Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightക​രു​വ​ന്നൂ​ർ...

ക​രു​വ​ന്നൂ​ർ ബാ​ങ്കി​ലും പ്ര​തി​ക​ളു​ടെ വീ​ടു​ക​ളി​ലും നടന്ന ഇ.​ഡി റെയ്ഡ് പൂർത്തിയായി, പിടിച്ചെടുത്തത് ഡിജിറ്റൽ തെളിവുകൾ അടക്കമുള്ളവ

text_fields
bookmark_border
Karuvannur bank scam
cancel

തൃ​ശൂ​ർ: 300 കോ​ടി​യോ​ളം രൂ​പ​യു​ടെ ക്ര​മ​ക്കേ​ട് ന​ട​ന്ന​താ​യി അ​രോ​പ​ണ​മു​ള്ള ക​രു​വ​ന്നൂ​ർ സ​ഹ​ക​ര​ണ ബാ​ങ്കി​ലും കേ​സി​ലെ പ്ര​ധാ​ന പ്ര​തി​ക​ളു​ടെ വീ​ടു​ക​ളി​ലും ഇ.​ഡി സം​ഘം ന​ട​ത്തിയ മി​ന്ന​ൽ പ​രി​ശോ​ധ​ന പൂർത്തിയായി. ബു​ധ​നാ​ഴ്ച രാ​വി​ലെ എ​ട്ടോ​ടെ​​ ഒ​രേ​സ​മ​യം എ​ല്ലാ​യി​ട​ത്തും തു​ട​ങ്ങി​യ​ ഇ.ഡിയുടെ പ​രി​ശോ​ധ​ന 20 മണിക്കൂറിന് ശേഷം വ്യാഴാഴ്ച പുലർച്ചെ മൂന്നരയോടെയാണ് പൂർത്തിയായത്. ഇ.​ഡി കൊ​ച്ചി യൂ​നി​റ്റ് എ.​സി.​പി ര​ത്ന​കു​മാ​റി​ന്‍റെ നേ​തൃ​ത്വ​ത്തി​ൽ 75 ഉ​ദ്യോ​ഗ​സ്ഥ​രാ​ണ് പ​രി​ശോ​ധ​​ന​ നടത്തിയത്.

ഒ​ന്നാം​പ്ര​തി സു​നി​ൽ​കു​മാ​ർ, ര​ണ്ടാം​പ്ര​തി ബി​ജു ക​രിം, അ​ക്കൗ​ണ്ട​ന്‍റ് ജി​ൽ​സ്, ക​മീ​ഷ​ൻ ഏ​ജ​ന്‍റ് ബി​ജോ​യ് എ​ന്നി​വ​രു​ടെ​യും ബാ​ങ്ക് പ്ര​സി​ഡ​ന്‍റാ​യി​രു​ന്ന കെ.​കെ. ദി​വാ​ക​ര​ന്‍റെ​യും വീ​ടു​ക​ളി​ലാ​യി​രു​ന്നു പ​രി​ശോ​ധ​ന. ദി​വാ​ക​ര​ന്‍റെ വീ​ട്ടി​ൽ​ നി​ന്ന് വ​സ്തു​ക്ക​ളു​ടെ ആ​ധാ​രവും ബാങ്കിൽ നിന്ന് ഡിജിറ്റൽ തെളിവുകൾ അടക്കമുള്ള രേഖകളും അന്വേഷണ ഉദ്യോഗസ്ഥർ പിടിച്ചെടുത്തു.

ബി​നാ​മി നി​ക്ഷേ​പം ന​ട​ത്തി​യ​തി​ന്‍റെ രേ​ഖ​ക​ൾ ക​ണ്ടെ​ത്താ​നാ​യി​ട്ടാ​യി​രു​ന്നു പ​രി​ശോ​ധ​ന. ബാ​ങ്ക് സ​മ​യ​ത്തി​നു മു​മ്പ്​ എ​ത്തി​യ​തി​നാ​ൽ ഇ.​ഡി സം​ഘം ബാ​ങ്ക് സു​ര​ക്ഷ ജീ​വ​ന​ക്കാ​ര​നെ ഉ​പ​യോ​ഗി​ച്ച് വാ​തി​ൽ തു​റ​ന്ന് അ​ക​ത്തു​ക​ട​ന്ന് പ​രി​ശോ​ധ​ന തു​ട​ങ്ങി. പി​ന്നീ​ടെ​ത്തി​യ ജീ​വ​ന​ക്കാ​രെ ഓ​രോ​രു​ത്ത​രെ​യാ​യി മു​ക​ൾ​നി​ല​യി​ലേ​ക്ക് വി​ളി​ച്ചു​ വ​രു​ത്തി വി​വ​ര​ങ്ങ​ൾ ശേ​ഖ​രി​ച്ചു. അ​വ​ധി​യി​ലു​ണ്ടാ​യി​രു​ന്ന​വ​രെ ഇ.​ഡി​യു​ടെ വാ​ഹ​നം അ​യ​ച്ച് വി​ളി​ച്ചു ​വ​രു​ത്തി.

ചി​കി​ത്സ​ക്ക് പ​ണ​മി​ല്ലാ​തെ നി​ക്ഷേ​പ​ക മ​രി​ച്ച​തോ​ടെ​യാ​ണ് വീ​ണ്ടും ക​രു​വ​ന്നൂ​ർ കേ​സ് സ​ജീ​വ​മാ​യ​ത്. 300 കോ​ടി​യോ​ളം രൂ​പ​യു​ടെ ത​ട്ടി​പ്പ് ന​ട​ത്തി​യ കേ​സി​ൽ ഇ​തു​വ​രെ ഇ.​ഡി അ​ന്വേ​ഷ​ണം ന​ട​ത്താ​ത്ത​ത് വി​വാ​ദ​മാ​യി​രു​ന്നു. അ​ടു​ത്ത ദി​വ​സം ഹൈ​കോ​ട​തി കേ​സ് പ​രി​ഗ​ണി​ക്കാ​നി​രി​ക്കെ​യാ​ണ് ഇ.​ഡി​യു​ടെ അ​പ്ര​തീ​ക്ഷി​ത നീ​ക്കം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:EDKaruvannur bank scam
News Summary - ED raid completed at Karuvannur bank and houses of accused, digital evidences including seized
Next Story