വിശ്വനാഥന് നീതി വേണ്ടേ?; ദുരൂഹമരണത്തിന് രണ്ടു മാസം

ക​ല്‍പ​റ്റ: ഭാ​ര്യ​യു​ടെ പ്ര​സ​വ​ത്തി​ന് കോ​ഴി​ക്കോ​ട് മെ​ഡി​ക്ക​ല്‍ കോ​ള​ജി​ല്‍ കൂ​ട്ടി​രി​ക്കാ​ന്‍ പോ​യ ക​ല്‍പ​റ്റ അ​ഡ​ലൈ​ഡ് പാ​റ​വ​യ​ലി​ലെ ആ​ദി​വാ​സി യു​വാ​വ് വി​ശ്വ​നാ​ഥ​ൻ ദു​രൂ​ഹ​സാ​ഹ​ച​ര്യ​ത്തി​ൽ മ​രി​ച്ചി​ട്ട് ര​ണ്ടു മാ​സ​മാ​യി​ട്ടും അ​ന്വേ​ഷ​ണം എ​വി​ടെ​യു​മെ​ത്താ​തെ ഇ​ഴ​യു​ന്നു. കോ​ഴി​ക്കോ​ട് മെ​ഡി​ക്ക​ല്‍ കോ​ള​ജ് പൊ​ലീ​സ് എ.​സി.​പി സു​ദ​ര്‍ശ​ന്റെ നേ​തൃ​ത്വ​ത്തി​ല്‍ ഒ​രു മാ​സം അ​ന്വേ​ഷി​ച്ചി​ട്ടും തു​മ്പൊ​ന്നും ല​ഭി​ക്കാ​ത്ത​തി​നാ​ല്‍ കേ​സ് ക്രൈം​ബ്രാ​ഞ്ചി​ന് കൈ​മാ​റി​യി​ട്ടു​ണ്ട്. നി​ര​വ​ധി സാ​ക്ഷി​ക​ളും സി.​സി.​ടി.​വി ദൃ​ശ്യ​ങ്ങ​ളു​മു​ണ്ടാ​യി​ട്ടും കേ​സി​ല്‍ ഒ​രു തു​മ്പു​പോ​ലും ല​ഭി​ക്കാ​ത്ത​തി​ന് പി​റ​കി​ല്‍ ആ​രെ​യൊ​ക്കെ​യോ ര​ക്ഷി​ക്കാ​നു​ള്ള ശ്ര​മ​മാ​ണെ​ന്ന് കു​ടും​ബം പ​രാ​തി​പ്പെ​ടു​ന്നു.

ഏ​ഴു വ​ര്‍ഷ​ത്തെ കാ​ത്തി​രി​പ്പി​നൊ​ടു​വി​ല്‍ കു​ഞ്ഞ് പി​റ​ന്ന​തി​ന്റെ പി​റ്റേ​ന്നാ​ണ് വി​ശ്വ​നാ​ഥ​ന്‍ ദു​രൂ​ഹ സാ​ഹ​ച​ര്യ​ത്തി​ല്‍ മ​രി​ച്ച​ത്. മ​ര​ണം കൊ​ല​പാ​ത​ക​മാ​ണെ​ന്ന് അ​ന്ന് മു​ത​ല്‍ കു​ടും​ബം ആ​രോ​പി​ച്ചി​രു​ന്നു​വെ​ങ്കി​ലും അ​ന്വേ​ഷ​ണം ആ ​രീ​തി​യി​ല്‍ മു​ന്നോ​ട്ട് പോ​യി​ല്ല.

