രണ്ട് വർഷത്തിനിടെ സമ്പാദിച്ചത് 10 കോടി; നാട്ടുകാർക്കിടയിൽ ഐ.ടി ജീവനക്കാരൻ, എഡിസന്റെ വഴികളും ഡാർക്ക്

കോട്ടയം: ഡാർക്ക് വെബിലെ മയക്കുമരുന്ന് കച്ചവടക്കാരൻ എഡിസൺ മാത്യുവിനെ കുറിച്ചുള്ള കൂടുതൽ വിവരങ്ങൾ പുറത്ത്. മൂവാറ്റുപ്പുഴ വള്ളക്കാലിപ്പടിയിൽ താമസക്കാരനായ എഡിസൺ മയക്കുമരുന്ന് മാഫിയെ ബന്ധപ്പെട്ട് പ്രവർത്തിച്ചുവെന്ന വാർത്ത ഞെട്ടലോടെയാണ് നാട്ടുകാർ കേട്ടത്.

മെക്കാനിക്കൽ എൻജിനിയറിങ് ബിരുദധാരിയായ എഡിസൺ ബംഗളൂരുവിലെ ഐ.ടി കമ്പനിയിൽ ജോലി ചെയ്യുന്നുവെന്ന അറിവാണ് നാട്ടുകാർക്കുള്ളത്. കുറച്ചുനാളായി നാട്ടിലുള്ള എഡിസണെ മകനെ നഴ്സറിൽ കൊണ്ടു പോകുമ്പോഴാണ് സാധാരണയായി നാട്ടുകാർ കാണാറ്. അധികം ആരോടും മിണ്ടാറില്ലെങ്കിലും ഇയാൾ ഇത്രയും വലിയ മയക്കുമരുന്ന് റാക്കറ്റിന്റെ ഭാഗമായതിന്റെ അമ്പരപ്പിലാണ് വള്ളക്കാലിപ്പടിയൽ നിവാസികൾ.

ഡാർക്ക് വെബിലൂടെ എഡിസൺ ബാബു 700ഓളം ഇടപാടുകൾ നടത്തിയെന്നാണ് കണ്ടെത്തൽ. ഇതിലൂടെ രണ്ട് വർഷത്തിനുള്ളിൽ ഇയാൾ പത്ത് കോടി രൂപ സമ്പാദിച്ചുവെന്നാണ് അനുമാനം. ഇയാളുടെ വീട്ടിൽ നിന്നും പിടി​ച്ചെടുത്ത മയക്കുമരുന്ന് വിദഗ്ധ പരിശോധനക്ക് അയക്കുമെന്ന് അന്വേഷണസംഘം അറിയിച്ചിട്ടുണ്ട്. ഇയാളുടെ ലാപ്ടോപ്പ് ഉൾപ്പടെയുള്ളവയും കണ്ടെത്തിയിട്ടുണ്ട്.

