ഡോ. എം. കുഞ്ഞാമൻ അന്തരിച്ചു

തി​രു​വ​ന​ന്ത​പു​രം: പ്ര​മു​ഖ ദ​ലി​ത് ചി​ന്ത​ക​നും സാ​മ്പ​ത്തി​ക​ശാ​സ്ത്ര വി​ദ​ഗ്ധ​നും അ​ധ്യാ​പ​ക​നു​മാ​യ ഡോ.​എം. കു​ഞ്ഞാ​മ​ൻ (74) അ​ന്ത​രി​ച്ചു. ഞാ​യ​റാ​ഴ്ച വൈ​കീ​ട്ടോ​ടെ ചെ​മ്പ​ഴ​ന്തി വെ​ഞ്ചാ​വോ​ട് ശ്രീ​ന​ഗ​ർ ഹൗ​സ് ന​മ്പ​ർ മൂ​ന്നി​ലെ വീ​ട്ടി​ൽ മ​രി​ച്ച​നി​ല​യി​ൽ ക​ണ്ടെ​ത്തു​ക​യാ​യി​രു​ന്നു. വി​ഷം ക​ഴി​ച്ച് ആ​ത്മ​ഹ​ത്യ ചെ​യ്ത​താ​കാം എ​ന്നാ​ണ് പൊ​ലീ​സ് നി​ഗ​മ​നം. ‘‘ഏ​റെ നാ​ളാ​യി ആ​ഗ്ര​ഹി​ച്ച​താ​ണ്. ഞാ​ൻ പോ​കു​ന്നു. എ​ന്‍റെ മ​ര​ണ​ത്തി​ൽ മ​റ്റാ​ർ​ക്കും പ​ങ്കി​ല്ല. സ​ഹാ​യി​ച്ച​വ​ർ​ക്കെ​ല്ലാം ന​ന്ദി ’’ ​എ​ന്നെ​ഴു​തി​യ ആ​ത്മ​ഹ​ത്യാ​ക്കു​റി​പ്പ് വീ​ട്ടി​ൽ​നി​ന്ന് പൊ​ലീ​സ് ക​ണ്ടെ​ടു​ത്തു. ഞാ​യ​റാ​ഴ്ച കു​ഞ്ഞാ​മ​ന്‍റെ 74ാം ജ​ന്മ​ദി​ന​മാ​യി​രു​ന്നു.

ഭാ​ര്യ രോ​ഹി​ണി ചി​കി​ത്സ സം​ബ​ന്ധ​മാ​യി മ​ല​പ്പു​റ​ത്താ​യ​തി​നാ​ൽ അ​ദ്ദേ​ഹം വീ​ട്ടി​ൽ ത​നി​ച്ചാ​യി​രു​ന്നു. സു​ഹൃ​ത്താ​യ കെ.​എം. ഷാ​ജ​ഹാ​നോ​ട് ഞാ​യ​റാ​ഴ്ച കാ​ണ​ണ​മെ​ന്ന് ശ​നി​യാ​ഴ്ച ഫോ​ണി​ൽ വി​ളി​ച്ച് ആ​വ​ശ്യ​പ്പെ​ട്ടി​രു​ന്നു. ഇ​തു​പ്ര​കാ​രം ഷാ​ജ​ഹാ​ൻ വീ​ട്ടി​ലെ​ത്തി​യ​പ്പോ​ഴാ​ണ് അ​ടു​ക്ക​ള ഭാ​ഗ​ത്തെ ത​റ​യി​ൽ കി​ട​ക്കു​ന്ന രീ​തി​യി​ൽ മൃ​ത​ദേ​ഹം ക​ണ്ട​ത്. ഇ​ൻ​ക്വ​സ്റ്റ് ന​ട​പ​ടി​ക​ൾ പൂ​ർ​ത്തി​യാ​ക്കി മൃ​ത​ദേ​ഹം തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലേ​ക്ക് മാ​റ്റി.

