എ​സ്.​ഡി.​പി.​ഐ​യു​മാ​യു​ള്ള ബ​ന്ധ​ത്തി​ൽ നിലപാട് വ്യക്തമാക്കാതെ എളമരം കരീമും

കോ​ഴി​ക്കോ​ട്: എ​സ്.​ഡി.​പി.​ഐ​യു​മാ​യു​ള്ള ബ​ന്ധ​ത്തി​ൽ കൃ​ത്യ​മാ​യ നി​ല​പാ​ട് വ്യ​ക്ത​മാ​ക്കാ​തെ സി.​പി.​എം കേ​ന്ദ്ര ക​മ്മി​റ്റി അം​ഗം എ​ള​മ​രം ക​രീം. ജ​മാ​അ​ത്തെ ഇ​സ്‍ലാ​മി​യു​മാ​യി അ​ടു​ത്ത ബ​ന്ധം പു​ല​ർ​ത്തു​ന്ന യു.​ഡി.​എ​ഫാ​ണ് ഈ ​ആ​രോ​പ​ണം ഉ​യ​ർ​ത്തു​ന്ന​ത്. അ​വ​ർ​ക്ക് മ​റ്റൊ​ന്നും പ​റ​യാ​നി​ല്ലാ​ത്ത​തു​​കൊ​ണ്ടാ​ണ് ഇ​ക്കാ​ര്യം വി​വാ​ദ​മാ​ക്കു​ന്ന​തെ​ന്നും അ​ദ്ദേ​ഹം വാ​ർ​ത്ത​സ​മ്മേ​ള​ന​ത്തി​ൽ ആ​രോ​പി​ച്ചു.

ജ​മാ​അ​ത്തെ ഇ​സ്‍ലാ​മി​യെ കൂ​ട്ടു​പി​ടി​ച്ച തെ​റ്റി​നെ ന്യാ​യീ​ക​രി​ക്കാ​ൻ എ​ൽ.​ഡി.​എ​ഫും അ​ങ്ങി​നെ​യാ​ണെ​ന്ന് സ്ഥാ​പി​ക്കാ​നാ​ണ് അ​വ​ർ ശ്ര​മി​ക്കു​ന്ന​ത്.എ​സ്.​ഡി.​പി.​ഐ വ​ർ​ഗീ​യ ക​ക്ഷി​യാ​ണോ​യെ​ന്ന​ത് അ​വ​രാ​ണ് പ​റ​യേ​ണ്ട​ത്. ഈ ​വി​ഷ​യ​ത്തി​ൽ എം.​വി. ഗോ​വി​ന്ദ​നെ​യും എം.​എ. ബേ​ബി​​യെ​യും പോ​ലു​ള്ള സി.​പി.​എ​മ്മി​ന്റെ ഉ​ന്ന​ത നേ​താ​ക്ക​ൾ നി​ല​പാ​ട് വ്യ​ക്ത​മാ​ക്കി​യി​ട്ടു​ണ്ട്. നേ​മ​ത്ത് എ​സ്.​ഡി.​പി.​ഐ​യു​ടെ പി​ന്തു​ണ ആ​വ​ശ്യ​പ്പെ​ട്ടി​ട്ടു​ണ്ടോ​യെ​ന്ന​തി​നെ കു​റി​ച്ച് അ​റി​യി​ല്ലെ​ന്നും എ​ള​മ​രം ക​രീം പറഞ്ഞു.

