ഡോ. ​കൃ​ഷ്ണ​കു​മാ​ർ വി​ട​പ​റ​യു​മ്പോ​ൾ...

ഏ​താ​ണ്ട് പ​തി​ന​ഞ്ച് മാ​സം​മു​മ്പാ​ണ് ഡോ. ​കൃ​ഷ്ണ​കു​മാ​ർ എ​ന്നെ ഫോ​ണി​ൽ ബ​ന്ധ​പ്പെ​ട്ട് കോ​ഴി​ക്കോ​ട് ന​ഗ​ര​സ​ഭ​യു​ടെ വ​യോ​ജ​നോ​ത്സ​വ​വു​മാ​യി സ​ഹ​ക​രി​ച്ച് ഒ​രു പ്ര​ഭാ​ഷ​ണം ചെ​യ്യാ​മോ എ​ന്ന് ചോ​ദി​ച്ച​ത്. ഡ​ൽ​ഹി​യി​ൽ മ​റ്റ് തി​ര​ക്കു​ക​ളി​ൽ പെ​ട്ടു​പോ​യ എ​നി​ക്ക് അ​ദ്ദേ​ഹ​ത്തി​ന്റെ അ​പേ​ക്ഷ സ്വീ​ക​രി​ക്കാ​ൻ ക​ഴി​ഞ്ഞി​ല്ല. എ​ങ്കി​ലും പ​രി​പാ​ടി ഗം​ഭീ​ര​മാ​യി ന​ട​ന്നു.

വി​വി​ധ മേ​ഖ​ല​ക​ളി​ൽ​നി​ന്നു​ള്ള നി​ര​വ​ധി പേ​ർ പ​​​​ങ്കെ​ടു​ത്ത ആ ​പ​രി​പാ​ടി​യു​ടെ ബ്രോ​ഷ​ർ കൃ​ഷ്ണ​കു​മാ​ർ എ​നി​ക്ക​യ​ച്ചു​ത​ന്നു. കോ​ഴി​ക്കോ​ട് ന​ഗ​ര​സ​ഭ​യു​ടെ വ​ജ്ര​ജൂ​ബി​ലി ആ​ഘോ​ഷ​ത്തി​ന്റെ ഭാ​ഗ​മാ​യാ​ണ് 2023 ന​വം​ബ​ർ 10 മു​ത​ൽ 15 വ​രെ വ​യോ​ജ​ന സം​ഗ​മ​വും വ​യോ​ജ​നോ​ത്സ​വ​വും ന​ട​ന്ന​ത്. ലോ​ക​ത്തെ എ​ല്ലാ ന​ഗ​ര​സ​ഭ​ക​ൾ​ക്കും മാ​തൃ​ക​യാ​ക്കാ​വു​ന്ന, ഒ​രു​വേ​ള എ​ല്ലാ ന​ഗ​ര​സ​ഭ​ക​ളും മാ​തൃ​ക​യാ​ക്കേ​ണ്ടു​ന്ന ഒ​രു പ​രി​പാ​ടി​യാ​യി​രു​ന്നു അ​ത്. ഏ​തെ​ങ്കി​ലും ഒ​രു ന​ഗ​ര​സ​ഭ മാ​ത്രം വ​യോ​ജ​ന സൗ​ഹൃ​ദ​മാ​യാ​ൽ പോ​രാ; ലോ​കം ത​ന്നെ വ​യോ​ജ​ന സൗ​ഹൃ​ദ​മാ​കേ​ണ്ട​താ​ണ​ല്ലോ!

