മാധ്യമപരിരക്ഷയുടെ കവചമൊന്നും കേന്ദ്ര ഭരണത്തിൽനിന്ന് പ്രതീക്ഷിക്കരുതെന്ന് മുഖ്യമന്ത്രി

കൊ​ച്ചി: മാ​ധ്യ​മ പ​രി​ര​ക്ഷ​യു​ടെ ക​വ​ച​മൊ​ന്നും വ​രും​കാ​ല​ത്ത് കേ​ന്ദ്ര ഭ​ര​ണ​ത്തി​ൽ​നി​ന്ന് പ്ര​തീ​ക്ഷി​ക്ക​രു​തെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. ജ​നാ​ധി​പ​ത്യ​ത്തി​ന്‍റെ കാ​വ​ൽ സം​വി​ധാ​ന​മെ​ന്ന് വി​ശേ​ഷി​പ്പി​ക്കു​ന്നു​ണ്ടെ​ങ്കി​ലും തൊ​ഴി​ൽ​സ​മൂ​ഹ​മെ​ന്ന നി​ല​യി​ൽ മാ​ധ്യ​മ​പ്ര​വ​ർ​ത്ത​ക​ർ ക​ടു​ത്ത പ്ര​തി​സ​ന്ധി​യി​ലൂ​ടെ​യാ​ണ് ക​ട​ന്നു​പോ​കു​ന്ന​ത്. ആ​ഗോ​ള മാ​ധ്യ​മ​സ്വാ​ത​ന്ത്ര്യ സൂ​ചി​ക​യി​ൽ താ​ഴേ​ക്ക് പോ​കു​ന്ന ഇ​ന്ത്യ​യി​ൽ, ജീ​വ​ന​ക്കാ​രു​ടെ തൊ​ഴി​ൽ അ​വ​കാ​ശ​ങ്ങ​ളു​ടെ സം​ര​ക്ഷ​ണ​ത്തി​ലും വീ​ഴ്ച​യു​ണ്ടാ​കു​ന്നു. കേ​ന്ദ്ര ഭ​ര​ണ​ത്തി​ന്‍റെ തൊ​ഴി​ലാ​ളി​വി​രു​ദ്ധ നി​ല​പാ​ടു​ക​ൾ ത​ക​ർ​ച്ച​യു​ടെ വേ​ഗ​ത​ക്ക് ആ​ക്കം​കൂ​ട്ടു​ക​യാ​ണ്. ആ​ക​സ്മി​ക ദു​ര​ന്ത​ങ്ങ​ളി​ൽ പ്ര​തി​സ​ന്ധി​യി​ലാ​കു​ന്ന മാ​ധ്യ​മ​പ്ര​വ​ർ​ത്ത​ക​രു​ടെ കു​ടും​ബ​ങ്ങ​ൾ​ക്കാ​യി കേ​ര​ള പ​ത്ര​പ്ര​വ​ർ​ത്ത​ക യൂ​നി​യ​ൻ (കെ.​യു.​ഡ​ബ്ല്യു.​ജെ) ന​ട​പ്പാ​ക്കു​ന്ന ജേ​ണ​ലി​സ്റ്റ് വെ​ൽ​ഫെ​യ​ർ ഫ​ണ്ട് ഉ​ദ്ഘാ​ട​നം ചെ​യ്യു​ക​യാ​യി​രു​ന്നു മു​ഖ്യ​മ​ന്ത്രി.

യൂ​നി​യ​ന്‍റെ ക്ഷേ​മ​പ്ര​വ​ർ​ത്ത​ന​ങ്ങ​ൾ മാ​ധ്യ​മ​സ​മൂ​ഹ​ത്തി​ന്‍റെ അ​തി​ജീ​വ​ന​ത്തി​നു​ള്ള വ​ഴി​തു​റ​ക്ക​ലാ​ണ്. മാ​ധ്യ​മ​പ്ര​വ​ർ​ത്ത​ക​രോ​ടും കു​ടും​ബ​ത്തോ​ടും യൂ​നി​യ​ൻ പു​ല​ർ​ത്തു​ന്ന സ്നേ​ഹ​വും ക​രു​ത​ലും മാ​തൃ​കാ​പ​ര​മാ​ണ്. സ​ർ​വി​സ് ഘ​ട്ട​ത്തി​ൽ മ​രി​ക്കു​ന്ന​വ​രു​ടെ കു​ടും​ബ​ത്തി​ന് 10 ല​ക്ഷ​വും രോ​ഗം മൂ​ലം ജോ​ലി​യെ​ടു​ക്കാ​നാ​കാ​ത്ത അ​വ​സ്ഥ​യി​ലാ​കു​ന്ന​വ​ർ​ക്ക് മൂ​ന്നു​ല​ക്ഷ​വും ന​ൽ​കു​ന്ന വി​ധ​മാ​ണ് ജേ​ണ​ലി​സ്റ്റ് വെ​ൽ​ഫെ​യ​ർ ഫ​ണ്ട് ക്ര​മീ​ക​രി​ച്ചി​രി​ക്കു​ന്ന​തെ​ന്ന​ത് ശ്ര​ദ്ധേ​യ​മാ​ണ്. വി​ര​മി​ക്കു​ന്ന മാ​ധ്യ​മ​പ്ര​വ​ർ​ത്ത​ക​രോ​ടു​മു​ള്ള ക​രു​ത​ൽ ശ്ലാ​ഘ​നീ​യ​മാ​ണെ​ന്നും മു​ഖ്യ​മ​ന്ത്രി കൂ​ട്ടി​ച്ചേ​ർ​ത്തു.

