അ​ച്ഛ​നെ​യും അ​മ്മ​യെ​യും കൊ​ല​മു​ന​യി​ൽ നി​ർ​ത്തു​ന്ന ല​ഹ​രി...

ഹ​ര​ത്തി​ന് തു​ട​ങ്ങു​ന്ന ല​ഹ​രി ഹാ​നി​ക​ര​മാ​യി ജീ​വി​തം ഹോ​മി​ക്കു​ന്ന​വ​രു​ടെ എ​ണ്ണ​മി​ന്ന് കൂ​ടി​വ​രു​ക​യാ​ണ്. ഇ​ത്ത​ര​ക്കാ​ർ അ​വ​സാ​ന​മെ​ത്തു​ന്ന​ത് കൊ​ടും ക്രൂ​ര​ത​ക​ളി​ലും വ​ലി​യ കു​റ്റ​കൃ​ത്യ​ങ്ങ​ളി​ലും ഒ​രു​പ​​ക്ഷേ ആ​ത്മ​ഹ​ത്യ​യി​ലു​മൊ​ക്കെ​യാ​ണ്. അ​തു​കൊ​ണ്ടു​ത​ന്നെ ല​ഹ​രി​ക്കെ​തി​രാ​യ പോ​രാ​ട്ടം ശ​ക്ത​മാ​ക്കി​യേ മ​തി​യാ​വൂ. കോ​ഴി​ക്കോ​ട്ടെ ല​ഹ​രി വ​ഴി​ക​ളി​ലൂ​ടെ​യു​ള്ള പ​ര​മ്പ​ര ഇ​ന്നു​മു​ത​ൽ...

ഒ​രു വ​ർ​ഷം മു​മ്പ്... കൃ​ത്യ​മാ​യി പ​റ​ഞ്ഞാ​ൽ 2022 ഒ​ക്ടോ​ബ​ർ 16 ഞാ​യ​റാ​ഴ്ച രാ​ത്രി 10.30. സി​റ്റി പൊ​ലീ​സ് ക​ൺ​ട്രോ​ൾ റൂ​മി​ലെ ഫോ​ൺ മു​ഴ​ങ്ങു​ന്നു... ഡ്യൂ​ട്ടി​യി​ലു​ണ്ടാ​യി​രു​ന്ന ഓ​ഫി​സ​ർ ഫോ​ണെ​ടു​ത്ത് ഹ​ലോ പ​റ​ഞ്ഞ​തും! എ​ര​ഞ്ഞി​പ്പാ​ലം പാ​സ്​​പോ​ർ​ട്ട് ഓ​ഫി​സി​ന​ടു​ത്തു​ള്ള വീ​ട്ടി​ൽ നി​ന്നാ​ണ്.

അ​ച്ഛ​നെ​യും അ​മ്മ​യെ​യും ​താ​ൻ കു​ത്തി​ക്കൊ​ന്നു. ശ​വം കൊ​ണ്ടു​പോ​കാ​ൻ ആം​ബു​ല​ൻ​സു​മാ​യി വേ​ഗം വ​രു​ക... കൂ​സ​ലി​ല്ലാ​തെ​യു​ള്ള യു​വാ​വി​ന്റെ സം​സാ​രം കേ​ട്ട​പാ​ടെ ഓ​ഫി​സ​റൊ​ന്ന് പ​ക​ച്ചെ​ങ്കി​ലും ഉ​ട​ൻ ന​ട​ക്കാ​വ് സ്റ്റേ​ഷ​നി​ലേ​ക്ക് വി​വ​രം കൈ​മാ​റി. നി​മി​ഷ​ങ്ങ​ൾ​ക്ക​കം എ​സ്.​ഐ എ​സ്.​ബി. കൈ​ലാ​സ് നാ​ഥും പൊ​ലീ​സു​കാ​രും ജീ​പ്പി​ൽ സം​ഭ​വ സ്ഥ​ല​ത്തേ​ക്ക് കു​തി​ച്ചു.

