ഡോ. എൻ.ആർ. മാധവമേനോൻ അന്തരിച്ചു

തിരുവനന്തപുരം: പ്രമുഖ നിയമപണ്ഡിതനും ആധുനിക നിയമ വിദ്യാഭ്യാസത്തിൻെറ പിതാവുമായ ഡോ. എൻ.ആർ. മാധവമേനോൻ (84) അന്തരിച് ചു. ചൊവ്വാഴ്​ച രാത്രി പന്ത്രണ്ടരയോടെ തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം. ദേശീയ നിയമ സർവ കലാശാലയുടെ സ്ഥാപക ഡയക്ടറായിരുന്നു​. പൂജപ്പുര സായിറാം റോഡിലുള്ള ദേവിപ്രിയ എന്ന വീട്ടിലായിരുന്നു താമസം. അസുഖ ബാധിതനായതിനെ തുടർന്ന്​ കഴിഞ്ഞ ഏപ്രിൽ 27നാണ്​ മാധവ മേനോനെ ആശുപത്രിയിൽ പ്രവേശിപ്പിച്ചത്​.

കൊൽക്കത്തയിലെ നാഷനൽ യൂണിവേഴ്സിറ്റി ഓഫ് ജുഡീഷ്യൽ സയൻസസ്​ വൈസ് ചാൻസലർ, ബാർ കൗൺസിൽ ഓഫ്​ ഇന്ത്യ പ്രസിഡൻറ്​, തിരുവനന്തപുരം സ​െൻറർ ഫോർ ഡവലപ്​മ​െൻറ്​ സ്​റ്റഡീസ്​ ചെയർമാൻ, ഭോപ്പാലിലെ നാഷണൽ ജുഡീഷ്യൽ അക്കാദമിയുടെ ആദ്യ ഡയറക്ടർ എന്നീ നിലകളിലും പ്രവർത്തിച്ചിരുന്നു. ഡൽഹി സർവകലാശാലയിലും പോണ്ടിച്ചേരി ലോ കോളജിലും അധ്യാപകനായിരുന്നു.

1998 മുതൽ 2003 വരെ നാഷണൽ യൂണിവേഴ്​സിറ്റി ഓഫ്​ ജുറിഡിക്കൽ സയൻസസിൻെറ സ്ഥാപക വൈസ്​ ചാൻസലറായി സേവനമനുഷ്​ഠിച്ചു. നിയമവുമായി ബന്ധപ്പെട്ട് ഒട്ടേറെ പുസ്തകങ്ങൾ രചിച്ചിട്ടുണ്ട്. പഞ്ചവത്സര എൽ.എൽ.ബി കോഴ്​സെന്ന ആശയം മുന്നോട്ടു വെച്ചത്​ മാധവ മോനോനായിരുന്നു. നിയമരംഗത്തിനു നൽകിയ സംഭാവനകൾക്കുള്ള ആദരമായി​ 2003 ൽ രാജ്യം മാധവമേനോനെ പത്മശ്രീ നൽകി ആദരിച്ചു.

തിരുവനന്തപുരം വഞ്ചിയൂർ മാധവത്ത് വിലാസം തോപ്പിൽ വീട്ടിൽ രാമകൃഷ്ണ മേനോൻെറയും ഭവാനിയമ്മയുടെയും മകനായ മാധവ മോനോൻ സാമൂഹ്യസേവനരംഗത്തും സജീവമായിരുന്നു. ഭാര്യ രമാദേവിയും മകൻ രമേശുമായിരുന്നു അന്ത്യസമയത്ത്​ ആശ​ുപത്രിയിൽ സമീപത്തുണ്ടായിരുന്നത്​. സംസ്കാരം ബുധനാഴ്​ച ഉച്ചയ്ക്ക് 2.30ന്​ തൈക്കാട്​ ശാന്തികവാടത്തിൽ നടക്കും.