Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightവായിച്ച്​...

വായിച്ച്​ വിശ്രമിക്കാം; ആശ്വാസമാകാൻ വയനാട്ടിൽ ‘ഗിഫ്​റ്റ്​ എ ബുക്ക്​’ കാമ്പയിൻ

text_fields
bookmark_border
വായിച്ച്​ വിശ്രമിക്കാം; ആശ്വാസമാകാൻ വയനാട്ടിൽ ‘ഗിഫ്​റ്റ്​ എ ബുക്ക്​’ കാമ്പയിൻ
cancel

കൽപ്പറ്റ: സാമൂഹിക പ്രതിബദ്ധത മുറുകെപിടിച്ച്​ വീടുകളിൽ നിരീക്ഷണത്തിൽ കഴിയുന്നവർക്ക്​ ആശ്വാസമേകാൻ ജില്ല ഭരണകൂടം ‘ ഗിഫ്​റ്റ്​ എ ബുക്ക്​’ കാമ്പയിൻ തുടങ്ങി. കോവിഡ്​ ബാധ പടരുന്ന പശ്ചാത്തലത്തിൽ വിദേശ രാജ്യങ്ങളിൽനിന്ന്​ എത്തുന്നവരോ രോഗബാധിതരുമായി സമ്പർക്കം പുലർത്തിയവരോ ഏതെങ്കിലും തരത്തിൽ രോഗ ലക്ഷണമുള്ളവരോ 14 മുതൽ 28 ദിവസം വരെ നിരീക്ഷണത്തിൽ കഴിയണം. ഇത്തരം സാഹചര്യത്തിൽ മാനസിക സമ്മർദ്ദം കുറക്കുന്നതി​​െൻറ ഭാഗമായാണ്​ നടപടി. പുസ്​തകങ്ങൾ, മാസികകൾ, ആഴ്​ചപതിപ്പുകൾ തുടങ്ങിയവ ഇതുവഴി വിതരണം ചെയ്യും.

കേരളത്തിലെ പ്രധാന വിനോദ സഞ്ചാര മേഖലകളിലൊന്നാണ്​ വയനാട്​. വിദേശികളടക്കം നിരവധി പേർ ഇവിടം സന്ദർശിക്കാനായി എത്താറുണ്ട്​. വിനോദസഞ്ചാരികളുമായി നാട്ടുകാരിൽ പലർക്കും അടുത്തിടപഴകാനുള്ള സാഹചര്യമുണ്ട്​. കോവിഡ്​ ബോധവത്​കരണത്തി​​െൻറ ഭാഗമായി മൂന്ന്​ വിദേശ ഭാഷകളിലും ആറ്​ ഇന്ത്യൻ ഭാഷകളിലും ലഘുലേഖകൾ വിതരണം ചെയ്​തിരുന്നു.

ജർമൻ, സ്​പാനിഷ്​, ഫ്രഞ്ച്​ ഭാഷകളിലാണ്​ ലഘുലേഖ വിതരണം ചെയ്​തത്​. കൂടാതെ ആസാമീസ്​, ഹിന്ദി, ബംഗാളി, തെലുഗു, തമിഴ്​ ഭാഷകളിലും ലഘു​ലേഖ വിതരണം ചെയ്​തിരുന്നു. ആദിവാസി പണിയ ഭാഷകളിലടക്കം തയാറാക്കിയ ബോധവത്​കരണം ഇതിനോടകം ശ്രദ്ധേയമായിരുന്നു.

വീട്ടുനിരീക്ഷണത്തിൽ കഴിയുന്നവർക്ക്​ നൽകാനായി പുസ്​തകങ്ങൾ ആർക്കും സംഭാവന ചെയ്യാം. ജില്ല ഭരണകൂടത്തി​​െൻറ നേതൃത്വത്തിലായിരിക്കും പുസ്​തക ശേഖരണവും വിതരണവും. കലക്​ടറേറ്റിൽ പ്രവർത്തിക്കുന്ന ഡി.ഇ.ഒ.സിയിലാണ്​ പുസ്​തകം എത്തിക്കേണ്ടത്​. വിവരങ്ങൾക്ക്​ 04936204151 എന്ന ഫോൺ നമ്പറിൽ ബന്ധപ്പെടാം.

Show Full Article
TAGS:covid 19 wayanad corona virus books kerala news malayalam news 
News Summary - Distribute Books to People in Quarantine Wayanad -Kerala news
Next Story