പ​ശ്ചി​മേ​ഷ്യ​ൻ യു​ദ്ധ​ത്തി​ൽ ബി.​ജെ.​പി സ​ർ​ക്കാ​റി​ന്റെ ന​യ​ങ്ങ​ൾ കേ​ര​ള​ത്തി​ലു​ൾ​പ്പെ​ടെ വ​ലി​യ പ്ര​ശ്ന​ങ്ങ​ൾ സൃ​ഷ്ടി​ക്കു​ന്നു. എ​ന്നാ​ൽ, മോ​ദി​സ​ർ​ക്കാ​ർ അ​ക്കാ​ര്യ​ത്തി​ൽ മൗ​നം പാ​ലി​ക്കു​ക​യാ​ണ്. കോ​ൺ​ഗ്ര​സും ഇ​ക്കാ​ര്യ​ത്തി​ൽ ശ​ക്ത​മാ​യി നി​ല​പാ​ട് ഉ​ന്ന​യി​ക്കു​ന്നി​ല്ലെ​ന്നും എ​ള​മ​രം ക​രീം പ​റ​ഞ്ഞു. ​എ​സ്.​ഡി.​പി.​ഐ​യു​ടേ​ത് പോ​ലെ പ്ര​വ​ർ​ത്ത​ന ശൈ​ലി​യു​ള്ള​വ​രു​മാ​യും വ​ർ​ഗീ​യ നി​ല​പാ​ട് സ്വീ​ക​രി​ക്കു​ന്ന​വ​രു​മാ​യും സ​ഹ​ക​രി​ക്കാ​ൻ എ​ൽ.​ഡി.​എ​ഫി​ന് സാ​ധി​ക്കി​ല്ലെ​ന്ന് സി.​പി.​എം ജ​ന​റ​ൽ സെ​ക്ര​ട്ട​റി എം.​എ. ബേ​ബി‍യും പറഞ്ഞു. വോ​ട്ടി​നു​വേ​ണ്ടി എ​സ്.​ഡി.​പി.​ഐ​യു​മാ​യി ച​ർ​ച്ച ന​ട​ത്തി​യി​ട്ടി​ല്ല. ആ​ർ​ക്ക് വോ​ട്ട് ചെ​യ്യ​ണ​മെ​ന്ന് അ​വ​ർ തീ​രു​മാ​നി​ക്ക​ട്ടെ. എ​സ്.​ഡി.​പി.​ഐ വോ​ട്ട് സം​ബ​ന്ധി​ച്ച് വി.​ഡി. സ​തീ​ശ​ന്‍റെ ഭാ​വി​യി​ലെ പ്ര​സ്താ​വ​ന നോ​ക്കി പ്ര​തി​ക​രി​ക്കും. വ​ർ​ഗീ​യ​ത​യെ സ​മീ​ക​രി​ക്കു​ന്ന രീ​തി പാ​ടി​ല്ല. ആ​ർ.​എ​സ്.​എ​സ് സ്ഥാ​നാ​ർ​ഥി ഒ​രു മ​ണ്ഡ​ല​ത്തി​ൽ ജ​യി​ക്കാ​ൻ സാ​ധ്യ​ത​യു​ണ്ടെ​ങ്കി​ൽ, ത​ങ്ങ​ളു​ടെ പ​ക്ക​ലു​ള്ള വോ​ട്ടു​ക​ൾ ജ​നാ​ധി​പ​ത്യ വ​ശ​ത്തു​ള്ള ഇ​ട​ത് സ്ഥാ​നാ​ർ​ഥി​ക്ക് ന​ൽ​കി എ​തി​രാ​ളി​യെ തോ​ൽ​പി​ക്കാ​ൻ സാ​ധി​ക്കു​മെ​ന്ന സ​മീ​പ​നം എ​ടു​ക്കാ​ൻ അ​വ​ർ​ക്ക് അ​വ​കാ​ശ​മു​ണ്ടെ​ന്നും എ​റ​ണാ​കു​ളം പ്ര​സ് ക്ല​ബി​ൽ ‘മീ​റ്റ് ദ ​ലീ​ഡ​ർ’ പ​രി​പാ​ടി​യി​ൽ അ​ദ്ദേ​ഹം വ്യ​ക്ത​മാ​ക്കി.

ജ​മാ​അ​ത്തെ ഇ​സ്‍ലാ​മി​യു​ടെ മ​ത​രാ​ഷ്ട്ര​വാ​ദ​ത്തെ അം​ഗീ​ക​രി​ക്കു​ന്നി​ല്ല. സി.​പി.​എ​മ്മും ഇ​ട​തു​പ​ക്ഷ​വും രാ​ഷ്ട്രീ​യ ത​ത്വ​ങ്ങ​ളി​ൽ ഉ​റ​ച്ചു​നി​ൽ​ക്കു​ന്ന​വ​രാ​ണ്. നാ​ടി​ന്‍റെ ഇ​ന്ന​ത്തെ വ​സ്തു​നി​ഷ്ട​മാ​യ സാ​ഹ​ച​ര്യം ക​ണ​ക്കി​ലെ​ടു​ത്ത് ആ​വ​ശ്യ​മാ​യ സ​മീ​പ​നം സ്വീ​ക​രി​ക്കും. നി​യ​മ​സ​ഭ തെ​ര​ഞ്ഞെ​ടു​പ്പു​മാ​യി ബ​ന്ധ​പ്പെ​ട്ട് കോ​ൺ​ഗ്ര​സ് നേ​താ​വ് രാ​ഹു​ൽ ഗാ​ന്ധി സൂ​ക്ഷ്മ​ത​യി​ല്ലാ​തെ​യാ​ണ് സം​സാ​രി​ക്കു​ന്ന​തെ​ന്ന് അ​ദ്ദേ​ഹം കു​റ്റ​പ്പെ​ടു​ത്തി. വി​വാ​ദ എ​ഫ്.​സി.​ആ​ർ.​എ ഭേ​ദ​ഗ​തി​ക്കെ​തി​രെ രാ​ജ്യ​ത്ത് വ്യാ​പ​ക പ്ര​തി​ഷേ​ധം ഉ​യ​ർ​ന്ന​താ​യും ന്യൂ​ന​പ​ക്ഷ​ങ്ങ​ൾ, പ​രി​സ്ഥി​തി സം​ഘ​ട​ന​ക​ൾ, പൗ​രാ​വ​കാ​ശ-​മ​നു​ഷ്യാ​വ​കാ​ശ സം​ഘ​ട​ന​ക​ൾ എ​ന്നി​വ​ക്കെ​തി​രാ​യ കേ​ന്ദ്ര സ​ർ​ക്കാ​റി​ന്‍റെ നീ​ക്ക​മാ​ണി​തെ​ന്നും ബേ​ബി പ​റ​ഞ്ഞു