Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightKeralachevron_rightജനജാഗ്രത യാത്ര:...

ജനജാഗ്രത യാത്ര: കൊടുവള്ളിയിലെ സ്വീകരണത്തിൽ ജാഗ്രതക്കുറവ്​ സംഭവിച്ചതായി എളമരം കരീം

text_fields
bookmark_border
ജനജാഗ്രത യാത്ര: കൊടുവള്ളിയിലെ സ്വീകരണത്തിൽ ജാഗ്രതക്കുറവ്​ സംഭവിച്ചതായി എളമരം കരീം
cancel

കോഴിക്കോട്​: സി.പി.എം സംസ്​ഥാന സെക്രട്ടറി കോടിയേരി ബാലകൃഷ്​ണൻ നയിക്കുന്ന ജനജാഗ്രത യാത്രക്ക്​ കൊടുവള്ളിയിൽ സ്വീകരണ വാഹനം ഏർപ്പെടുത്തിയതിൽ ജാഗ്രതക്കുറവ്​ സംഭവിച്ചതായി സി.പി.എം കേന്ദ്രകമ്മിറ്റി അംഗവും സി.​െഎ.ടി.യു സംസ്​ഥാന ജനറൽ സെക്രട്ടറിയുമായ എളമരം കരീം. പാർട്ടി മുഖപത്രമായ  ദേശാഭിമാനിയുടെ നിലപാട്​ പേജിലാണ്​ ഇക്കാര്യം വ്യക്​തമാക്കുന്നത്​. ജനജാഗ്രത യാത്രക്ക്​ കൊടുവള്ളിയിൽ വിവാദവ്യക്​തിയുടെ കാർ ഉപയോഗിച്ചത്​ യു.ഡി.എഫും ബി.ജെ.പിയും ആയുധമാക്കിയിരുന്നു. ഇതേതുടർന്ന്​ പാർട്ടിതലങ്ങളിലും ഇത്​ ചർച്ചയായി. സി.പി.എം ജില്ല കമ്മിറ്റിയും കൊടുവള്ളിയിൽ വാഹനം ഏർപ്പെടുത്തിയതിൽ ജാഗ്രതക്കുറവുണ്ടായതായി വിലയിരുത്തിയിരുന്നു. ഇപ്പോൾ എളമരം കരീമി​​െൻറ ലേഖനത്തിലും ഇൗ വസ്​തുത പരസ്യമായി തുറന്നുപറഞ്ഞിരിക്കുകയാണ്​. 

ലേഖനത്തിൽ പറയുന്നത്​ ഇപ്രകാരം​: കൊടുവള്ളിയിലെ സ്വീകരണത്തിന്​ സംഘാടക  സമിതി തുറന്ന വാഹനം നേരത്തേ ഏർപ്പാട്​ ചെയ്​തിരുന്നു. അതിന്​ തകരാർ സംഭവിച്ചപ്പോൾ ​െപ​െട്ടന്ന്​ മറ്റൊരു വാഹനം സംഘടിപ്പിക്കുകയായിരുന്നു. കൊടുവള്ളി മുനിസിപ്പൽ കൗൺസിലർ കൂടിയായ വ്യക്​തിയുടെ വാഹനമാണ്​ പെ​െട്ടന്ന്​ കിട്ടിയത്​. ഇൗ വാഹനം സ്വീകരണപരിപാടിക്ക്​ അനുയോജ്യമായ ഒന്നല്ല. സംഘാടകസമിതിക്കാരുടെ നിർബന്ധത്തിന്​ വഴങ്ങിയാണ്​ കോടിയേരി വാഹനത്തിൽ കയറിയത്​. കൊടുവള്ളി നഗരത്തിൽ തടിച്ചുകൂടിയ ജനാവലിക്ക്​ ജാഥാ ലീഡറെ കാണാൻ സൗകര്യമൊരുക്കുക എന്നതുമാത്രമാണ്​ സംഘാടകസമിതി ആലോചിച്ചത്​. ജാഥാലീഡറെ സ്വീകരിക്കാനുള്ള വാഹനം ഏർപ്പെടുത്തു​േമ്പാൾ കുറേക്കൂടി ജാഗ്രത പുലർത്തേണ്ടതായിരുന്നു. രാഷ്​ട്രീയ എതിരാളികൾക്ക്​ ഏതെങ്കിലും വിധത്തിലുള്ള ആക്ഷേപം ഉന്നയിക്കാൻ അവസരം നൽകാൻ പാടില്ലായിരുന്നുവെന്നും ലേഖനത്തിൽ ചൂണ്ടിക്കാട്ടുന്നു. 

സോളാർ കമീഷൻ റിപ്പോർട്ട്​ പുറത്തുവന്നതോടെ മുങ്ങിത്താണ കോൺഗ്രസിനും മെഡിക്കൽകോഴ^കള്ളനോട്ടടി പ്രശ്​നങ്ങളിൽ മുഖം നഷ്​ടപ്പെട്ട ബി.ജെ.പിക്കും നഗ്​നത മറയ്​ക്കാൻ കളമൊരുക്കുകയാണ്​ ഇൗ വിഷയം വിവാദമാക്കി ചില മാധ്യമങ്ങൾ ചെയ്യുന്നതെന്നും ലേഖനത്തിൽ ആക്ഷേപിക്കുന്നുണ്ട്​.
 

Show Full Article
TAGS:elamaram kareem kodiyeri balakrishnan kerala news malayalam news 
Next Story