ഇ.ഡി അറസ്​റ്റ് ചെയ്ത കാമ്പസ്​ ഫ്രണ്ട് നേതാവിനെ അഞ്ചലിലെത്തിച്ച് തെളിവെടുത്തു

അഞ്ചൽ: കഴിഞ്ഞ ദിവസം തിരുവനന്തപുരം വിമാനത്താവളത്തിൽനിന്ന് എൻഫോഴ്മെൻറ് അധികൃതർ അറസ്​റ്റ് ചെയ്ത കാമ്പസ്​ ഫ്രണ്ട് നേതാവിനെ അഞ്ചലിലെ വീട്ടിലെത്തിച്ച് തെളിവെടുത്തു. കടയ്ക്കൽ ചുണ്ട സ്വദേശി, ഏറെനാളായി അഞ്ചൽ ചന്തമുക്കിന് സമീപം വാടക വീട്ടിൽ താമസിച്ചു വരുന്ന റൗഫ് ഫെരീഫിനെയാണ് അറസ്​റ്റ് ചെയ്തത്.

ഏതാനും ദിവസം മുമ്പ് പോപ്പുലർ ഫ്രണ്ട് നേതാക്കളുടെ വീടുകളിൽ നടന്ന റെയ്ഡിന്‍റെ അടിഥാനത്തിലാണ് കാമ്പസ്​ ഫ്രണ്ട് നേതാവായ റൗഫ് ഷെരീഫിനെ അറസ്​റ്റ് ചെയ്തത്. അഞ്ചലിലെ വീട്ടിലെത്തിച്ചുനടത്തിയ പരിശോധനയിൽ തെളിവുകളൊന്നും കണ്ടെത്താൻ ഇ.ഡിക്ക് കഴിഞ്ഞില്ലെന്നാണ് സൂചന. റൗഫ് ഷെരീഫിനെ വീട്ടിലെത്തിച്ചതറിഞ്ഞ് അഞ്ചലിലേയും പരിസരത്തേയും കാമ്പസ്​ ഫ്രണ്ട് പ്രവർത്തകർ റൗഫിെൻറ വീടിന് മുന്നിൽ പ്രതിഷേധവുമായി എത്തി. സായുധസേനയുടെ സംരക്ഷണത്തിലാണ് റൗഫിനെ വീട്ടിലെത്തിച്ചത്.

വാർത്ത കേട്ട് സ്ഥലത്തേക്ക് കൂടുതൽ കാമ്പസ് ഫ്രണ്ട്​‌ പ്രവർത്തകർ എത്തിത്തുടങ്ങിയതോടെ പരിസരത്തെ വിവിധ പൊലീസ് സ്​റ്റേഷനുകളിൽനിന്നുള്ള ഉദ്യോഗഥർ എത്തിയാണ് സ്ഥിതിഗതികൾ നിയന്ത്രിച്ചത്. അറസ്​റ്റിൽ പ്രതിഷേധിച്ച് കാമ്പസ്​ ഫ്രണ്ട് പ്രവർത്തകർ അഞ്ചലിൽ പ്രകടനം നടത്തി. റോഡ് ഭാഗികമായി ഉപരോധിച്ച് പ്രതിഷേധയോഗവും നടത്തി. കേന്ദ്ര ഏജൻസികളെ ഉപയോഗിച്ച് എതിരാളികളെ നേരിടുന്ന നിലപാടാണ് കേന്ദ്രസർക്കാർ നടപ്പാക്കുന്നതെന്നും ഇതിന് മുന്നോടിയാണ് റൗഫിെൻറ അറസ്​റ്റേന്നും പ്രതിഷേധക്കാർ പറഞ്ഞു.

ഡൽഹിയിൽ നടന്നുവരുന്ന സമരങ്ങൾക്ക് നേതൃത്വം നൽകുകയും, പ്രസ്താവനകൾ ഇറക്കുകയും ചെയ്യുക മാത്രമേ അദ്ദേഹം ചെയ്തിട്ടുള്ളു എന്നാണ് ബന്ധുക്കളുടെയും കാമ്പസ്​ ഫ്രണ്ട് നേതാക്കളുടെയും വിശദീകരണം.