കിണറിലെ മോട്ടോർ വൃത്തിയാക്കിനിറങ്ങിയ രണ്ടുപേർ മരിച്ചു
text_fieldsകോട്ടയം: ഹോട്ടലിെൻറ കിണറിലെ മോട്ടോർ നന്നാക്കാനിറങ്ങിയ രണ്ടുപേർ ശ്വാസംമുട്ടി മരിച്ചു. രക്ഷിക്കാനിറ ങ്ങി ദേഹാസ്വസ്ഥ്യം അനുവഭപ്പെട്ട രണ്ടു ഫയർഫോഴ്സ് ജീവനക്കാരെ ആശുപത്രിയിൽ പ്രവേശിപ്പിച്ചു. ചങ്ങനാശ്ശേരി ത െങ്ങണായിൽ വാടകക്ക് താമസിക്കുന്ന മോസ്കോ മൂലമുറി ജോബി മാത്യു (38), പശ്ചിമബംഗാൾ ബാണാർ ഹട്ട് സ്വദേശി വിജയ് ഒറോൺ (29) എന്നിവരാണ് മരിച്ചത്.
ചൊവ്വാഴ്ച ഉച്ചക്ക് 12നാണ് സംഭവം. ചങ്ങനാശ്ശേരി പ്രൈവറ്റ് ബസ്സ്റ്റാൻഡിനുസമീപം ഫൗസിയ ഹോട്ടലിെൻറ കിണറിെൻറ മോട്ടോർ നന്നാക്കുന്നതിനായി ഇറങ്ങവെയാണ് അപകടം. രക്ഷിക്കാനിറങ്ങിയ ഫയർമാൻമാരായ എസ്.ടി. ഷിബു, റോബിൻ വർഗീസ് എന്നിവർക്കാണ് ദേഹാസ്വസ്ഥ്യം അനുഭവപ്പെട്ടത്. ഇവരെ ചങ്ങനാശ്ശേരി താലൂക്ക് ആശുപത്രിയിൽ പ്രവേശിച്ചു. തുടർന്ന് നാട്ടുകാരും ഫയർഫോഴ്സും ചേർന്നാണ് കിണറ്റിൽനിന്ന് ഇരുവരെയും പുറത്തെടുത്തത്.
ചങ്ങനാശ്ശേരി താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംഭവമറിഞ്ഞ് കോട്ടയം, ചങ്ങനാശ്ശേരി എന്നിവിടങ്ങളിൽനിന്ന് ഫയർഫോഴ്സ് എത്തിയിരുന്നു. ഏതാനും ആഴ്ചകൾക്കുമുമ്പ് ഫൗസിയ ഹോട്ടൽ തീപിടിച്ച് കത്തിനശിച്ചിരുന്നു. ഇതിനുപിന്നാലെയാണ് ഇപ്പോഴത്തെ അപകടം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.