ഞാ​യ​റാ​ഴ്ച രാ​വി​ലെ ന​ർ​കോ​ട്ടി​ക് ബ്യൂ​റോ ഉ​ദ്യോ​ഗ​സ്ഥ​ർ വീ​ട്ടി​ൽ എ​ത്തു​മ്പോ​ൾ ഇ​യാ​ൾ ഉ​റ​ക്ക​ത്തി​ലാ​യി​രു​ന്നു. പ​രി​ശോ​ധ​ന​യി​ൽ വീ​ട്ടി​ലെ ഒ​രു​മു​റി​യി​ൽ എ​ൽ.​എ​സ്.​ഡി അ​ട​ക്ക​മു​ള്ള വീ​ര്യം കൂ​ടി​യ മ​യ​ക്കു​മ​രു​ന്നു​ക​ൾ ക​ണ്ടെ​ത്തി. മ​യ​ക്കു​മ​രു​ന്ന് വി​ൽ​പ​ന​ക്ക്​ ഉ​പ​യോ​ഗി​ച്ചി​രു​ന്ന ലാ​പ്ടോ​പ്, ത്രാ​സ് എ​ന്നി​വ​യും ക​ണ്ടെ​ടു​ത്തു. പ​രി​ശോ​ധ​ന​യി​ൽ വാ​ല​റ്റ് അ​ക്കൗ​ണ്ടി​ൽ ല​ക്ഷ​ങ്ങ​ളു​ടെ നി​ക്ഷേ​പ​വും ക​ണ്ടെ​ത്തി. സൗ​മ്യ​നാ​യ എ​ഡി​സ​ൻ നെ​റ്റി​ലൂ​ടെ​യു​ള്ള മ​യ​ക്കു​മ​രു​ന്ന് വി​ൽ​പ​ന​ക്കാ​ര​നാ​ണെ​ന്ന​റി​ഞ്ഞ​ത് നാ​ട്ടു​കാ​രെ ഞെ​ട്ടി​ച്ചു. വി​വ​ര​മ​റി​ഞ്ഞ് ബു​ധ​നാ​ഴ്ച രാ​വി​ലെ നി​ര​വ​ധി പേ​രാ​ണ് വ​ള്ള​ക്കാ​ലി​ൽ ജ​ങ്ഷ​നി​ലെ വീ​ട്ടി​ലെ​ത്തി​യ​ത്. എ​ന്നാ​ൽ, വീ​ട് പൂ​ട്ടി​യ നി​ല​യി​ലാ​യി​രു​ന്നു.

ഡാ​ർ​ക്ക് നെ​റ്റ് മ​യ​ക്കു​മ​രു​ന്ന് വി​ൽ​പ​ന ശൃം​ഖ​ല കെ​റ്റാ​മെ​ലോ​ണി​ന്‍റെ സൂ​ത്ര​ധാ​ര​ൻ മൂ​വാ​റ്റു​പു​ഴ വ​ള്ള​ക്കാ​ലി​ൽ മു​ടി​യ​ക്കാ​ട്ടി​ൽ എ​ഡി​സ​ന്​ (35) രാ​ജ്യാ​ന്ത​ര ല​ഹ​രി​സം​ഘ​ങ്ങ​ളു​മാ​യി ബ​ന്ധ​മെ​ന്ന് ന​ർ​കോ​ട്ടി​ക് ക​ൺ​ട്രോ​ൾ ബ്യൂ​റോ (എ​ൻ.​സി.​ബി) ക​ണ്ടെ​ത്തി. ലോ​ക​ത്തെ വ​ൻ എ​ൽ.​എ​സ്.​ഡി വി​ത​ര​ണ​ക്കാ​ര​നെ​ന്ന് കു​പ്ര​സി​ദ്ധ​രാ​യ ഡോ. ​സ്യൂ​സി​ന്‍റെ ഓ​ൺ​ലൈ​ൻ വി​ത​ര​ണ ശൃം​ഖ​ല​യി​ൽ​നി​ന്നാ​ണ് മ​യ​ക്കു​മ​രു​ന്ന് ശേ​ഖ​രി​ച്ച​തെ​ന്നും ക​ണ്ടെ​ത്തി. ഇ​ത് യു.​കെ ആ​സ്ഥാ​ന​മാ​യി പ്ര​വ​ർ​ത്തി​ക്കു​ന്ന ശൃം​ഖ​ല​യാ​ണ്. പ്ര​തി​യെ വി​ശ​ദ​മാ​യി ചോ​ദ്യം​ചെ​യ്യു​ന്ന​തി​ലൂ​ടെ ഇ​ട​പാ​ടു​ക​ൾ സം​ബ​ന്ധി​ച്ച കൂ​ടു​ത​ൽ വി​വ​ര​ങ്ങ​ൾ ല​ഭി​ക്കു​മെ​ന്നാ​ണ്​ ക​രു​തു​ന്ന​ത്.