Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_right'കുണുകുണൂന്ന് എന്നോട്...

'കുണുകുണൂന്ന് എന്നോട് ചോദിക്കരുത്, ഞാന്‍ വല്ലോം പറയും' -എം.എം. മണി

text_fields
bookmark_border
കുണുകുണൂന്ന് എന്നോട് ചോദിക്കരുത്, ഞാന്‍ വല്ലോം പറയും -എം.എം. മണി
cancel

തൊടുപുഴ: കെ.എസ്.ഇ.ബി - അദാനി കരാർ സംബന്ധിച്ച ചോദ്യം ചോദിക്കുന്നതിനിടെ മാധ്യമ പ്രവര്‍ത്തകനോട് കയർത്ത്​ വൈദ്യുതി മന്ത്രി എം.എം. മണി. 'കുണുകുണൂന്ന് എന്നോട് ചോദിക്കരുത്. ഞാന്‍ പറയുന്നത് കേള്‍ക്ക്. എന്നിട്ട് അത് കൊടുക്കാന്‍ പറ്റുമെങ്കില്‍ കൊടുക്ക്. ഇല്ലേല്‍ നിങ്ങള്​ പോയ്​ക്കോ. എനിക്ക് നിങ്ങളെ കാണാൻ സൗകര്യമില്ല. അത്രേ ഉള്ളൂ. ചുമ്മാ അതും ഇതൊക്കെ എന്‍റെടുത്ത് പറഞ്ഞാല്‍ ഞാന്‍ വല്ലോം ഒക്കെ പറയും. അറിയാമല്ലോ. ന്യായം പറഞ്ഞാല്‍ ന്യായമാ.. അതിനുത്തരമുണ്ട്​..' എന്നായിരുന്നു എംഎം മണി പറഞ്ഞത്.

സര്‍ക്കാര്‍ അദാനി ഗ്രൂപ്പുമായി പുതിയ വൈദ്യുതി കരാര്‍ ഉണ്ടാക്കിയെന്ന പ്രതിപക്ഷ നേതാവ് രമേശ് ചെന്നിത്തലയുടെ ആരോപണത്തില്‍ മറുപടി പറയവെയായിരുന്നു മന്ത്രിയുടെ പ്രതികരണം. വൈദ്യൂതി വാങ്ങുന്നതിനായി സര്‍ക്കാരോ വൈദ്യുതിബോർ​േഡാ അദാനിയുമായി കരാര്‍ ഉണ്ടാക്കിയിട്ടില്ലെന്നും മന്ത്രി വ്യക്​തമാക്കി. രമേശ് ചെന്നിത്തല ചുമ്മാ വിഢിത്തം പറയുകയാണ്​. കേന്ദ്രസര്‍ക്കാർ നിര്‍ദേശ പ്രകാരമാണ് പുറമേ നിന്നും വൈദ്യുതി വാങ്ങുന്നത്. പൊതു മേഖലയില്‍ നിന്നും മാത്രമാണ് വൈദ്യുതി വാങ്ങുന്നത്. ഒരു സ്വകാര്യ കമ്പനിയുമായും കരാറില്ല. പ്രതിപക്ഷ നേതാവ് തെറ്റിദ്ധരിപ്പിക്കുകയാണ്​ -എം.എം. മണി വ്യക്​തമാക്കി.

അദാനിയുടെ കമ്പനിയിൽ നിന്ന്​ വൈദ്യൂതി വാങ്ങാൻ കെ.എസ്​.ഇ.ബിയുണ്ടാക്കിയ കരാറിൽ വൻ അഴിമതിയെന്ന ആരോപണവുമായി​ പ്രതിപക്ഷ നേതാവ്​ രമേശ്​ ചെന്നിത്തലയാണ് രംഗത്തെത്തിയത്. നിലവിൽ യൂണിറ്റിന്​ 2 രൂപ നിരക്കിൽ സോളാർ വൈദ്യൂതി ലഭിക്കുമെന്നിരിക്കെ, 2.86 രൂപ നിരക്കിൽ അദാനിയിൽ നിന്ന്​ 25 വർഷം വൈദ്യൂതി വാങ്ങാനാണ്​ കരാർ. 25 വർഷത്തേക്കുള്ള 8,850 കോടിയുടെ കരാറാണിത്​. ഇതുകൊണ്ട്​​ 1,000 കോടിയുടെ ലാഭമെങ്കിലും അദാനിയുടെ കമ്പനിയുണ്ടാക്കുമെന്നും രമേശ്​ ചെന്നിത്തല ആരോപിച്ചിരുന്നു.

പാരമ്പര്യ സ്രോതസുകളിൽ നിന്നുള്ള വൈദ്യൂതി നിശ്ചിത അളവ്​ വാങ്ങണമെന്ന വ്യവസ്​ഥയുടെ മറവിലാണ്​ കരാറുണ്ടാക്കിയിരിക്കുന്നത്​. കാറ്റിൽ നിന്നുള്ള വൈദ്യുതി സംസ്​ഥാന സർക്കാർ തെരഞ്ഞെടുത്തത്​ അദാനിക്ക്​ അതിന്‍റെ ഗുണം ലഭിക്കാൻ മാത്രമായിരുന്നെന്നും ഇതിൽ കേന്ദ്ര സർക്കാറിനും താൽപര്യമുണ്ടെന്നും രമേശ്​ ചെന്നിത്തല പറഞ്ഞു.

ആഗോള തലത്തിൽ തന്നെ വൈദ്യൂതി വില കുറഞ്ഞു കൊണ്ടിരിക്കുന്ന സന്ദർഭത്തിലാണ്​ കൂടിയ വിലക്ക്​ 25 വർഷത്തെ കരാർ ഉണ്ടാക്കിയിരിക്കുന്നത്​. ​ൈവദ്യുതി ഇടപാടിന്​ ദീർഘകാല കരാറുകളിൽ നിന്ന്​ എല്ലാവരും വിട്ടുനിൽക്കുന്ന ഘട്ടത്തിലാണ്​ കേരളം 25 വർഷ​െത്ത കരാറിന്​ തയാറായിരിക്കുന്നത്​. ഇത്​ അദാനിയുമായുള്ള അഴിമതി കൂട്ടുകെട്ടാണ്​. സംസ്​ഥാനത്തിന്​ വൻ നഷ്​ടമുണ്ടാക്കുന്ന കരാറിൽ നിന്ന്​ സർക്കാർ ഉടൻ പിൻമാറണമെന്നും പ്രതിപക്ഷ നേതാവ്​ ആവശ്യപ്പെട്ടിരുന്നു.

സംസ്​ഥാന സർക്കാറിന്‍റെ പുതിയ പങ്കാളികളായ കേന്ദ്ര സർക്കാറും അദാനിയുമായുള്ള കൂട്ടുകെട്ടിന്‍റെ വിവരങ്ങളാണ്​ ഇപ്പോൾ പുറത്തുവരുന്നതെന്നും ചെന്നിത്തല ചൂണ്ടിക്കാട്ടിയിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Ramesh ChennithalaMM maniadani power deal scam
News Summary - ‘Don’t ask kunu kunu, I’ll tell something’ -MM mani
Next Story