You are here

തിരയിൽപെട്ട കുട്ടികളെ രക്ഷിക്കുന്നതിനിടെ പ്രവാസി കടലിൽ മുങ്ങി മരിച്ചു

01:00 AM
03/04/2019
drowning

കോഴിക്കോട്​: കടലിൽ കുളിക്കുന്നതിനിടെ തിരയിൽപെട്ട  മകനെയും കൂട്ടുകാരെയും രക്ഷിക്കുന്നതിനി​െട പ്രവാസി മുങ്ങി മരിച്ചു. കോഴിക്കോട്​ ​ഗാന്ധിറോഡ്​ കേരള സോപ്​സിനു സമീപം കണ്ണൻകടവത്ത്​ ​െക.ജി. പ്രതാപാണ്​​ (47) മരിച്ചത്​. 

ചൊവ്വാഴ്​ച ഉച്ചക്ക്​ 12 മണിക്കായിരുന്നു അപകടം.​ ഖത്തറിൽനിന്ന്​ അവധിക്ക്​ നാട്ടിലെത്തിയ പ്രതാപ് 14കാരനായ മകൻ വിഘ്​നേഷിനും  അയൽവാസികളായ കൂട്ടുകാർക്കുമൊപ്പം ​ കടലിൽ ​പോയതായിരുന്നു. ലയൺസ്​ പാർക്കിനടുത്തുള്ള കടൽതീരത്ത്​ കുളിക്കുന്നതിനി​െടയായിരുന്നു മകനും കൂട്ടുകാരായ ശബരിനാഥ് (14), രാഹുല്‍ (13) എന്നിവരും തിരയിൽപെട്ടത്. ഇവരെ  രക്ഷിക്കാനുള്ള ശ്രമത്തിനി​െടയായിരുന്നു അപകടം.

സമീപത്തുള്ളവർ വിവരമറിയിച്ചതി​െന തുടർന്ന്​ രക്ഷാബോട്ടുമായി പാഞ്ഞെത്തിയ ഇറോത്ത് വാട്ടര്‍ സ്‌പോര്‍ട്‌സിലെ  ലൈഫ്​ ഗാർഡുകളാണ്​ കടലിൽപെട്ട കുട്ടി​കളെ രക്ഷപ്പെടുത്തിയത്​. എന്നാൽ, രക്ഷാപ്രവർത്തനത്തിനിടെ കടലിൽ മുങ്ങി​യ ​പ്രതാപിനെ ലൈഫ്​ ഗാർഡുകൾ കരക്കെത്തിച്ചെങ്കിലും മരിച്ചു. കടലിൽ നന്നായി നീന്തി പരിചയമുള്ള പ്രതാപ്​ ചുഴിയിൽപെട്ടാകാം മുങ്ങിയതെന്നാണ്​ നിഗമനം. 

ഭാര്യ: ശ്രീജ. മക്കൾ: ശ്രീലക്ഷ്​മി (പ്ലസ്​വൺ വിദ്യാർഥിനി, പ്രോവിഡൻസ്​ ഗേൾസ്​ സ്​കൂൾ), വിഘ്​​​നേഷ്​ (ഒമ്പതാം ക്ലാസ്​ വിദ്യാർഥി, സ​െൻറ്​ ജോസഫ്​സ്​ ബോയ്​സ്​). പിതാവ്​: പരേതനായ ഗോപാലൻ. മാതാവ്​: ശോഭന. സഹോദരങ്ങൾ: സാബു (മത്സ്യത്തൊഴിലാളി), കമൽ (ഖത്തർ), ജാൻസി. സംസ്​കാരം ബുധനാഴ്​ച രാവിലെ ​െവസ്​റ്റ്​ഹിൽ ശ്​മശാനത്തിൽ. ആറു വർഷമായി ഖത്തറിൽ ഡ്രൈവറായി ​േജാലി ചെയ്യുകയായിരുന്ന പ്രതാപ് മൂന്നാഴ്​ച മുമ്പാണ്​ നാട്ടിലെത്തിയത്​. 

Loading...
COMMENTS