ഒരു കോവിഡ് രോഗി പോലുമില്ല; നമ്മൾ കണ്ടു പഠിക്കണം ലോകത്തിന് മാതൃകയായ ഈ 'കേരള പഞ്ചായത്തിനെ'
text_fieldsമൂന്നാർ: കോവിഡിനൊപ്പം ലോകവും മലയാളികളും ജീവിക്കാൻ തുടങ്ങിയിട്ട് വർഷം ഒന്നര കഴിഞ്ഞു. ഇപ്പോഴും കോവിഡിനെ പുറം ലോകത്ത് നിർത്തിയ ഒരു ദേശമുണ്ട് ഈ കേരളത്തിൽ. ഇപ്പോൾ ആ ദേശം ലോകത്തിന് തന്നെ മാതൃകയാവുകയാണ്.
സംസ്ഥാനത്തെ ആദ്യ ഗോത്രവർഗ പഞ്ചായത്ത് കൂടിയായ ഇടുക്കിയിലെ ഇടമലക്കുടിയാണ് കോവിഡിനെ ഇപ്പോഴും അകലത്ത് നിർത്തിയിരിക്കുന്ന നാട്. മുവായിരത്തോളം പേർ താമസിച്ചിട്ടും ഒരാൾക്കും കോവിഡ് വരാതിരിക്കാൻ ഈ ജനത കാണിച്ച സൂക്ഷ്മതയാണ് ഏറ്റവും വലിയ പ്രതിരോധമായത്.
സംസ്ഥാനത്ത് കോവിഡ് റിപ്പോർട്ട് ചെയ്ത ആദ്യ നാൾ മുതൽ തന്നെ കോവിഡിനെ അകറ്റാൻ സാമൂഹിക അകലവും, സ്വന്തമായി ലോക്ഡൗണും പ്രഖ്യാപിച്ചു.
റേഷൻ ഒഴികെയുള്ള മറ്റെല്ലാത്തിനും മൂന്നാറിനെയാണ് ഈ പഞ്ചായത്ത് ആശ്രയിക്കുന്നത്. ആഴ്ചയിലൊരു ദിവസം സാധനങ്ങൾ വാങ്ങാനായി ഒരു ജീപ്പ് മൂന്നാറിലേക്ക് പോകും, അതായിരുന്നു കോവിഡിന് മുമ്പുള്ള പതിവ്.
എന്നാൽ കോവിഡ് വന്നതോടെ ഉൗരു മൂപ്പെൻറയും ആരോഗ്യവകുപ്പിെൻറയും പഞ്ചായത്തിെൻറയും നേതൃത്വത്തിൽ നാട്ടൂകുട്ടം കൂടി ഈ പതിവ് ഇനി വേണ്ടെന്ന് തീരുമാനിച്ചു.
പകരം ഒരാൾ പോയി വേണ്ട സാധനങ്ങളെല്ലാം വാങ്ങിവരും. പോകുന്ന ആൾ രണ്ടാഴ്ച കോറൻറീനിൽ പോകണമെന്നും തീരുമാനിച്ചു.
പഞ്ചായത്തിെൻറ തീരുമാനം വന്നതോടെ വനം വകുപ്പധികൃതരും പുറത്ത് നിന്നുള്ളവർക്ക് ഇടമലക്കുടിയിലേക്ക് പോകാൻ അനുമതി നൽകുന്നില്ല. ഇതിനൊപ്പം മൂപ്പെൻറ നേതൃത്വത്തിൽ പ്രത്യേക നിരീക്ഷണ സംഘവും പ്രദേശത്തുണ്ട്. തെരഞ്ഞെടുപ്പ് കാലത്ത് പോലും ഈ പ്രോട്ടോക്കോൾ പാലിച്ചാണ് അവർ വോട്ട് ചെയ്തത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.