ഗ്രൗണ്ടുകളൊരുക്കാൻ പുതിയവഴി; ഡ്രൈവിങ്​ ടെസ്റ്റ്​ പരിഷ്കരണത്തിന്​ ‘സ്വകാര്യനീക്കം’

തി​രു​വ​ന​ന്ത​പു​രം: പ്ര​തി​ഷേ​ധം ക​ന​ത്ത​തോ​ടെ പി​ന്നോ​ട്ടു​വ​ലി​ഞ്ഞ ​ഡ്രൈ​വി​ങ്​ ടെ​സ്റ്റ്​ പ​രി​ഷ്ക​ര​ണ​ത്തി​ന്​ പു​തി​യ നീ​ക്ക​വു​മാ​യി മോ​ട്ടോ​ർ വാ​ഹ​ന വ​കു​പ്പ്. സ്വ​കാ​ര്യ വ്യ​ക്തി​ക​ളു​ടെ ഭൂ​മി​യി​ൽ ടെ​സ്റ്റി​ങ്​ ​ഗ്രൗ​ണ്ട്​ സ​ജ്ജ​മാ​ക്കി പ​രി​ഷ്കാ​ര​ത്തി​ലേ​ക്ക്​ ക​ട​ക്കാ​നാ​ണ്​ ​തീ​രു​മാ​നം.

പു​തി​യ രീ​തി​യി​ൽ ടെ​സ്റ്റ് ന​ട​ത്തു​ന്ന​തി​ന്​ ഭൂ​മി വി​ട്ടു​ന​ൽ​കാ​ൻ 11 സ്​​ഥ​ല​ങ്ങ​ളി​ലാ​ണ്​ സ്വ​കാ​ര്യ വ്യ​ക്തി​ക​ൾ സ​ന്ന​ദ്ധ​ത​യ​റി​യി​ച്ചി​ട്ടു​ള്ള​ത്. ഈ ​ഭൂ​മി അ​നു​യോ​ജ്യ​മാ​ണോ എ​ന്ന്​ പ​രി​ശോ​ധ​ന ന​ട​ത്തു​ന്ന​തി​നും തു​ട​ർ​ന​ട​പ​ടി സ്വീ​ക​രി​ക്കു​ന്ന​തി​നും ബ​ന്ധ​പ്പെ​ട്ട ആ​ർ.​ടി.​ഒ​മാ​ർ​ക്കും ജോ​യ​ന്‍റ്​ ആ​ർ.​ടി.​ഒ​മാ​ർ​ക്കും ഗ​താ​ഗ​ത ക​മീ​ഷ​ണ​റേ​റ്റ്​ നി​ർ​ദേ​ശം ന​ൽ​കി. തൃ​ശൂ​ർ, ഇ​ടു​ക്കി, മാ​വേ​ലി​ക്ക​ര, കാ​യം​കു​ളം, ന​ൻ​മ​ണ്ട, ഇ​രി​ട്ടി, കൊ​ടു​വ​ള്ളി, ത​ല​​​ശ്ശേ​രി, മ​ണ്ണാ​ർ​ക്കാ​ട്, പാ​ല, കാ​ഞ്ഞ​ങ്ങാ​ട്​ എ​ന്നി​വി​ട​ങ്ങ​ളി​ലാ​ണ്​ സ്വ​കാ​ര്യ​ഭൂ​മി​യി​ൽ ഡ്രൈ​വി​ങ്​ ടെ​സ്റ്റി​നു​ള്ള ശി​പാ​ർ​ശ​യു​ള്ള​ത്.

