ഡോ. ഫിറോഷിന്‍റെ അസ്വാഭാവിക മരണം: അന്വേഷണം ക്രൈം ബ്രാഞ്ചിന്

ശാ​സ്താം​കോ​ട്ട: ശാ​സ്താം​കോ​ട്ട​യി​ലെ സ്വ​കാ​ര്യ ആ​ശു​പ​ത്രി​യി​ൽ പ​നി ല​ക്ഷ​ണ​ങ്ങ​ളു​മാ​യി ചി​കി​ത്സ​ക്കാ​യി പ്ര​വേ​ശി​പ്പി​ച്ച് അ​ടു​ത്ത ദി​വ​സം മ​ര​ണ​പ്പെ​ട്ട യു​വ​ഡോ​ക്ട​ർ തേ​വ​ല​ക്ക​ര പാ​ല​യ്ക്ക​ൽ വി​ള​യി​ൽ വീ​ട്ടി​ൽ ഡോ. ​ഫി​റോ​ഷി​ന്‍റെ മ​ര​ണം സം​ബ​ന്ധി​ച്ച അ​ന്വേ​ഷ​ണം ക്രൈം​ബ്രാ​ഞ്ച് ഏ​റ്റെ​ടു​ത്തു. 2024 ഫെ​ബ്രു​വ​രി 19ന്​ ​രാ​വി​ലെ​യാ​ണ് ഡോ.​ഫി​റോ​ഷ് ശാ​സ്താം​കോ​ട്ട യി​ലെ ആ​ശു​പ​ത്രി​യി​ൽ മ​ര​ണ​പ്പെ​ട്ട​ത്.

സാ​ര​മാ​യ ആ​രോ​ഗ്യ പ്ര​ശ്ന​ങ്ങ​ളൊ​ന്നും ഇ​ല്ലാ​തെ കേ​വ​ലം പ​നി​യു​ടെ ല​ക്ഷ​ണ​ങ്ങ​ളു​മാ​യി ചി​കി​ത്സ​ക്കാ​യി ആ​ശു​പ​ത്രി​യി​ൽ പ്ര​വേ​ശി​പ്പി​ക്കു​ക​യും മ​ര​ണ​പ്പെ​ടു​ക​യും ചെ​യ്ത ഡോ. ​ഫി​റോ​ഷി​ൻ്റെ മ​ര​ണം സം​ബ​ന്ധി​ച്ച് ബ​ന്ധു​ക്ക​ൾ ശാ​സ്താം​കോ​ട്ട പോ​ലീ​സി​ൽ പ​രാ​തി ന​ൽ​കി​യി​രു​ന്നു. ആ​ശു​പ​ത്രി അ​ധി​കൃ​ത​രു​ടെ അ​നാ​സ്ഥ​യും ചി​കി​ത്സാ​പ്പി​ഴ​വു​മാ​ണ് യു​വ​ഡോ​ക്ട​റു​ടെ മ​ര​ണ​ത്തി​ന് കാ​ര​ണ​മാ​യ​തെ​ന്ന് ബ​ന്ധു​ക്ക​ൾ ആ​രോ​പി​ക്കു​ന്നു. ഇ​ത്ത​ര​ത്തി​ൽ നി​ര​വ​ധി സം​ഭ​വ​ങ്ങ​ൾ ഈ ​ആ​ശു​പ​ത്രി​യി​ൽ നി​ന്നും അ​ടി​യ്ക്ക​ടി ഉ​ണ്ടാ​കു​ന്ന​താ​യി നാ​ട്ടു​കാ​ർ സാ​ക്ഷ്യ​പ്പെ​ടു​ത്തു​ന്നു. ഡോ.​ഫി​റോ​ഷി​ന്റെ മ​ര​ണം സം​ബ​ന്ധി​ച്ച് സ​മ​ഗ്ര​വും വി​ശ​ദ​വു​മാ​യ അ​ന്വേ​ഷ​ണം ആ​വ​ശ്യ​പ്പെ​ട്ട് ബ​ന്ധു​ക്ക​ൾ മു​ഖ്യ​മ​ന്ത്രി​യ്ക്കും ആ​രോ​ഗ്യ​മ​ന്ത്രി​യ്ക്കു​മ​ട​ക്കം പ​രാ​തി ന​ൽ​കി​യി​രു​ന്നു. ക്രൈം​ബ്രാ​ഞ്ച് കൊ​ട്ടാ​ര​ക്ക​ര റൂ​റ​ൽ എ​സ്.​പി സാ​ബു മാ​ത്യു​വി​നാ​ണ് അ​ന്വ​ഷ​ണ ചു​മ​ത​ല.