‘പലചരക്ക് സാധനങ്ങൾ കടം വാങ്ങേണ്ടി വരുന്നത് സാധാരണമാണ്’; സ്കൂളുകളിൽ ഫ്രൈഡ് റൈസ് കൊടുത്തേ മതിയാവൂ എന്ന് മന്ത്രി ശിവൻകുട്ടി

കോഴിക്കോട്: സ്കൂളുകളിൽ കുട്ടികൾക്ക് ഉച്ചഭക്ഷണത്തിന് ഫ്രൈഡ് റൈസ് കൊടുത്തേ മതിയാവൂ എന്ന് വിദ്യാഭ്യാസമന്ത്രി വി. ശിവൻകുട്ടി. അതിന്റെ പേരിൽ പ്രധാനാധ്യാപകർ കടക്കാരാകില്ല. പലചരക്ക് കടകളിൽ നിന്ന് ചിലപ്പോൾ സാധനങ്ങൾ കടം വാങ്ങേണ്ടി വരും. അതൊക്കെ സാധാരണമാണെന്നും മന്ത്രി പറഞ്ഞു.

പ്രാദേശിക തലത്തിൽ ഇതിന് പരിഹാരം കാണണം. ഇതൊക്കെ പ്രധാനാധ്യാപകരുടെ ​ജോലിയാണ്. അതിനൊക്കെയാണ് അവർക്ക് ശമ്പളം നൽകുന്നത്. ഈ വർഷം തന്നെ സ്കൂളുകളിൽ ഉച്ചഭക്ഷണമായി കുട്ടികൾക്ക് ഫ്രൈഡ് റൈസ് നൽകുന്ന പദ്ധതി നടപ്പാക്കും. പ്രധാനാധ്യാപകർക്ക് ഇതിന് പണം കൈയിൽ നിന്നെടുക്കേണ്ടി വരില്ല.

കുട്ടികൾക്ക് ഉച്ചഭക്ഷണം കൊടുത്തതിന്റെ പേരിൽ ഒരധ്യാപകനും ദരിദ്രരായിട്ടില്ലെന്നും മന്ത്രി പറഞ്ഞു. കോഴിക്കോട്ട് മാധ്യമപ്രവർത്തകരുമായി സംസാരിക്കുകയായിരുന്നു മന്ത്രി.

സം​സ്‌​ഥാ​ന​ത്ത്‌ സ്‌​കൂ​ളു​ക​ളി​ലെ ഉ​ച്ച​ഭ​ക്ഷ​ണം ഏ​കീ​ക​രി​ച്ച്‌ കേരള സ​ർ​ക്കാ​ർ കഴിഞ്ഞ ദിവസമാണ് വിജ്ഞാപനം പുറപ്പെടുവിച്ചത്. ഇ​ല​ക്ക​റി​യി​ൽ പ​യ​ർ, പ​രി​പ്പ്‌ വ​ർ​ഗ​ങ്ങ​ൾ ചേ​ർ​ത്ത്‌ പാ​കം ​ചെ​യ്യ​ണം. ആ​ഴ്‌​ച​യി​ൽ ഒ​രു​ ദി​വ​സം ഫോ​ർ​ട്ടി​ഫൈ​ഡ്‌ അ​രി​ കൊ​ണ്ട്‌ വെ​ജി​റ്റ​ബി​ൾ ഫ്രൈ​ഡ്‌ റൈ​സ്‌, വെ​ജി​റ്റ​ബി​ൾ ബി​രി​യാ​ണി എ​ന്നി​വ ഒ​രു​ക്ക​ണം.

ഇ​തി​നൊ​പ്പം കൂ​ട്ടു​ക​റി, കു​റു​മ പോ​ലു​ള്ള വെ​ജി​റ്റ​ബി​ൾ ക​റി​ക​ൾ ന​ൽ​ക​ണം. പ​ച്ച​ക്ക​റി​ക്ക് ബ​ദ​ലാ​യി മാ​സ​ത്തി​ൽ ഒ​ന്നോ ര​ണ്ടോ ദി​വ​സ​ങ്ങ​ളി​ൽ മൈ​ക്രോ​ഗ്രീ​ൻ​സ് ഭ​ക്ഷ​ണ മെ​നു​വി​ൽ ഉ​ൾ​പ്പെ​ടു​ത്ത​ണം. പു​തി​ന, ഇ​ഞ്ചി, നെ​ല്ലി​ക്ക, പ​ച്ച​മാ​ങ്ങ എ​ന്നി​വ ചേ​ർ​ത്ത് ത​യാ​റാ​ക്കു​ന്ന ച​മ്മ​ന്തി കൊ​ടു​ക്കു​ന്ന കാ​ര്യ​വും പ​രി​ഗ​ണി​ച്ചി​ട്ടു​ണ്ട്. ഇ​വ വെ​ജ് റൈ​സ്, ബി​രി​യാ​ണി, ലെ​മ​ൺ റൈ​സ് എ​ന്നി​വ​യു​ടെ കൂ​ടെ തൊ​ടു​ക​റി​യാ​യി വി​ള​മ്പാം.

ചെ​റു​ധാ​ന്യ​ങ്ങ​ളു​ടെ പ്രാ​ധാ​ന്യം ക​ണ​ക്കി​ലെ​ടു​ത്ത്‌ കു​ട്ടി​ക​ൾ​ക്ക് റാ​ഗി ഉ​പ​യോ​ഗി​ച്ച്​ റാ​ഗി ബാ​ൾ​സ്, ശ​ർ​ക്ക​ര​യും തേ​ങ്ങ​യും ചേ​ർ​ത്ത റാ​ഗി കൊ​ഴു​ക്ക​ട്ട, ഇ​ല​യ​ട, അ​വി​ൽ വി​ള​യി​ച്ച​ത്, പാ​ൽ ഉ​പ​യോ​ഗി​ച്ച് കാ​ര​റ്റ് പാ​യ​സം, റാ​ഗി​യോ മ​റ്റ് മി​ല്ല​റ്റു​ക​ളോ ഉ​പ​യോ​ഗി​ച്ചു​ള്ള പാ​യ​സം എ​ന്നി​ങ്ങ​നെ വ്യ​ത്യ​സ്ത വി​ഭ​വ​ങ്ങ​ളും മെ​നു​വി​ൽ ഉ​ൾ​പ്പെ​ടു​ത്തി​യി​ട്ടു​ണ്ട്‌.

ഉ​ച്ച​ഭ​ക്ഷ​ണ മെ​നു ശാ​സ്ത്രീ​യ​മാ​യി പ​രി​ശോ​ധി​ക്കു​ന്ന​തി​നും പ​രി​ഷ്‌​ക​രി​ക്കു​ന്ന​തി​നും നി​യോ​ഗി​ച്ച വി​ദ​ഗ്ധ​ സ​മി​തി ത​യാ​റാ​ക്കി​യ റി​പ്പോ​ർ​ട്ട് പ്ര​കാ​രാ​ണ്‌ മെ​നു പ​രി​ഷ്‌​ക​ര​ണം. തി​രു​വ​ന​ന്ത​പു​രം മു​ത​ൽ കാ​സ​ർ​കോ​ട് വ​രെ​യു​ള്ള സ്‌​കൂ​ളു​ക​ളി​ൽ കു​ട്ടി​ക​ൾ ഇ​നി ഒ​രു​ പോ​ല​ത്തെ ഭ​ക്ഷ​ണം ക​ഴി​ക്കു​മെ​ന്നും മ​ന്ത്രി ​ശി​വ​ൻ​കു​ട്ടി വ്യക്‌​ത​മാ​ക്കിയിരുന്നു.