ഡോ. ​കൃ​ഷ്ണ​കു​മാ​ർ ശ​നി​യാ​ഴ്ച അ​ന്ത​രി​ച്ച​താ​യി സി​വി​ക് ച​ന്ദ്ര​ന്റെ പോ​സ്റ്റ് ക​ണ്ടു. പി​ന്നീ​ട് വി​വ​രം ‘മാ​ധ്യ​മ’​ത്തി​ൽ​നി​ന്നും സ്ഥി​രീ​ക​രി​ച്ചു. കേ​വ​ലം 63 വ​യ​സ്സി​ൽ ത​ന്നെ അ​ദ്ദേ​ഹം ന​മ്മെ വി​ട്ടു​പോ​യി. വാ​ർ​ധ​ക്യം ആ​ഘോ​ഷി​ക്ക​ണ​മെ​ന്ന വ​യോ​ജ​​നോ​ത്സ​വ​ത്തി​ന്റെ സ​ന്ദേ​ശം ബാ​ക്കി​വെ​ച്ചു​കൊ​ണ്ട് കൃ​ഷ്ണ​കു​മാ​ർ പോ​യി.

പീ​ഡി​യാ​ട്രി​ക് സൈ​ക്യാ​ട്രി​സ്റ്റാ​യി ആ​രോ​ഗ്യ​രം​ഗ​ത്ത് സേ​വ​നം ചെ​യ്ത കൃ​ഷ്ണ​കു​മാ​ർ തു​ട​ക്കം മു​ത​ൽ ജീ​വി​താ​വ​സാ​നം വ​രെ​യും ആ​രോ​ഗ്യ​രം​ഗ​ത്തെ സാ​മൂ​ഹി​ക പ്ര​തി​ബ​ദ്ധ​ത​യെ സ്വ​ന്തം തൊ​ഴി​ൽ ജീ​വി​ത​ത്തി​ലൂ​ടെ സാ​ക്ഷാ​ത്ക​രി​ച്ച വ്യ​ക്തി​യാ​യി​രു​ന്നു. സാ​ധാ​ര​ണ​ക്കാ​ർ​ക്കും പാ​വ​പ്പെ​ട്ട​വ​ർ​ക്കും ആ​രോ​ഗ്യ​സം​വി​ധാ​ന​ങ്ങ​ളും ചി​കി​ത്സ​യും ശു​ശ്രൂ​ഷ​യും ക​ര​ഗ​ത​മാ​കു​ന്ന​തി​നു​വേ​ണ്ടി സം​വി​ധാ​ന​ങ്ങ​ളെ​യും സ​മൂ​ഹ​ത്തെ​യും ഉ​പ​യോ​ഗി​ക്കാ​ൻ ശ്ര​മി​ച്ച കൃ​ഷ്ണ​കു​മാ​ർ ക​ച്ച​വ​ട​വ​ത്ക​രി​ക്ക​പ്പെ​ട്ട ചി​കി​ത്സാ​രം​ഗ​ത്തെ വേ​റി​ട്ട സാ​ന്നി​ധ്യ​മാ​യി​രു​ന്നു. മു​മ്പ് മെ​ഡി​ക്ക​ൽ കോ​ള​ജി​ലാ​യി​രു​ന്ന കാ​ല​ത്തും പി​ന്നീ​ട് ഇം​ഹാ​ൻ​സ് ഡ​യ​റ​ക്ട​ർ എ​ന്ന നി​ല​യി​ലും കൃ​ഷ്ണ​കു​മാ​ർ ശ്ര​മി​ച്ച​ത് ആ​തു​ര​ശു​ശ്രൂ​ഷാ രം​ഗ​ത്തി​ന്റെ ജ​നാ​ധി​പ​ത്യ​വ​ത്ക​ര​ണ​ത്തി​നും ജ​ന​കീ​യ​വ​ത്ക​ര​ണ​ത്തി​നും വേ​ണ്ടി​യാ​യി​രു​ന്നു.