രാ​സ​ല​ഹ​രി​ക്കെ​തി​രാ​യ പോ​രാ​ട്ട​ത്തി​ൽ പ​ങ്കു​ചേ​രു​ന്ന ബ്രേ​ക്കി​ങ് ഡി ​പ​ദ്ധ​തി​യു​ടെ ഉ​ദ്ഘാ​ട​നം പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ൻ നി​ർ​വ​ഹി​ച്ചു. പു​റ​ത്തു​പ​റ​യാ​ൻ ക​ഴി​യാ​ത്ത തി​ക്താ​നു​ഭ​വ​ങ്ങ​ളാ​ണ് ല​ഹ​രി ഉ​പ​യോ​ഗം​മൂ​ലം പ​ല​രു​ടെ​യും ജീ​വി​ത​ത്തി​ൽ ഉ​ണ്ടാ​യി​ട്ടു​ള്ള​തെ​ന്നും എ.​ഐ സാ​ങ്കേ​തി​ക​വി​ദ്യ​യു​ടെ സ​ഹാ​യ​ത്തോ​ടെ​യു​ള്ള പ​ദ്ധ​തി​യു​മാ​യി മു​ന്നോ​ട്ടു​വ​ന്ന യൂ​നി​യ​നെ അ​ഭി​ന​ന്ദി​ക്കു​ന്നു​വെ​ന്നും അ​ദ്ദേ​ഹം പ​റ​ഞ്ഞു.

കെ.​യു.​ഡ​ബ്ല്യു.​ജെ സം​സ്ഥാ​ന പ്ര​സി​ഡ​ൻ​റ് കെ.​പി. റെ​ജി അ​ധ്യ​ക്ഷ​ത വ​ഹി​ച്ചു. ജേ​ണ​ലി​സ്റ്റ് വെ​ൽ​ഫെ​യ​ർ ഫ​ണ്ട് പ​ദ്ധ​തി​യു​ടെ ആ​ദ്യ അം​ഗ​ത്വം കെ.​യു.​ഡ​ബ്ല്യു.​ജെ ജി​ല്ല പ്ര​സി​ഡ​ൻ​റ് ആ​ർ. ഗോ​പ​കു​മാ​ർ, ബി​സി​ന​സ് ലൈ​ൻ ഡെ​പ്യൂ​ട്ടി എ​ഡി​റ്റ​ർ സ​ജീ​വ് കു​മാ​ർ എ​ന്നി​വ​ർ ഏ​റ്റു​വാ​ങ്ങി. വി​ര​മി​ക്കു​ന്ന മാ​ധ്യ​മ​പ്ര​വ​ർ​ത്ത​ക​ർ​ക്ക് മു​ഖ്യ​മ​ന്ത്രി, പ്ര​തി​പ​ക്ഷ​നേ​താ​വ്, മ​ന്ത്രി പി. ​രാ​ജീ​വ്, ടി.​ജെ. വി​നോ​ദ് എം.​എ​ൽ.​എ, ഹൈ​ബി ഈ​ഡ​ൻ എം.​പി, ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് മ​നോ​ജ് മൂ​ത്തേ​ട​ൻ എ​ന്നി​വ​ർ മെ​മ​ന്റോ ന​ൽ​കി. വി​ര​മി​ക്കു​ന്ന മാ​ധ്യ​മ​പ്ര​വ​ർ​ത്ത​ക​രു​ടെ സൗ​ഹൃ​ദ​സം​ഗ​മം മ​ന്ത്രി പി. ​രാ​ജീ​വ് ഉ​ദ്ഘാ​ട​നം ചെ​യ്തു. കെ.​യു.​ഡ​ബ്ല്യു.​ജെ സം​സ്ഥാ​ന ജ​ന. സെ​ക്ര​ട്ട​റി സു​രേ​ഷ് എ​ട​പ്പാ​ൾ സ്വാ​ഗ​തം പ​റ​ഞ്ഞു. ട്ര​ഷ​റ​ർ കെ.​വി. മ​ധു​സൂ​ദ​ന​ൻ ക​ർ​ത്ത, എ​റ​ണാ​കു​ളം ജി​ല്ല സെ​ക്ര​ട്ട​റി ഷ​ജി​ൽ​കു​മാ​ർ, സൂ​പ്പ​ർ എ.​ഐ സി.​ഇ.​ഒ അ​രു​ൺ തെ​രു​ളി തു​ട​ങ്ങി​യ​വ​ർ പ​ങ്കെ​ടു​ത്തു.