ചാവക്കാട്ടെ പോപ്പുലർ ഫ്രണ്ട് നേതാവിന്‍റെ വീട്ടിൽ ഇ.ഡി റെയ്ഡ്

തൃശ്ശൂർ: ചാവക്കാട്ടുള്ള പോപ്പുലർ ഫ്രണ്ട് ഓഫ് ഇന്ത്യ( പി.എഫ്.ഐ) സംസ്ഥാന നേതാവിന്റെ വീട്ടിൽ എൻഫോഴ്സ്മെന്റ് ഡയറക്ടറേറ്റ്(ഇ.ഡി) അന്വേഷണ സംഘം റെയ്‌ഡ് നടത്തുന്നു. മുനയ്ക്കകടവിൽ ലത്തീഫ് പോക്കാക്കില്ലത്തിന്റെ വീട്ടിലാണ് ഇ.ഡി കൊച്ചി ഓഫീസിൽ നിന്നുള്ള സംഘം പരിശോധനക്കെത്തിയത്.

ചാവക്കാട് പൊലീസ് സംഘവും ഇവർക്കൊപ്പമുണ്ട്. പോപ്പുലർ ഫ്രണ്ട് നേതാവ് കള്ളപ്പണം വെളുപ്പിച്ചെന്ന സംശയത്തിന്റെ അടിസ്ഥാനത്തിലാണ് പരിശോധന എന്നാണ് വിവരം.