കൂടെപ്പിറപ്പുകളെ രക്ഷിച്ചതിന്​ പണം വേണ്ട; കണ്ണുതുറപ്പിച്ച്​ ഖായിസ്​ മുഹമ്മദ്​​ VIDEO

കൊച്ചി: കേരളത്തെ വിഴുങ്ങിയ മഹാ പ്രളയത്തിൽ സഹജീവികളെ സഹായിച്ചതിന്​ സർക്കാർ ഉപഹാരമായി നൽകിയ തുക സ്​നേഹപൂർവം നിരസിച്ച്​ മത്​സ്യത്തൊഴിലാളി. സഹോദരങ്ങളെ രക്ഷിച്ചതിന്​ പണം വേണ്ടെന്നും സർക്കാറി​​​​െൻറ സേനയാണ്​ മത്സ്യത്തൊഴിലാളികൾ എന്ന മുഖ്യമന്ത്രിയുടെ പരാമർശത്തിൽ അഭിമാനം കൊള്ളുന്നുവെന്നുമാണ്​ ഫോർട്ട്​ കൊച്ചിക്കാരനായ ഖായിസ്​ മുഹമ്മദ്​ പറയുന്നത്​. 

‘‘ബഹുമാനപ്പെട്ട മുഖ്യമന്ത്രി സർ​, എ​​​​െൻറ പേര്​ ഖായിസ്​. വീട്​ ഫോർട്ടു കൊച്ചിയിലാണ്​. മത്​സ്യത്തൊഴിലാളിയുടെ മകനാണ്​. ഞാനും സുഹൃത്തുക്കളും ബോ​െട്ടടുത്ത്​ പ്രളയത്തിൽ പെട്ടവരെ രക്ഷിക്കാൻ പോയിരുന്നു. രക്ഷാപ്രവർത്തനത്തിൽ പ​െങ്കടുത്തതിൽ അഭിമാനിക്കുന്നു. ഞങ്ങളാണ്​, മത്​സ്യത്തൊഴിലാളികളാണ്​ സാറി​​​​െൻറ ​ൈസന്യമെന്ന്​ പറയുന്നത്​ കേട്ടിരുന്നു. അതിൽ വ​ളരെ അഭിമാനം കൊള്ളുന്നു. എന്നാൽ, രക്ഷാപ്രവർത്തനത്തിന്​ എത്തിയ മത്​സ്യത്തൊഴിലാളികൾക്ക്​ 3000 രൂപ കൊടുക്കുന്നുണ്ടെന്ന്​ അറിഞ്ഞു. വളരെ സങ്കടത്തോടെ പറയ​െട്ട, ഞങ്ങളുടെ കൂടെപ്പിറപ്പുകളെ രക്ഷിച്ചതിന്​ കാശുവേണ്ട. 

ഞങ്ങളുടെ കേടായ ​േബാട്ടുകളെല്ലാം നന്നാക്കി തരുമെന്ന്​ സാർ പറഞ്ഞിരുന്നു. അതൊരു നല്ല കാര്യമാണ്​. ഞങ്ങൾക്ക്​ മറ്റ്​ ഉപജീവന മാർഗമില്ല. അതല്ലാതെ കൂടപ്പിറപ്പുകളെ, സൗഹൃദങ്ങളെ രക്ഷിച്ചതിന്​ ഞങ്ങൾക്ക്​ കാശു​ േവണ്ട. ഇത്രയും പറഞ്ഞുകൊണ്ട്​ എല്ലാ ആദരവോടെയും നന്ദിയോടെയും നിർത്തുന്നു. ’’ - ഖായിസ്​​ ഫേസ്​ ബുക്കിൽ പോസ്​റ്റ്​ ചെയ്​ത വിഡിയോയിലെ വാക്കുകളാണിത്​. പോസ്​റ്റിനു ചുവടെ നിരവധി പേരാണ്​ ആശ​ംസകളും അഭിനന്ദനങ്ങളും അറിയിച്ച്​ രംഗത്തെത്തിയിട്ടുള്ളത്​.