പ്രമുഖ പരിസ്ഥിതി പ്രവർത്തക ഡോ. എ. ലത അന്തരിച്ചു

ഒല്ലൂർ: പ്രശസ്​ത പരിസ്​ഥിതി പ്രവർത്തക ഡോ. എ. ലത (51) അന്തരിച്ചു. ചാലക്കുടിപ്പുഴ സം​രക്ഷണ സമിതി പ്രവർത്തകയും സർക്കാറിതര സംഘടനയായ റിവർ റിസർച്​​ സ​െൻററി​​െൻറ ഡയറക്​ടറുമായിരുന്നു. ഭർത്താവ്​ ഒല്ലൂർ എടക്കുന്നി വാരിയത്ത്​ ‘കാർത്തിക’യിൽ ഉണ്ണികൃഷ്​ണനുമൊത്ത്​ ഒല്ലൂരിലായിരുന്നു താമസം. അർബുദം ബാധിച്ച്​ ഒരു വർഷത്തോളമായി ചികിത്സയിലായിരുന്നു. വ്യാഴാഴ്​ച രാവിലെ എ​േട്ടാടെ എടക്കുന്നിയിലെ വസതിയിലായിരുന്നു അന്ത്യം.

കാർഷിക രംഗത്തെ ഗവേഷണത്തിന്​ ഡോക്​ടറേറ്റ്​ നേടിയ ലത രണ്ട്​ പതിറ്റാണ്ടു മുമ്പ്​ കൃഷി വകുപ്പിൽ ഒാഫിസറുടെ ജോലി ഉപേക്ഷിച്ചാണ്​ മുഴുവൻ സമയം പരിസ്​ഥിതി പ്രവർത്തനത്തിലേക്ക്​ തിരിഞ്ഞത്​. ചാലക്കുടിപ്പുഴ സംരക്ഷണമായിരുന്നു പ്രധാന പ്രവർത്തന രംഗം. നിർദിഷ്​ട അതിരപ്പിള്ളി പദ്ധതിയുടെ വിപത്തിനെക്കുറിച്ച്​ ഭരണകൂടത്തെയും ജനത്തെയും നിരന്തരം ഒാർമിപ്പിച്ച ലത, ചാലക്കുടിപ്പുഴയുടെ നാശം തടയാനും കൂട്ടായ്​മകളിലൂടെ പ്രവർത്തിച്ചു. പുഴകളുടെ സംരക്ഷണവുമായി ബന്ധപ്പെട്ട്​ സംസ്​ഥാനത്തി​​െൻറ മറ്റു സ്​ഥലങ്ങളിലും മറ്റു സംസ്​ഥാനങ്ങളിലും പ്രവർത്തനം വ്യാപിപ്പിച്ചു.

പശ്ചിമഘട്ട രക്ഷായാത്രയുമായി ബന്ധപ്പെട്ട്​ നടന്ന മുന്നേറ്റം ലതയുടെ പരിസ്​ഥിതി പ്രവർത്തനങ്ങൾക്കും ഉൗർജമേകി. ജലവുമായി ബന്ധപ്പെട്ട കാര്യങ്ങളിലുള്ള അവഗാഹം അവരെ രാജ്യത്തും പുറത്തും അത്തരം ചർച്ചകളിലും പ്രവർത്തനങ്ങളിലും പങ്കാളിയാക്കി. ജല സംരക്ഷണ പ്രവർത്തനങ്ങൾ മാനിച്ച്​ ഭഗീരഥ പ്രയാസ്​ സമ്മാൻ, ജെയ്​ജി പീറ്റർ പരിസ്​ഥിതി പുരസ്​കാരം എന്നിവ നേടിയിട്ടുണ്ട്​. ‘​ൈഡയിങ്​ റിവേഴ്​സ്​’, ‘ട്രാജഡി ഒാഫ്​ വുമൺ’ എന്നിവ ലതയുടെ രചനകളാണ്​. എറണാകുളം സ്വദേശി സദാനന്ദ കമ്മത്തി​​െൻറയും വരദഭായിയുടെയും മകളാണ്​. സഹോദരങ്ങൾ സുരേഷ്​, സതീഷ്​.

വ്യാഴാഴ്​ച വൈകീട്ട്​ മൂന്നിന്​ ഒല്ലൂരിലെ വീട്ടുവളപ്പിൽ മൃതദേഹം സംസ്​കരിച്ചു. മുൻ മന്ത്രി കെ.പി. രാജേന്ദ്രൻ, സി.എൻ. ജയദേവൻ എം.പി,  എം.എൽ.എമാരായ ബി.ഡി. ദേവസി, കെ. രാജൻ, വി.ടി. ബൽറാം, അനിൽ അക്കര, ജൈവ വൈവിധ്യ ബോർഡ്​ മുൻ ചെയർമാൻ ഡോ. വി.എസ്​. വിജയൻ, പ്രഫ. സാറ ജോസഫ്​, പരിസ്​ഥിതി പ്രവർത്തകരായ സി.ആർ. നീലകണ്​ഠൻ, ഹരീഷ്​​ വാസുദേവൻ തുടങ്ങിയവർ അന്തിമോപചാരം അർപ്പിക്കാൻ എത്തിയിരുന്നു.