1980ക​ളു​ടെ ഒ​ടു​വി​ലാ​ണ് എ​നി​ക്ക് കൃ​ഷ്ണ​കു​മാ​റു​മാ​യു​ള്ള സൗ​ഹൃ​ദം തു​ട​ങ്ങു​ന്ന​ത്. അ​ന്ന് അ​ദ്ദേ​ഹം കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ലും ഞാ​ൻ ഇ​തേ ന​ഗ​ര​ത്തി​ൽ ലോ ​കോ​ള​ജി​ലും വി​ദ്യാ​ർ​ഥി​യാ​യി​രു​ന്നു. അ​ന്ന് ഞ​ങ്ങ​ൾ ‘പ​രി​സ​ര​വേ​ദി’ എ​ന്ന സ്വ​ത​ന്ത്ര പ​രി​സ്ഥി​തി സം​ഘ​ട​ന​യി​ൽ സ​ജീ​വ​മാ​യി​രു​ന്നു. ഇ​ന്ന് പ​റ​ഞ്ഞാ​ൽ പ​ല​രും വി​ശ്വ​സി​ക്കാ​ൻ​പോ​ലും ത​യാ​റാ​കാ​ത്ത ഒ​രു സ​മ​രം ഞ​ങ്ങ​ൾ പ​രി​സ​ര​വേ​ദി​ക്കാ​ർ അ​ന്ന് ന​ട​ത്തി. ആ​കാ​ശ​വാ​ണി​യി​ൽ വാ​ണി​ജ്യ പ​ര​സ്യ​ങ്ങ​ൾ പ്ര​ക്ഷേ​പ​ണം ചെ​യ്യു​ന്ന​തി​നെ​തി​രെ, അ​ങ്ങ​നെ ആ​കാ​ശ​വാ​ണി​യെ പ​ര​സ്യ വാ​ണി​യാ​ക്കു​ന്ന​തി​നെ​തി​രെ ബ്ര​ഹ്മ​പു​ത്ര​ൻ, സ​ത്യ​ൻ തു​ട​ങ്ങി​യ​വ​ർ​ക്കൊ​പ്പം കൃ​ഷ്ണ​കു​മാ​റും ഞാ​നും ആ​കാ​ശ​വാ​ണി​ക്കു​മു​ന്നി​ൽ നി​രാ​ഹാ​ര സ​ത്യ​ഗ്ര​ഹം ന​ട​ത്തി. ഇ​ന്ന് വി​ചി​ത്ര​മാ​യി​ത്തോ​ന്നാ​വു​ന്ന ഈ ​സ​മ​രാ​നു​ഭ​വം പ​ക്ഷേ, കൃ​ഷ്ണ​കു​മാ​റി​ന്റെ വാ​ണി​ജ്യ​വ​ത്ക​രി​ക്ക​പ്പെ​ടാ​ത്ത സാ​മൂ​ഹി​ക ബോ​ധ​ത്തി​നു​ള്ള ഉ​ദാ​ഹ​ര​ണം കൂ​ടി​യാ​യി​രു​ന്നു. കേ​ര​ള​ത്തി​ലെ ജ​ന​കീ​യാ​രോ​ഗ്യ മേ​ഖ​ല​ക്ക് കൃ​ഷ്ണ​കു​മാ​ർ ന​ൽ​കി​യ സം​ഭാ​വ​ന​ക​ൾ ആ​ഴ​ത്തി​ൽ വി​ല​യി​രു​ത്ത​പ്പെ​ട​ണം. മെ​ഡി​ക്ക​ൽ കോ​ള​ജി​ന​ക​ത്തും പു​റ​ത്തും ആ​ശു​പ​ത്രി​ക്ക​ക​ത്തും പു​റ​ത്തും അ​ദ്ദേ​ഹം ഒ​രു ജ​ന​കീ​യ ഡോ​ക്ട​റാ​യി​രു​ന്നു. വി​ദ്യാ​ർ​ഥി ജീ​വി​ത​കാ​ല​ത്ത് അ​ദ്ദേ​ഹം കാ​ണി​ച്ച സാ​മൂ​ഹി​ക ബോ​ധ​വും, മ​നു​ഷ്യ​രോ​ടും പ്ര​കൃ​തി​യോ​ടു​മു​ള്ള ക​റ​ക​ള​ഞ്ഞ പ്ര​തി​ബ​ദ്ധ​ത​യും സ​ഹ​ജ​മാ​യ നി​ഷ്ക​ള​ങ്ക​ത​യോ​ടെ ജീ​വി​ത​കാ​ലം മു​ഴു​ക്കെ വെ​ച്ചു​പു​ല​ർ​ത്തി. സ​മാ​ന​ത​ക​ളി​ല്ലാ​ത്ത ത​ന്റെ ജീ​വി​ത​ത്തെ പ​ക്ഷേ, കൃ​ഷ്ണ​കു​മാ​ർ ഏ​റെ​യൊ​ന്നും പ​ര​സ്യ​പ്പെ​ടു​ത്തി​യ​തു​മി​ല്ല.

