കേരളത്തില് ചെറിയ പെരുന്നാൾ തിങ്കളാഴ്ച
text_fieldsകോഴിക്കോട്: ശവ്വാൽ മാസപ്പിറവി ശനിയാഴ്ച ദൃശ്യമാകാതിരുന്നതിനാൽ ഞായറാഴ്ച റമദാൻ 30 പൂർത്തിയാക്കി തിങ്കളാഴ്ച ഇൗദുൽ ഫിത്ർ ആയിരിക്കുമെന്ന് വിവിധ ഖാദിമാർ അറിയിച്ചു. പെരുന്നാൾ തിങ്കളാഴ്ചയായിരിക്കുമെന്ന് ഖാദിമാരായ പാണക്കാട് ഹൈദരലി ശിഹാബ് തങ്ങൾ, സമസ്ത കേരള ജംഇയ്യതുല് ഉലമ പ്രസിഡൻറ് മുഹമ്മദ് ജിഫ്രി മുത്തുക്കോയ തങ്ങൾ, സമസ്ത ജനറല് സെക്രട്ടറി പ്രഫ. കെ. ആലിക്കുട്ടി മുസ്ലിയാർ, കോഴിക്കോട് ഖാദിമാരായ മുഹമ്മദ് കോയ തങ്ങള് ജമലുല്ലൈലി, നാസര് ഹയ്യ് ശിഹാബ് തങ്ങൾ, കെ.വി. ഇമ്പിച്ചമ്മദ് ഹാജി, ദക്ഷിണ കേരള ജംഇയ്യതുല് ഉലമ പ്രസിഡൻറ് വി.എം. മൂസ മൗലവി, കേരള മുസ്ലിം ജമാഅത്ത് ഫെഡറേഷന് സംസ്ഥാന പ്രസിഡൻറ് കടക്കല് അബ്ദുല് അസീസ് മൗലവി, പൊന്നാനി മഖ്ദൂം എം.പി. മുത്തുക്കോയ തങ്ങള് എന്നിവര് അറിയിച്ചു.
പെരുന്നാൾ തിങ്കളാഴ്ചയാണെന്ന് കോഴിക്കോട്, വയനാട്, മലപ്പുറം സംയുക്ത ഖാദിമാരായ കാന്തപുരം എ.പി. അബൂബക്കർ മുസ്ലിയാർ, കെ.പി. ഹംസ മുസ്ലിയാർ, ഇബ്രാഹിം ഖലീലുൽ ബുഖാരി തങ്ങൾ, കേരള ഹിലാൽ കമ്മിറ്റി ചെയർമാൻ എം. മുഹമ്മദ് മദനി, മലപ്പുറം ഖാദി ഒ.പി.എം. മുത്തുക്കോയ തങ്ങൾ എന്നിവരും അറിയിച്ചു.
ഒമാൻ ഒഴികെയുള്ള ഗൾഫ് രാജ്യങ്ങളിൽ ഞായറാഴ്ചയാണ് പെരുന്നാൾ ആഘോഷിക്കുന്നത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.