ഇടുക്കി അണക്കെട്ടിന്​​ സമീപം ഭൂമി കുലുക്കം

ചെറുതോണി: ഇടുക്കി അണക്കെട്ടിന് സമീപം ഭൂമി കുലുക്കം. വ്യാഴാഴ്ച രാത്രി 10.10 നും 10.25 നും രണ്ട് തവണയാണ്​ മുഴക്കത്തോടെ ഭൂമി കുലുങ്ങിയത്​. ആദ്യ കുലുക്കത്തെക്കാൾ ശക്തിയേറിയതായിരുന്നു രണ്ടാമത് ഉണ്ടായ കുലുക്കം.

പാത്രങ്ങളും ഗൃഹോപകരണങ്ങളും കുലുങ്ങി വിറച്ചതോടെ വീട്ടിനുള്ളിൽനിന്ന് ആളുകൾ പുറത്തേക്കിറങ്ങി ഓടി. ശക്​തമായ ഭൂമി കുലുക്കമാണെന്ന്​ വൈദ്യുതി ബോർഡ് ഉദ്യോഗസ്ഥർ സൂചിപ്പിച്ചു.