എടപ്പാൾ തിയറ്റർ ഉടമയുടെ അറസ്റ്റില്‍ മുഖ്യമന്ത്രിക്ക് അതൃപ്തി

എടപ്പാള്‍: തിയറ്ററിൽ ബാലിക​െയ പീഡിപ്പിച്ച വിവരം പൊലീസിനെ അറിയിക്കുന്നതിൽ വീഴ്​ച വരുത്തി എന്നാരോപിച്ച്​ തിയറ്റർ ഉടമയെ അറസ്​റ്റ്​ ചെയ്​ത സംഭവത്തിൽ മുഖ്യമന്ത്രിക്ക് അതൃപ്തി. അറസ്റ്റ് നിയമപരമാണോയെന്ന് പരിശോധിച്ച് റിപ്പോര്‍ട്ട് നല്‍കാന്‍ മുഖ്യമന്ത്രി ഡി.ജി.പിക്ക് നിര്‍ദേശം നല്‍കി. ഡി.ജി.പി ഡയറക്ടര്‍ ജനറല്‍ ഓഫ് പ്രോസിക്യൂഷനോട് നിയമോപദേശം തേടി. 

തിയറ്റർ ഉടമയായ ഇ.സി സതീഷിനെയാണ് അറസ്​റ്റ്​ ചെയ്​തത്​. ദൃശ്യങ്ങൾ പ്രചരിപ്പിച്ചു, വിവരം ​െപാലീസി​െന അറിയിച്ചില്ല എന്നീ കുറ്റങ്ങളാണ്​ ചുമത്തിയത്. സതീശിനെ പിന്നീട്​ ​സ്​റ്റേഷൻ ജാമ്യത്തിൽ വിട്ടയച്ചു.

കേസിലെ പ്രതിയായ മൊയ്​തീൻ കുട്ടിയും ബാലികയുടെ മാതാവും റിമാൻഡിലാണ്​. ഇയാൾക്ക്​ വേണ്ടി അഡ്വ. ആളൂരാണ്​ കോടതിയിൽ ഹാജരാകുന്നത്​. ഏപ്രില്‍ 18ന് വൈകീട്ട്​ ആറിനുള്ള പ്രദര്‍ശനത്തിനിടയിലാണ് ഒരു സ്ത്രീക്കൊപ്പം ഇരുന്ന മൊയ്​തീൻകുട്ടി തൊട്ടടുത്തിരുന്ന പത്ത് വയസ്സ് തോന്നിക്കുന്ന ബാലികയെ പീഡിപ്പിച്ചത്​.

സി.സി.ടി.വി ദൃശ്യങ്ങളിൽ ഇത്​ വ്യക്തമായിരുന്നു. ഏപ്രില്‍ 26ന്​ സി.സി.ടി.വി ദൃശ്യങ്ങള്‍ ശ്രദ്ധയില്‍പ്പെട്ട തിയറ്റർ ജീവനക്കാര്‍ ദൃശ്യങ്ങൾ ചൈൽഡ്‌ ലൈനിന്​ കൈമാറി. ദൃശ്യങ്ങൾ സഹിതം ചൈല്‍ഡ് ലൈന്‍ അധികൃതര്‍ ചങ്ങരംകുളം പൊലീസിന് അന്നുതന്നെ പരാതി നല്‍കിയെങ്കിലും പൊലീസ് കേസെടുത്തില്ല. 

രണ്ട്​ തവണ പരാതി നൽകിയിട്ടും നടപടി ഉണ്ടാകാതിരുന്ന സംഭവം മാധ്യമങ്ങൾ വഴി പുറത്തറിഞ്ഞതോടെയാണ്​ പ്രതിയെ പൊലീസ്​ അറസ്​റ്റ്​ ചെയ്​തത്​. പൊലീസിന്​ രൂക്ഷ വിമർശനം ഏൽക്കേണ്ടി വന്ന കേസ്​ വെളിച്ചത്തു കൊണ്ടുവന്നതിന്​ വനിതാ കമീഷനടക്കം തിയറ്റർ ഉടമയെ അഭിനന്ദിച്ചിരുന്നു. 

ബാലിക പീഡനത്തിനിരയായ സംഭവത്തിൽ സിനിമ തി​യറ്റർ ഉടമയുടെ പരാതിപ്രകാരം തുടർനടപടികളെടുത്ത ചൈൽഡ്​ ലൈൻ അധികൃതരെ കുടുക്കാനും പൊലീസ്​ ശ്രമിക്കുന്നതായി നേരത്തെ പരാതി ഉയർന്നിരുന്നു.   ദൃശ്യങ്ങൾ പ്രചരിപ്പിച്ചെന്നും കൃത്രിമം കാണിക്കാൻ ശ്രമിച്ചെന്നും ആരോപിച്ചായിരുന്നു കേസെടുക്കാൻ നീക്കം നടന്നത്​.