പാർട്ടി പിളർത്തി മന്ത്രിയാകാനില്ല: ഗണേഷ് കുമാർ

തി​രു​വ​ന​ന്ത​പു​രം: കേ​ര​ള കോ​ണ്‍​ഗ്ര​സ്-​ബി എ​ൻ​.സി.പി​യുമായി ചേർന്ന് പ്രവർത്തിക്കുമെന്ന വാർത്ത​ക​ൾ ത​ള്ളി കെ.​ബി.​ഗ​ണേ​ഷ് കു​മാ​ർ. പാ​ർ​ട്ടി പി​ള​ർ​ത്തി മ​ന്ത്രി​യാ​കാ​നി​ല്ലെ​ന്നും അങ്ങനെ മ​ന്ത്രി​യാ​കാ​ൻ ത​നി​ക്കു താ​ത്പ​ര്യ​മി​ല്ലെ​ന്നും ഗ​ണേ​ഷ് കു​മാ​ർ പ​റ​ഞ്ഞു. എ​ൻ​.സി.പി​​യു​മാ​യി ച​ർ​ച്ച​ക​ൾ ന​ട​ത്തി​യെ​ന്ന റി​പ്പോ​ർ​ട്ടു​ക​ൾ ഗ​ണേ​ഷ് കു​മാ​ർ നിഷേധിച്ചു. എന്നാൽ,  എ​ൽ​.ഡി​.എ​ഫി​നു താ​ത്പ​ര്യ​മു​ണ്ടെ​ങ്കി​ൽ കേ​ര​ള കോ​ണ്‍​ഗ്ര​സ് ബി​യു​ടെ പ്ര​തി​നി​ധി​യാ​യി മ​ന്ത്രി​സ​ഭ​യി​ലെ​ത്തു​മെ​ന്നും അദ്ദേഹം കൂ​ട്ടി​ച്ചേ​ർ​ത്തു.

കേരളാ കോണ്‍ഗ്രസ് (ബി) എൻ.സി.പിയുമായി ചേര്‍ന്ന് പ്രവര്‍ത്തിക്കുമെന്ന് വാർത്തകളോട് പ്രതികരിക്കുകയായിരുന്നു കെ.ബി. ഗണേഷ്കുമാർ എം.എൽ.എ. എൻ.സി.പിയുമായി ചേർന്ന് പ്രവർത്തിക്കുന്തിനെക്കുറിച്ച് ശരദ് പവാറുമായി കേരള കോൺഗ്രസ് ചർച്ച നടത്തുമെന്ന് വാർത്തകളുണ്ടായിരുന്നു. ജനുവരി നാലിന് കണ്ണൂരില്‍ ചേരുന്ന കേരളാ കോണ്‍ഗ്രസ് (ബി) നേതൃയോഗത്തിനു ശേഷം വിഷയത്തിൽ അന്തിമതീരുമാനം ഉണ്ടാകുമെന്നും സൂചനയുണ്ട്. 

എ.കെ. ശശീന്ദ്രനും തോമസ് ചാണ്ടിയും രാജി വെച്ചതിനെ തുടർന്ന് നിലവില്‍ എൻ.സി.പിയുടെ മന്ത്രിസ്ഥാനം ഒഴിഞ്ഞ് കിടക്കുകയാണ്. ഈ പദമാണ് എൻ.സി.പിയുമായി ചേർന്ന് പ്രവർത്തിക്കുന്നതിലൂടെ കേരള കോൺഗ്രസ് ബി  ലക്ഷ്യം വെക്കുന്നതെന്നാണ് സൂചന. കേരള കോൺഗ്രസ് പാര്‍ട്ടിയുടെ ഏക എം.എൽ.എയായ ഗണേഷ് കുമാറിനെ മന്ത്രിയാക്കാനുള്ള ശ്രമമാണ് നീക്കത്തിന് പിന്നിലെന്നാണ് രാഷ്ട്രീയ നിരീക്ഷകരുടെ വിലയിരുത്തൽ. ഇത്തരം വാർത്തകളാണ് കെ.ബി. ഗണേഷ്കുമാർ നിഷേധിച്ചത്.