അ​സ്വാ​ഭാ​വി​ക മ​ര​ണ​ത്തി​ന് പൊ​ലീ​സ് കേ​സെ​ടു​ത്തെ​ങ്കി​ലും മ​ര​ണ​സ​മ​യ​ത്ത് വി​ശ്വ​നാ​ഥ​ന്റെ ദേ​ഹ​ത്തു​ണ്ടാ​യി​രു​ന്ന ഷ​ര്‍ട്ട് കു​ടും​ബ​ത്തെ കാ​ണി​ക്കു​ക​യോ മൊ​ബൈ​ല്‍ ഫോ​ണ്‍ സെ​ക്യൂ​രി​റ്റി ഗാ​ര്‍ഡി​ന്റെ കൈ​യി​ല്‍ കി​ട്ടി​യ​തി​നെ​ക്കു​റി​ച്ച് അ​ന്വേ​ഷ​ണം ന​ട​ത്തു​ക​യോ ചെ​യ്യാ​ത്ത​ത് ദു​രൂ​ഹ​മാ​യി തു​ട​രു​ന്നു. ഒ​രു​മാ​സം പൊ​ലീ​സ് അ​ന്വേ​ഷി​ച്ചി​ട്ടും പ്ര​തി​ക​ളെ കി​ട്ടാ​ത്ത കേ​സ്, ഒ​ടു​വി​ല്‍ മു​ഖ്യ​മ​ന്ത്രി വ​യ​നാ​ട്ടി​ലെ​ത്തു​ന്ന​തി​ന്റെ ത​ലേ​ന്ന് ഏ​പ്രി​ൽ ഒ​ന്നി​നാ​ണ് ക്രൈം​ബ്രാ​ഞ്ചി​ന് കൈ​മാ​റി​യ​ത്. എ​ന്നാ​ൽ, ഇ​തു​വ​രെ അ​​ന്വേ​ഷ​ണ സം​ഘം രൂ​പ​വ​ത്ക​രി​ച്ചി​ട്ടി​ല്ലെ​ന്നാ​ണ് അ​റി​യു​ന്ന​ത്. 24 മ​ണി​ക്കൂ​റി​ന​കം കു​ടും​ബ​ത്തി​ന് ര​ണ്ടു ല​ക്ഷം രൂ​പ​യു​ടെ സാ​മ്പ​ത്തി​ക സ​ഹാ​യം ന​ല്‍കു​മെ​ന്ന് മ​ന്ത്രി പ്ര​ഖ്യാ​പി​ച്ചെ​ങ്കി​ലും 24 ദി​വ​സ​ങ്ങ​ള്‍ക്കു ശേ​ഷം മാ​ത്ര​മാ​ണ് കു​ടും​ബ​ത്തി​ന് തു​ക കൈ​മാ​റി​യ​ത്. മ​ര​ണാ​ന​ന്ത​ര ച​ട​ങ്ങു​ക​ള്‍ക്ക് ആ​ദി​വാ​സി വി​ഭാ​ഗ​ത്തി​ന് ന​ല്‍കേ​ണ്ട തു​ക​യും അ​കാ​ര​ണ​മാ​യി വൈ​കി​പ്പി​ച്ചു.

മ​ര​ണം ആ​ത്മ​ഹ​ത്യ​യാ​ണെ​ന്ന് സ്ഥാ​പി​ക്കു​ന്ന​തി​ലൂ​ടെ ആ​ശ്രി​ത​ര്‍ക്ക് സ​ര്‍ക്കാ​ര്‍ ജോ​ലി​യെ​ന്ന ബാ​ധ്യ​ത ഒ​ഴി​വാ​ക്കാ​നാ​ണ് ശ്ര​മ​മെ​ന്ന ആ​രോ​പ​ണ​വും ശ​ക്ത​മാ​യി. മ​ര​ണ​ത്തി​ല്‍ സ​മ​ഗ്രാ​ന്വേ​ഷ​ണം ആ​വ​ശ്യ​പ്പെ​ട്ട് ശ​ക്ത​മാ​യ സ​മ​ര​ത്തി​നൊ​രു​ങ്ങു​ക​യാ​ണ് ജ​സ്റ്റി​സ് ഫോ​ര്‍ വി​ശ്വ​നാ​ഥ​ന്‍ എ​ന്ന പേ​രി​ല്‍ രൂ​പ​വ​ത്ക​രി​ച്ച ആ​ക്ഷ​ന്‍ ക​മ്മി​റ്റി. അ​ന്വേ​ഷ​ണം വൈ​കു​ന്ന​തി​ലൂ​ടെ തെ​ളി​വു​ക​ള്‍ പൂ​ര്‍ണ​മാ​യി ന​ശി​പ്പി​ക്ക​പ്പെ​ട്ടേ​ക്കാ​മെ​ന്ന് ആ​ക്ഷ​ന്‍ ക​മ്മി​റ്റി ക​ണ്‍വീ​ന​ര്‍ ഡോ. ​പി.​ജി. ഹ​രി പ​റ​ഞ്ഞു.

വി​ശ്വ​നാ​ഥ​ന്റെ കു​ടും​ബ​വും വി​വി​ധ സം​ഘ​ട​ന​ക​ളും ചേ​ർ​ന്ന് സ​മ​ര​പ​രി​പാ​ടി​ക​ൾ ആ​രം​ഭി​ക്കും. ഇ​തോ​ടൊ​പ്പം നി​യ​മ​വ​ഴി​യി​ലും പോ​രാ​ട്ടം തു​ട​രാ​നാ​ണ് ആ​ക്ഷ​ന്‍ ക​മ്മി​റ്റി തീ​രു​മാ​നം.