Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightKeralachevron_rightഇ- മൊബിലിറ്റി പദ്ധതി...

ഇ- മൊബിലിറ്റി പദ്ധതി കരാർ ആയിട്ടില്ലെന്നാണ്​ ഓർമ; പരിശോധിച്ചിട്ട്​ പറയാം- മന്ത്രി ശശീന്ദ്രൻ

text_fields
bookmark_border
ഇ- മൊബിലിറ്റി പദ്ധതി കരാർ ആയിട്ടില്ലെന്നാണ്​ ഓർമ; പരിശോധിച്ചിട്ട്​ പറയാം- മന്ത്രി ശശീന്ദ്രൻ
cancel

കോഴിക്കോട്​: സംസ്​ഥാന സർക്കാർ നടപ്പാക്കുന്ന ഇ- മൊബിലിറ്റി പദ്ധതിയിൽ അഴിമതിയെന്ന പ്രതിപക്ഷ നേതാവ്​ രമേശ്​ ചെന്നിത്തലയുടെ ആക്ഷേപങ്ങൾക്ക്​ വ്യക്​തമായ മറുപടി നൽകാതെ മന്ത്രി എ.കെ. ശശീന്ദ്രൻ. സർക്കാറും ​പ്രൈസ്​ വാട്ടർ ഹൗസ്​ കൂപ്പേഴ്​സും തമ്മിൽ കരാർ ആയിട്ടില്ലെന്നാണ്​ ഓർമയെന്ന്​ അദ്ദേഹം പ്രതികരിച്ചു. 'എ​പ്പോഴാണ് ചെയ്​തത്​​, എങ്ങനെയാണ് ​ചെയ്​തതെന്ന്​ പരിശോധിക്കണമെന്ന്'​ കൺസൾട്ടൻസിയെ നിയോഗിച്ചുണ്ടോയെന്ന മാധ്യമപ്രവർത്തകരുടെ ചോദ്യത്തിന്​ മറുപടിയായി ശശീന്ദ്രൻ പറഞ്ഞു.

മന്ത്രിസഭ തീരുമാനം ഇക്കാര്യത്തിൽ വേണ്ട. ഫയലുകൾ പരിശോധിച്ച ശേഷമേ വ്യക്​തമായും കൃത്യമായും മറുപടി പറയാൻ കഴിയൂ. ഇ- മൊബിലിറ്റി നയം സർക്കാർ അംഗീകരിച്ചതാണ്​. അതി​െൻറ ഭാഗമായി ചില നടപടികൾ സ്വാഭാവികമായും നടത്തിയിട്ടുണ്ടാകും. അതിനായി ഡി.പി.ആർ (വിശദ പദ്ധതി രേഖ) തയാറാക്കുന്നതും സ്വാഭാവികമാണ്​. അത്തരം ഡി.പി.ആർ സംബന്ധിച്ച അവസാന ധാരണ ഫയലിൽ എത്തിയോ, ഇല്ലയോ എന്ന്​ പഠിക്കേണ്ടതുണ്ട്​. പ്രതിപക്ഷനേതാവി​െൻറ ആക്ഷേപങ്ങൾ വ്യക്​തമായി കേട്ടും ഫയൽ കണ്ടശേഷവും മാ​ത്രമേ മറുപടി നൽകാനാവൂവെന്ന്​ മന്ത്രി ആവർത്തിച്ചു.

പ്രൈസ്​ വാട്ടർ ഹൗസ്​ കൂപ്പേഴ്​സിനെ കൺസൾട്ടൻസിയായി നിയോഗിച്ച യോഗത്തിൽ പ​ങ്കെടുത്തോയെന്ന ചോദ്യത്തിന്​ യോഗത്തിലല്ല ഇതെല്ലാം തീരുമാനിക്കുന്നതെന്നും മ​ന്ത്രി പറഞ്ഞു. മുഖ്യമന്ത്രിക്ക്​ നേരിട്ട്​ കരാർ ​െകാടുക്കാൻ പറ്റില്ല. ആർക്കെങ്കിലും കരാർ ​െകാടുക്കണ​െമന്ന്​ മുഖ്യമന്ത്രി ഇതുവരെ നിർദേശിച്ച ചരിത്രമില്ലെന്നും മന്ത്രി കൂട്ടിച്ചേർത്തു.

Show Full Article
TAGS:e-mobility ak saseendran ​ Kerala news malayalam news 
Next Story