സ​മ്മാ​നം കിട്ടിയാൽ സന്തോഷിക്കേണ്ട, തട്ടിപ്പുമായി വൻ സം​ഘ​ങ്ങ​ൾ

മാ​ന​ന്ത​വാ​ടി: വ​ൻ തു​ക സ​മ്മാ​ന​മാ​യി ല​ഭി​ച്ച​താ​യു​ള്ള വാ​ഗ്ദാ​നം ന​ൽ​കി പ​ണം ത​ട്ടു​ന്ന​ത് ജി​ല്ല​യി​ൽ തു​ട​ർ​ക്ക​ഥ​യാ​കു​ന്നു. മാ​ന​ന്ത​വാ​ടി ചെ​ന്ന​ലാ​യി കു​രി​ശി​ങ്ക​ൽ കെ.​വി. ജോ​ർ​ജി​നാ​ണ് 25,60,000 രൂ​പ സ​മ്മാ​ന​മാ​യി ല​ഭി​ച്ചി​ട്ടു​ണ്ടെ​ന്ന് ര​ജി​സ്​​റ്റേ​ഡ് ത​പാ​ലി​ൽ അ​റി​യി​പ്പ് ല​ഭി​ച്ച​ത്.

ന്യൂ​ഡ​ൽ​ഹി ആ​സ്ഥാ​ന​മാ​യി പ്ര​വ​ർ​ത്തി​ക്കു​ന്ന നാപ്റ്റോൾ ഓ​ൺ ലൈ​ൻ ഷോ​പ്പി​ങ് പ്രൈ​വ​റ്റ് ലി​മി​റ്റ​ഡ് ക​മ്പ​നി​യു​ടെ പ​ന്ത്ര​ണ്ടാം വാ​ർ​ഷി​ക​ത്തോ​ട​നു​ബ​ന്ധി​ച്ച് തെ​ര​ഞ്ഞെ​ടു​ക്ക​പ്പെ​ട്ട ഉ​പ​ഭോ​ക്താ​ക്ക​ൾ​ക്ക് സ്ക്രാ​ച്ച് കാ​ർ​ഡ് ന​ൽ​കു​ന്ന​താ​യാ​ണ് ക​ത്തി​ലു​ള്ള​ത്.

ഇ​ത് തു​റ​ന്നു​നോ​ക്കി​യ​പ്പോ​ഴാ​ണ് 25 ല​ക്ഷം രൂ​പ സ​മ്മാ​ന​മാ​യി ല​ഭി​ച്ച​താ​യി കാ​ണു​ന്ന​ത്. ബാ​ങ്ക് അ​ക്കൗ​ണ്ട് ന​മ്പ​ർ, പാ​ൻ കാ​ർ​ഡ് എ​ന്നി​വ​യു​ടെ വി​വ​ര​ങ്ങ​ൾ ന​ൽ​ക​ണ​മെ​ന്നും സ​മ്മാ​ന തു​ക​ക്ക് സ​ർ​ക്കാ​റി​ലേ​ക്ക് ന​ൽ​കേ​ണ്ട നികുതി മൂ​ൻ​കൂ​റാ​യി ന​ൽ​ക​ണ​മെ​ന്നും ക​ത്തി​ൽ വ്യ​ക്ത​മാ​ക്കി​യി​ട്ടു​ണ്ട്. ക​മ്പ​നി​യു​ടെ ഫോ​ൺ ന​മ്പ​റി​ൽ വി​ളി​ച്ച​പ്പോ​ൾ വി​ശ​ദ​മാ​യ വി​വ​ര​ങ്ങ​ൾ അ​യ​ച്ചു​കൊ​ടു​ക്കാ​നാ​ണ് പ​റ​ഞ്ഞ​തെ​ന്നും ഇ​ത്ത​രം ച​തി​ക്കു​ഴി​ക​ളി​ൽ ജ​ന​ങ്ങ​ൾ ചെ​ന്ന് ചാ​ട​രു​തെ​ന്നും ജോ​ർ​ജ് പ​റ​ഞ്ഞു.

മെ​സേ​ജു​ക​ളി​ലൂ​ടെ​യും ഇ-​മെ​യി​ലി​ലൂ​ടെ​യും ല​ഭി​ക്കു​ന്ന ഇ​ത്ത​രം ത​ട്ടി​പ്പു​ക​ൾ​ക്ക് നി​ര​വ​ധി പേ​രാ​ണ് അ​ടു​ത്ത കാ​ല​ത്താ​യി ജി​ല്ല​യി​ൽ ഇ​ര​യാ​യി​ട്ടു​ള്ള​ത്. പ​ല​രും നാ​ണ​ക്കേ​ട് കാ​ര​ണം പ​രാ​തി ന​ൽ​കാ​റു​മി​ല്ല. ല​ക്ഷ​ക്ക​ണ​ക്കി​ന് രൂ​പ​യാ​ണ് പ​ല​ർ​ക്കും ന​ഷ്​​ട​മാ​യി​ട്ടു​ള്ള​ത്.