സം​സ്കാ​രം പി​ന്നീ​ട്. പാ​ല​ക്കാ​ട് വാ​ടാ​നം​കു​റി​ശ്ശി​യി​ല്‍ 1949 ഡി​സം​ബ​ര്‍ മൂ​ന്നി​നാ​ണ് എം. ​കു​ഞ്ഞാ​മ​ന്‍ ജ​നി​ച്ച​ത്. മ​ണ്ണി​യ​മ്പ​ത്തൂ​ര്‍ അ​യ്യ​പ്പ​ന്‍റെ​യും ചെ​റോ​ണ​യു​ടെ​യും മ​ക​നാ​ണ്. വാ​ടാ​നം​കു​റി​ശ്ശി എ​ല്‍.​പി സ്‌​കൂ​ളി​ലെ പ്രാ​ഥ​മി​ക വി​ദ്യാ​ഭ്യാ​സ​ത്തി​നു ശേ​ഷം പ്രീ​ഡി​ഗ്രി മു​ത​ല്‍ എം.​എ വ​രെ പാ​ല​ക്കാ​ട് ഗ​വ. വി​ക്ടോ​റി​യ കോ​ള​ജി​ലാ​യി​രു​ന്നു പ​ഠ​നം. മു​ന്‍ രാ​ഷ്ട്ര​പ​തി കെ.​ആ​ര്‍. നാ​രാ​യ​ണ​നു ശേ​ഷം സാ​മ്പ​ത്തി​ക​ശാ​സ്ത്ര​ത്തി​ലെ ബി​രു​ദാ​ന​ന്ത​ര​ബി​രു​ദ​ത്തി​ല്‍ ഒ​ന്നാം റാ​ങ്ക് നേ​ടു​ന്ന ദ​ലി​ത് വി​ദ്യാ​ര്‍ഥി​യാ​ണ്.

1974ൽ ​കാ​ലി​ക്ക​റ്റ് സ​ര്‍വ​ക​ലാ​ശാ​ല​യി​ല്‍നി​ന്ന് എം.​എ​യി​ൽ റാ​ങ്ക് നേ​ടി​യ ശേ​ഷം തി​രു​വ​ന​ന്ത​പു​ര​ത്തെ സെ​ന്‍റ​ര്‍ ഫോ​ര്‍ ഡെ​വ​ല​പ്മെ​ന്‍റ് സ്റ്റ​ഡീ​സി​ല്‍ ‘കേ​ര​ള​ത്തി​ലെ തെ​ക്ക​ന്‍, വ​ട​ക്ക​ന്‍ ജി​ല്ല​ക​ളി​ലെ ആ​ദി​വാ​സി​ജീ​വി​ത​ത്തെ​ക്കു​റി​ച്ചു​ള്ള താ​ര​ത​മ്യ​പ​ഠ​നം’ എ​ന്ന വി​ഷ​യ​ത്തി​ല്‍ ഗ​വേ​ഷ​ണം ന​ട​ത്തി . പി​ന്നീ​ട് ‘ഇ​ന്ത്യ​യി​ലെ സം​സ്ഥാ​ന​ത​ല ആ​സൂ​ത്ര​ണം’ എ​ന്ന വി​ഷ​യ​ത്തി​ല്‍ കു​സാ​റ്റി​ല്‍നി​ന്ന് പി​എ​ച്ച്.​ഡി പൂ​ര്‍ത്തി​യാ​ക്കി. 1979 മു​ത​ല്‍ 2006 വ​രെ കേ​ര​ള സ​ര്‍വ​ക​ലാ​ശാ​ല​യു​ടെ കാ​ര്യ​വ​ട്ടം കാ​മ്പ​സി​ല്‍ സാ​മ്പ​ത്തി​ക​ശാ​സ്ത്ര വി​ഭാ​ഗം അ​ധ്യാ​പ​ക​നാ​യി​രു​ന്നു. ഒ​ന്ന​ര​വ​ര്‍ഷ​ത്തോ​ളം യു.​ജി.​സി അം​ഗ​വു​മാ​യി​രു​ന്നു.

Also Read:കേരളത്തിന്റെ സാമ്പത്തിക അവസ്ഥ എന്താണ്?; പ്ര​തി​സ​ന്ധി​യു​ടെ കാ​ര​ണ​വും ബ​ദ​ലും എ​ന്താ​ണ്​? - എം. ​കു​ഞ്ഞാ​മ​ൻ സം​സാ​രി​ക്കു​ന്നു.

