Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഅലനും താഹയും...

അലനും താഹയും മാവോവാദികൾ; യു.എ.പി.എ പിൻവലിക്കണം -ഡി.വൈ.എഫ്​.ഐ

text_fields
bookmark_border
അലനും താഹയും മാവോവാദികൾ; യു.എ.പി.എ പിൻവലിക്കണം -ഡി.വൈ.എഫ്​.ഐ
cancel

കോഴിക്കോട്​: നേരത്തെ അറസ്​റ്റിലായ അലൻ, താഹ എന്നിവർക്കെതിരെ ചുമത്തിയ യു.എ.പി.എ പിൻവലിക്കണമെന്ന്​ ഡി.വൈ.എഫ്​.ഐ ദേശീയ പ്രസിഡൻറ്​ മുഹമ്മദ്​ റിയാസ്​. കേരളത്തിൽ അറസ്​റ്റിലായ യുവാക്കൾ മാ​േവാവാദികളാണ്​. എന്നാൽ, മാവോവാദിക​ൾക്കെതിരെയാണെങ്കിൽ പോലും യു.എ.പി.എ ചുമത്തരുത്​. അലനും താഹക്കുമെതിരെ ചുമത്തിയ യു.എ.പി. പിൻവലിക്കണം. മീഡിയ വൺ ചാനലിലെ വാർത്താ പരിപാടിയിൽ സംസാരിക്കുകയായിരുന്നു മുഹമ്മദ്​ റിയാസ്​.

മാവോവാദി ബന്ധം ആരോപിച്ച്​ നേരത്തെ കോഴിക്കോട്​ നിന്ന്​ അറസ്​റ്റിലായ അലൻ ശുഹൈബ്​, താഹാ ഫസൽ എന്നിവർ ജാമ്യമില്ലാതെ റിമാൻറിൽ കഴിയുകയാണ്​. സി.പി.എം പ്രവർത്തകരായ ഇരുവർക്കുമെതിരെ യു.എ.പി.എ ചുമത്തിയാണ്​ കേസെടുത്തിട്ടുള്ളത്​. അറസ്​റ്റിലായ ആദ്യഘട്ടത്തിൽ ഇരുവരുടെയും കുടുംബങ്ങൾക്ക്​ പിന്തുണയുമായി പാർട്ടി രംഗത്തെത്തിയിരുന്നെങ്കിലും പിന്നീട്​ പിൻവലിയുകയായിരുന്നു. ഇരുവരും മാവോവാദികളാണെന്ന്​ പ്രഖ്യാപിച്ച്​ മുഖ്യമന്ത്രി തന്നെ രംഗത്തെത്തുകയും ചെയ്​തു. മുഖ്യമന്ത്രിയുടെ ആരോപണം അല​െൻറയും താഹയുടെയും കുടുംബങ്ങൾ നിഷേധിച്ചിരുന്നു.

ആഭ്യന്തരവകുപ്പ്​ മുഖ്യമന്ത്രിയുടെ കീഴിലിരിക്കെ പൊലീസ്​ തുടങ്ങിയ നടപടികളുടെ ഭാഗമായി ​ഇരുവർക്കുമെതിരെ യു.എ.പി.എ ചുമത്തിയത്​ പാർട്ടിക്കുള്ളിൽ ചർച്ചയായിരുന്നു. യു.എ.പി.എ ചുമത്തിയത്​ സ്വാഭാവിക നിയമ നടപടിയാണെന്നും അത് ഒഴിവാക്കാനാകാത്തതാണെന്നും വിശദീകരിച്ച്​ സി.പി.എം നേതാക്കൾ തന്നെ പിന്നീട്​ രംഗത്തെത്തി. ആ നിലപാടുകളിൽ നിന്ന്​ വ്യത്യസ്​തമായാണ്​ ഇപ്പോൾ ഡി.വൈ.എഫ്​.ഐ ദേശിയ പ്രസിഡൻറ്​ തന്നെ രംഗത്തെത്തിയിരിക്കുന്നത്​.

Show Full Article
TAGS:Alan Taha dyfi Maoist maoist accuse UAPA 
Next Story