ത​ന്റെ അ​ന്ത​ർ​മു​ഖ​ത്വം പ​ക്ഷേ, ഒ​രി​ക്ക​ലും അ​ദ്ദേ​ഹം ന​ട​ത്തി​യ പ്ര​വ​ർ​ത്ത​ന​ങ്ങ​ളു​​ടെ ശേ​ഷി​യെ​യോ പ്ര​സ​ക്തി​​യെ​യോ ബാ​ധി​ച്ച​തേ​യി​ല്ല. ഒ​രു​പ​ക്ഷേ, ഈ ​അ​ന്ത​ർ​മു​ഖ​ത്വ​ത്തി​ൽ​നി​ന്നും നേ​ടി​യ ഗ​തി​കോ​ർ​ജ​മാ​ണ് കൃ​ഷ്ണ​കു​മാ​റി​നെ ഒ​രു ആ​ജീ​വ​നാ​ന്ത ആ​ക്ടി​വി​സ്റ്റ് ഡോ​ക്ട​റാ​യി മാ​റ്റി​യെ​ടു​ത്ത​ത്.

ഇ​ത്ര പെ​ട്ടെ​ന്ന് കൃ​ഷ്ണ​കു​മാ​ർ, താ​ങ്ക​ൾ വി​ട്ടു​പോ​കു​മെ​ന്ന് ക​രു​തി​യി​ല്ല. ഇ​നി​യെ​പ്പോ​ഴെ​ങ്കി​ലും കോ​ഴി​ക്കോ​ട്ട് വ​ന്നാ​ൽ കാ​ണാ​മെ​ന്ന് താ​ങ്ക​ൾ​ക്ക് ഞാ​ൻ ന​ൽ​കി​യ വാ​ക്കും വെ​റു​തെ​യാ​യ​താ​യി അ​റി​യു​ന്നു. എ​ന്നാ​ൽ, ഈ ​വി​യോ​ഗ​ത്തി​ലൂ​ടെ കേ​ര​ള​ത്തി​നു​ണ്ടാ​യ വ​ലി​യ ന​ഷ്ട​ത്തെ​ക്കു​റി​ച്ചോ​ർ​ക്കു​മ്പോ​ൾ എ​ന്റെ ദുഃ​ഖ​ങ്ങ​ൾ വൈ​യ​ക്തി​ക​വും താ​ര​ത​മ്യേ​ന അ​പ്ര​സ​ക്ത​വു​മാ​കാം. ന​ന്ദി, കൃ​ഷ്ണ​കു​മാ​ർ, ന​ന്ദി. മ​റ്റാ​ർ​ക്കും സാ​ധി​ക്കാ​ത്ത ഒ​രു ജീ​വി​തം ജീ​വി​ച്ച​തി​ന്. അ​തു​വ​ഴി, മ​ര​ണ​ത്തെ നി​ഷ്പ്ര​ഭ​മാ​ക്കി​യ​തി​ന്.