2006ല്‍ ​കേ​ര​ള സ​ര്‍വ​ക​ലാ​ശാ​ല​യി​ല്‍നി​ന്ന് രാ​ജി​വെ​ച്ച​ശേ​ഷ​മാ​ണ് തു​ല്‍ജാ​പൂ​രി​ലെ ടാ​റ്റാ ഇ​ന്‍സ്റ്റി​റ്റ്യൂ​ട്ട് ഓ​ഫ് സോ​ഷ്യ​ല്‍ സ​യ​ന്‍സി​ല്‍ പ്ര​ഫ​സ​റാ​യ​ത്. വി​ര​മി​ച്ച ശേ​ഷം നാ​ലു വ​ര്‍ഷം കൂ​ടി അ​ദ്ദേ​ഹം അ​വി​ടെ തു​ട​ര്‍ന്നു. ദ​ലി​ത​രു​മാ​യി​ബ​ന്ധ​പ്പെ​ട്ട ഇ​ട​തു​പ​ക്ഷ ന​യ​ങ്ങ​ളെ പ​ര​സ്യ​മാ​യി ത​ന്നെ എ​തി​ർ​ത്തി​രു​ന്ന കു​ഞ്ഞാ​മ​ൻ, ദ​ലി​ത്-​സാ​മ്പ​ത്തി​ക ശാ​സ്ത്ര മേ​ഖ​ല​ക​ളി​ല്‍ നി​ര​വ​ധി ഗ്ര​ന്ഥ​ങ്ങ​ളു​ടെ ക​ര്‍ത്താ​വാ​ണ്.

കേ​ര​ള​ത്തി​ലെ വി​ക​സ​ന​പ്ര​തി​സ​ന്ധി, എ​തി​ര്: ചെ​റോ​ണ​യു​ടെ​യും അ​യ്യ​പ്പ​ന്‍റെ​യും മ​ക​ന്‍റെ ജീ​വി​ത​സ​മ​രം (ആ​ത്മ​ക​ഥ), സ്‌​റ്റേ​റ്റ് ലെ​വ​ല്‍ പ്ലാ​നി​ങ് ഇ​ന്‍ ഇ​ന്ത്യ, ഗ്ലോ​ബ​ലൈ​സേ​ഷ​ന്‍: എ ​സ​ബാ​ള്‍ട്ടേ​ണ്‍ പെ​ര്‍സ്‌​പെ​ക്ടീ​വ്, ഇ​ക്ക​ണോ​മി​ക് ഡെ​വ​ല​പ്മെ​ന്‍റ് ആ​ന്‍ഡ് സോ​ഷ്യ​ല്‍ ചേ​ഞ്ച്, ഡെ​വ​ല​പ്മെ​ന്‍റ് ഓ​ഫ് ട്രൈ​ബ​ല്‍ ഇ​ക്ക​ണോ​മി തു​ട​ങ്ങി​യ​വ​യാ​ണ് പ്ര​ധാ​ന കൃ​തി​ക​ള്‍. 2021ലെ ​മി​ക​ച്ച ആ​ത്മ​ക​ഥ​ക്കു​ള്ള കേ​ര​ള സാ​ഹി​ത്യ അ​ക്കാ​ദ​മി അ​വാ​ര്‍ഡ് എ​തി​രി​ന് ല​ഭി​ച്ചെ​ങ്കി​ലും അ​ദ്ദേ​ഹം നി​ര​സി​ച്ചു.

അ​ക്കാ​ദ​മി​ക ജീ​വി​ത​ത്തി​ലോ ബൗ​ദ്ധി​ക ജീ​വി​ത​ത്തി​ലോ ഇ​ത്ത​രം ബ​ഹു​മ​തി​ക​ളു​ടെ ഭാ​ഗ​മാ​കാ​ന്‍ ആ​ഗ്ര​ഹി​ക്കു​ന്നി​ല്ല എ​ന്ന​താ​യി​രു​ന്നു നി​ല​പാ​ട്. ഭാ​ര്യ: രോ​ഹി​ണി, മ​ക്ക​ൾ: ഡോ. ​അ​ഞ്ജ​ലി (അ​മേ​രി​ക്ക), പ​രേ​ത​യാ​യ അ​നി​ല.