ഫോണിൽ സംസാരിച്ച്​ ബസ്​ ഒാടിച്ച ഡ്രൈവറുടെ ലൈസൻസ്​ സസ്​പെൻഡ്​​ ചെയ്​തു

മലപ്പുറം: ​ഫോണിൽ സംസാരിച്ച്​ ബസ്​ ഒാടിച്ച ഡ്രൈവറുടെ ലൈസൻസ്​ ആറ്​ മാസത്തേക്ക്​ സസ്​പെൻഡ്​​ ചെയ്​തു. മഞ്ചേരി-കോഴിക്കോട്​ റൂട്ടിൽ സർവിസ്​ നടത്തുന്ന സ്വകാര്യ ബസിലെ ഡ്രൈവർ മുഹമ്മദ്​ ഷാഫിക്കെതിരെയാണ്​ മോ​േട്ടാർവാഹന വകുപ്പി​​​െൻറ നടപടി. ഫോണിൽ സംസാരിച്ച്​ ഒരുകൈകൊണ്ട്​ ബസ്​ നിയന്ത്രിക്കുന്ന രംഗം​ യാത്രക്കാർ മൊബൈൽ കാമറയിൽ പകർത്തിയത്​ സമൂഹമാധ്യമങ്ങളിൽ പ്രചരിച്ചിരുന്നു. കനത്ത മഴയിൽ കുട്ടികളടക്കം നിരവധി യാത്രക്കാരുള്ളപ്പോഴാണ്​ ഡ്രൈവറുടെ ഫോൺ സംഭാഷണം. 

മതിയായ ​യോഗ്യതകളില്ലാതെ സ്​കൂൾ ബസ്​ ഒാടിച്ച ഡ്രൈവർക്കെതിരെയും കേസെടുത്തു. കോട്ടക്കൽ-മരവട്ടം റൂട്ടിൽ സർവിസ്​ നടത്തുന്ന സ്​കൂൾ ബസിലാണ്​​ മതിയായ പ്രവൃത്തിപരിചയമില്ലാത്തതി​​​െൻറ പേരിൽ ഡ്രൈവർക്കെതിരെ കേ​െസടുത്തത്​. സ്​കൂൾ അധികൃതർക്കെതിരെയും നടപടിയെടുക്കും. മതിയായ യോഗ്യതയുള്ളവരെ മാത്രമേ സ്​കൂൾ ബസുകളിൽ ഡ്രൈവർമാരായി നിർത്താൻ പാടുള്ളൂവെന്നും അല്ലാത്തപക്ഷം നടപടിയെടുക്കുമെന്നും​ പ്രധാനാധ്യാപകർക്ക്​ ആർ.ടി.ഒ നിർദേശം നൽകിയിരുന്നു. കുറഞ്ഞത്​ 10 വർഷമെങ്കിലും പ്രവൃത്തി പരിചയമുള്ളവരെ മാത്രമേ സ്​കൂൾ ബസുകളിൽ ഡ്രൈവർമാരായി നിർത്താൻ പാടുള്ളൂ. 

പരിശോധനക്ക്​ എം.വി.​െഎമാരായ എം.പി. അബ്​ദുൽ സുബൈർ, അഫ്​സൽ അലി, എ.ജി. പ്രദീപ്​കുമാർ, എ.എം.വി.​െഎമാരായ അഭിലാഷ്​, മുഹമ്മദ്​ ​ഷെഫീഖ്​ എന്നിവർ നേതൃത്വം നൽകി. വരും ദിവസങ്ങളിലും സ്​കൂൾ ബസുകളിൽ പരിശോധന കർശനമാക്കുമെന്ന്​ എം.വി.​െഎ അറിയിച്ചു. ​മൊബൈൽഫോൺ ഉപയോഗിച്ച്​ വാഹനമോടിക്കുന്ന ബസ്​ ഡ്രൈവർമാരുടെ ദൃശ്യങ്ങൾ ബസി​​െൻറ രജിസ്​ട്രേഷൻ നമ്പർ അടക്കം യാത്രക്കാർക്ക്​ മോ​േട്ടാർ വാഹന വകുപ്പിന്​ അയക്കാമെന്നും ഡ്രൈവർമാർക്കെതിരെ നടപടി സ്വീകരിക്കുമെന്നും ആർ.ടി.ഒ അറിയിച്ചു.