കോട്ടയം ഏറ്റുമാനൂരിൽ ലോറി മറിഞ്ഞ് ഡ്രൈവർ മരിച്ചു

ഏറ്റുമാനൂർ: കോട്ടയം ഏറ്റുമാനൂരിൽ ലോറി മറിഞ്ഞ് ഡ്രൈവർ മരിച്ചു. തമിഴ്നാട് പൊളളാച്ചി സ്വദേശി പാറ്റേശ്വരൻ (50) ആണ് മരിച്ചത്. ഇന്ന് പുലർച്ചെ പട്ടിത്താനം രത്നഗിരി പള്ളിക്ക് സമീപമായിരുന്നു അപകടം.

കോയമ്പത്തൂരിൽ നിന്ന് നാളികേരവുമായി കോട്ടയത്തേക്ക് വരികയായിരുന്നു. ഡ്രൈവർ ഉറങ്ങിപ്പോയതാവാം കാരണമെന്ന് ഹൈവേ പൊലീസ് പറഞ്ഞു. മൃതദേഹം മെഡിക്കൽ കോളജ് മോർച്ചറിയിൽ.