വീ​ട്ടി​ലെ​ത്തി​യ പൊ​ലീ​സ് ക​ണ്ട​ത് സ്വ​ന്തം മാ​താ​വി​ന്റെ ക​ഴു​ത്തി​ൽ ക​ത്തി​വെ​ച്ച് ​കൊ​ല്ലു​മെ​ന്ന് ഭീ​ഷ​ണി​പ്പെ​ടു​ത്തി ആ​ർ​ത്ത​ട്ട​ഹ​സി​ച്ച് നി​ൽ​ക്കു​ന്ന മ​ക​​നെ. ക​ത്തി കു​ത്തി മാ​താ​വി​ന്റെ ക​ഴു​ത്തി​ൽ നി​ന്നും ചോ​ര​യൊ​ലി​ക്കു​ന്നു​ണ്ട്. എ​സ്.​ഐ എ​ത്ര അ​നു​ന​യി​പ്പി​ച്ചി​ട്ടും ആ ​മ​ക​ൻ പി​ന്തി​രി​ഞ്ഞി​ല്ല. അ​ടു​ത്താ​ൽ അ​മ്മ​യെ കൊ​ല്ലു​മെ​ന്ന് ഭീ​ഷ​ണി മു​ഴ​ക്കി​യ മ​ക​നെ പൊ​ലീ​സ് ത​ന്ത്ര​ത്തി​ൽ ഒ​രു മു​റി​യി​ലേ​ക്ക് ത​ള്ളി​മാ​റ്റി മു​റി​പൂ​ട്ടി.

ഇ​തോ​ടെ ഞാ​ൻ സ്വ​യം കു​ത്തി​മ​രി​ക്കു​മെ​ന്നാ​യി യു​വാ​വ്. ആ ​മ​ക​നെ പാ​ലൂ​ട്ടി​യ അ​മ്മ മ​ന​സ്സ് ഇ​തു​കേ​ട്ട​തും പൊ​ലീ​സി​ന്റെ വാ​ക്കു​കേ​ൾ​ക്കാ​തെ വാ​തി​ൽ തു​റ​ന്നു. ആ ​മ​ക​ൻ മാ​താ​വി​​ന്റെ പു​റ​ത്ത് ക​ത്തി​​കൊ​ണ്ട് കു​ത്തി. അ​മ്മ​യെ ഒ​രു​വി​ധം ഇ​യാ​ളി​ൽ​നി​ന്ന് പൊ​ലീ​സ് ര​ക്ഷ​പ്പെ​ടു​ത്തി​യ​പ്പോ​ഴേ​ക്കും, ഈ ​മ​ക​ൻ ത​ല്ലി​യൊ​ടി​ച്ച കാ​ലി​ൽ പ്ലാ​സ്റ്റ​റി​ട്ട് മ​റ്റൊ​രു മു​റി​യി​ൽ കി​ട​ക്കു​ന്ന പി​താ​വി​നു നേ​രെ​യാ​യി യു​വാ​വി​ന്റെ പ​രാ​ക്ര​മം.

ക​ഴു​ത്തി​ൽ ക​ത്തി​വെ​ച്ച് ഭീ​ഷ​ണി​പ്പെ​ടു​ത്തി​യ ഇ​യാ​ൾ പി​ന്മാ​റി​യ​തേ​യി​ല്ല. അ​പ്പോ​ഴേ​ക്കും ഇ​ൻ​സ്‍പെ​ക്ട​ർ പി.​കെ. ജി​ജീ​ഷും കൂ​ടു​ത​ൽ പൊ​ലീ​സും ആം​ബു​ല​ൻ​സ്, ഫ​യ​ർ​ഫോ​ഴ്സ് അ​ട​ക്ക​മു​ള്ള സം​വി​ധാ​ന​ങ്ങ​ളും സ്ഥ​ല​ത്തെ​ത്തി പ​രി​ക്കേ​റ്റ മാ​താ​വി​നെ ആ​ശു​പ​ത്രി​യി​ലേ​ക്ക് മാ​റ്റു​ന്ന​തി​നി​ടെ ഇ​യാ​ൾ പി​താ​വി​ന്റെ നെ​ഞ്ചി​ലും ക​ഴു​ത്തി​ലും തു​രു​തു​രാ​കു​ത്തി.

ഇ​തോ​ടെ ഇ​ൻ​സ്‍പെ​ക്ട​ർ യു​വാ​വ് നി​ന്ന കി​ട​ക്ക​യി​​ലേ​ക്ക് ര​ണ്ടു​ത​വ​ണ വെ​ടി​വെ​ച്ചു. അ​ൽ​പം അ​യ​ഞ്ഞ ആ ​മ​ക​നെ നീ​ണ്ട മ​ൽ​പി​ടി​ത്ത​ത്തി​നൊ​ടു​വി​ൽ കീ​ഴ​ട​ക്കി. കൊ​ല​പാ​ത​ക ശ്ര​മ​ത്തി​ന് കേ​സെ​ടു​ത്ത പ്ര​തി​യെ പി​ന്നീ​ട് കോ​ട​തി റി​മാ​ൻ​ഡ് ചെ​യ്തു.

