളത്തും കാലടിയിലുമായി രണ്ട് കേസുകളാണ് രജിസ്റ്റര്‍ ചെയ്തത്.