പത്തനംതിട്ടയിലും ആലപ്പുഴയിലും നേരിയ ഭൂചലനം

പത്തനംതിട്ട : പത്തനംതിട്ട ജില്ലയിലെ അടൂര്‍ മേഖലയില്‍ നേരിയ ഭൂചലനം അനുഭവപ്പെട്ടു. രാവിലെ 08:30 ഓടെയാണ് ഭൂമികുലുക്കം അനുഭവപ്പെട്ടത്. അടൂര്‍ പള്ളിക്കല്‍ പഞ്ചായത്തിലെ പഴകുളം, പുള്ളിപ്പാറ, കോലമല മേഖലകളിലും ആലപ്പുഴെ ജില്ലയുടെ കിഴക്കൻ മേഖലയായ പാലമേല്‍ പഞ്ചായത്തിലെ കഞ്ചുകോട്, തണ്ടാനവിള പ്രദേശങ്ങളിലുമാണ് ഭൂമികുലുക്കം ഉണ്ടായത്.

20ലേറെ വീടുകള്‍ക്ക് വിള്ളലുണ്ടായതായി റിപ്പോര്‍ട്ടുകളുണ്ട്. പല വീടുകളിലും കാര്യമായ വിള്ളൽ ഉണ്ടായിലട്ടുണ്ട്. പാത്രങ്ങളും വീട്ടുപകരണങ്ങളും മറിഞ്ഞുവീണു. ജനങ്ങൾ പരിഭ്രാന്തിയിലാണ്.