പെ​റ്റ​മ്മ​യെ​യും വ​ള​ർ​ത്തി വ​ലു​താ​ക്കി​യ പി​താ​വി​നെ​യും കു​ത്തി​ക്കൊ​ല്ലാ​ൻ ഈ ​യു​വാ​വി​നെ പ്രേ​രി​പ്പി​ച്ച മു​ഖ്യ സൂ​ത്ര​ധാ​ര​നെ​യാ​ണ് നാം ​ഇ​നി അ​റി​യേ​ണ്ട​ത്. ല​ഹ​രി... അ​താ​ണ്, സ​ർ​വ​നാ​ശം വി​ത​ക്കു​ന്ന ആ ​അ​ന്ത​ക​വി​ത്തി​ന്റെ പേ​ര്. രാ​സ​ല​ഹ​രി​യു​ടെ മൂ​ർ​ധ​ന്യ​ത്തി​ലാ​യി​രു​ന്നു ആ ​മ​ക​ൻ മാ​താ​പി​താ​ക്ക​ളെ ക​ത്തി​കൊ​ണ്ട് കു​ത്തി​യ​ത്.

ആ​ക്ര​മ​ണ​ത്തി​നി​ടെ​യും എം.​ഡി.​എം.​എ ഇ​യാ​ൾ പ​ത്തു​രൂ​പ​യു​ടെ നോ​ട്ടി​ൽ ചു​രു​ട്ടി പൊ​ലീ​സി​ന് മു​ന്നി​ൽ നി​ന്നു​പോ​ലും ഉ​പ​യോ​ഗി​ച്ചി​രു​ന്നു. ല​ഹ​രി ത​ല​ക്കു​പി​ടി​ച്ച​തോ​ടെ അ​മ്മ​യേ​യും അ​ച്ഛ​നെ​യും കൊ​ല്ലാ​ൻ വ​രെ ആ ​യു​വാ​വ് ശ്ര​മി​ക്കു​ക​യാ​യി​രു​ന്നു.

ഇ​നി ഇ​യാ​ളു​ടെ പ​ഴ​യ​കാ​ലം നോ​ക്കാം. കോ​ള​ജ് വി​ദ്യാ​ഭ്യാ​സം നേ​ടി​യ ഇ​യാ​ൾ സ്വ​കാ​ര്യ സ്ഥാ​പ​ന​ത്തി​ലാ​യി​രു​ന്നു ജോ​ലി ചെ​യ്ത​ത്. ല​ഹ​രി ഉ​പ​യോ​ഗം തു​ട​ങ്ങി​യ​തോ​ടെ ജോ​ലി പോ​യി. പി​ന്നീ​ട് ല​ഹ​രി​ക്കാ​യി അ​ടി​പി​ടി തു​ട​ങ്ങി. കേ​സി​ൽ​പെ​ട്ട് ജ​യി​ലി​ലാ​യി. ജാ​മ്യ​ത്തി​ലി​റ​ങ്ങി​യ​പാ​ടെ വീ​ണ്ടും ല​ഹ​രി​ക്കാ​യി പ​ല​രെ​യും ആ​ക്ര​മി​ച്ചു.

കു​റ്റി​പ്പു​റം ബ​സ് സ്റ്റാ​ൻ​ഡി​ൽ പോ​യി പ്ര​ശ്ന​ങ്ങ​ളു​ണ്ടാ​ക്കി​യ ഇ​യാ​ളെ അ​വി​ട​ത്തെ പൊ​ലീ​സ് ഇ​ങ്ങോ​ട്ട് വാ​ഹ​ന​ത്തി​ൽ ക​യ​റ്റി​വി​ട്ട​തോ​ടെ​യാ​ണ് വീ​ട്ടി​ലെ​ത്തി മാ​താ​പി​താ​ക്ക​ളെ ‘കൊ​ല​മു​ന’​യി​ൽ നി​ർ​ത്തി​യ​ത്. ഇ​ത് ഒ​റ്റ​പ്പെ​ട്ട സം​ഭ​വ​മ​ല്ല. ഇ​ത്ത​ര​ത്തി​ലു​ള്ള നി​ര​വ​ധി സം​ഭ​വ​ങ്ങ​ളാ​ണ് ദി​വ​സേ​ന​യെ​ന്നോ​ണം ഇ​വി​ടെ​യു​ണ്ടാ​വു​ന്ന​ത്. ല​ഹ​രി​യു​ടെ നീ​രാ​ളി​ക്കൈ​ക​ൾ ആ​ൺ, പെ​ൺ വ്യ​ത്യാ​സ​മി​ല്ലാ​തെ യു​വ​ത​ല​മു​റ​യെ കാ​ർ​ന്നു​​തി​ന്നു​ക​യാ​ണ്.

തുടരും