ഏറ്റുമാനൂരിൽ ഏഴുപേരെ കടിച്ച നായക്ക് പേവിഷ ബാധ സ്ഥിരീകരിച്ചു

കോട്ടയം: ഏറ്റുമാനൂരിൽ ഏഴുപേരെ കടിച്ച നായക്ക് പേവിഷ ബാധ സ്ഥിരീകരിച്ചു. തിരുവല്ലയിൽ നടത്തിയ പരിശോധനയിലാണ് ഇക്കാര്യം സ്ഥിരീകരിച്ചത്.

കഴിഞ്ഞ മാസം 28നാണ് ഏറ്റുമാനൂർ നഗരത്തിൽ നായ ഏഴു പേരെ കടിച്ചിരുന്നത്. നായയെ അന്ന് തന്നെ പിടികൂടിയിരുന്നു. മൃഗസംരക്ഷണ വകുപ്പിന്‍റെ നിരീക്ഷണത്തിലുണ്ടായിരുന്ന നായ പിന്നീട് ചത്തു.

കടിയേറ്റവർക്കെല്ലാം കോട്ടയം മെഡിക്കൽ കോളജിൽനിന്ന് പേവിഷ പ്രതിരോധ കുത്തിവെപ്പ് നൽകുകയും ചെയ്തിരുന്നു.