നി​ല​വി​ലെ ‘എ​ച്ച്’ മാ​റ്റി പ​ക​രം റി​വേ​ഴ്​​സ് പാ​ർ​ക്കി​ങ്ങും സി​ഗ്​​സാ​ഗു​ക്കു​മ​ട​ക്കം ഉ​ൾ​പ്പെ​ടു​ന്ന സ​ങ്കീ​ർ​ണ​മാ​യ പു​തി​യ രീ​തി​യാ​ണ് മോ​ട്ടോ​ർ വാ​ഹ​ന വ​കു​പ്പ്​ ഡ്രൈ​വി​ങ്​ ടെ​സ്റ്റി​നാ​യി മു​ന്നോ​ട്ടു​വെ​ച്ച​ത്. എ​ന്നാ​ൽ ട്രാ​ക്കി​ന് മ​തി​യാ​യ സ്ഥ​ലം ക​ണ്ടെ​ത്ത​ലാ​യി​രു​ന്നു പ​രി​ഷ്ക​ര​ണ​ങ്ങ​ളു​ടെ പ്ര​ധാ​ന വെ​ല്ലു​വി​ളി. പി​ന്നാ​ലെ സി.​ഐ.​ടി.​യു അ​ട​ക്കം ക​ന​ത്ത പ്ര​തി​ഷേ​ധ​വു​മാ​യി രം​ഗ​ത്തെ​ത്തി​യ​തോ​ടെ​യാ​ണ്​ സ​ർ​ക്കാ​ർ പി​ൻ​വാ​ങ്ങി​യ​ത്. ഡ്രൈ​വി​ങ് സ്കൂ​ളു​കാ​രോ​ട് പു​തി​യ ട്രാ​ക്കി​ന് സ്ഥ​ല​മൊ​രു​ക്കാ​ൻ നി​ർ​ദേ​ശി​ച്ചെ​ങ്കി​ലും അ​വ​ർ കൈ​യൊ​ഴി​ഞ്ഞു. പി​ന്നീ​ട് ഡ്രൈ​വി​ങ് ടെ​സ്റ്റി​ന് സ്ഥ​ലം ക​ണ്ടെ​ത്താ​നു​ള്ള ചു​മ​ത​ല മോ​ട്ടോ​ര്‍ വാ​ഹ​ന വ​കു​പ്പ് ഉ​ദ്യോ​ഗ​സ്ഥ​രു​ടെ ചു​മ​ലി​ൽ വെ​ച്ചു. അ​തും വി​ജ​യം ക​ണ്ടി​ല്ല. ഒ​മ്പ​തി​ട​ത്ത് മാ​ത്ര​മാ​ണ് മോ​ട്ടോ​ര്‍ വാ​ഹ​ന വ​കു​പ്പി​ന് സ്വ​ന്തം ഡ്രൈ​വി​ങ് ടെ​സ്റ്റി​ങ് കേ​ന്ദ്ര​ങ്ങ​ളു​ള്ള​ത്. പു​തി​യ രീ​തി​യി​ല്‍ ടെ​സ്റ്റ് ന​ട​ത്ത​ണ​മെ​ങ്കി​ല്‍ ഇ​വി​ട​ങ്ങ​ളി​ലും മാ​റ്റം​വ​രു​ത്ത​ണം.

പു​തി​യ പ​രി​ഷ്കാ​രം ന​ട​പ്പാ​ക്ക​ണ​മെ​ങ്കി​ൽ ട്രാ​ക്കി​ന്​ 13.07 സെൻറ്​ സ്ഥ​ലം വേ​ണം. ട്രാ​ക്കി​ന് പു​റ​മേ ശു​ചി​മു​റി​ക​ള്‍, കു​ടി​വെ​ള്ളം, വാ​ഹ​ന പാ​ര്‍ക്കി​ങ് എ​ന്നി​വ ഉ​ള്‍പ്പെ​ടെ സൗ​ക​ര്യ​ങ്ങ​ള്‍ ഏ​ര്‍പ്പെ​ടു​ത്ത​ണം. ഇ​തി​നെ​ല്ലാം ഉ​ൾ​പ്പെ​ടെ കു​റ​ഞ്ഞ​ത് 50 സെൻറ് സ്ഥ​ല​മെ​ങ്കി​ലും വേ​ണ്ടി​വ​രും. ഒ​രു കേ​ന്ദ്ര​ത്തി​ൽ നി​ർ​ദി​ഷ്ട സൗ​ക​ര്യ​ങ്ങ​ൾ സ​ജ്ജ​മാ​ക്കാ​ൻ മാ​ത്രം എ​ട്ട് ല​ക്ഷം രൂ​പ വേ​ണം. ഇ​ത്​ സ​ർ​ക്കാ​റി​ന്​ വ​ഹി​ക്കാ​ൻ ക​ഴി​യാ​ത്ത സാ​ഹ​ച​ര്യ​ത്തി​ലാ​ണ്​ സ്വ​കാ​ര്യ വ​ഴി തേ​ടു​ന്ന​ത്. ടെ​സ്റ്റി​ന് മാ​ത്രം 300 രൂ​പ ഫീ​സ് വാ​ങ്ങു​ന്നു​ണ്ടെ​ങ്കി​ലും മി​ക്ക​യി​ട​ത്തും പു​റ​മ്പോ​ക്കി​ലും റോ​ഡ് വ​ക്കി​ലും ഡ്രൈ​വി​ങ് സ്‌​കൂ​ളു​കാ​ര്‍ വാ​ട​ക​ക്കെ​ടു​ത്ത സ്ഥ​ല​ത്തു​മാ​ണ് ഇ​പ്പോ​ൾ പ​രി​ശോ​ധ​ന ന​ട​ക്കു​ന്ന​ത്.