ജീവൻ പണയം​െവച്ച് ജോലി ചെയ്ത 22,000 കോവിഡ് പോരാളികളെ പിരിച്ചുവിടുന്നു; ഡോക്ടർമാർ മുതൽ ആംബുലൻസ് ഡ്രൈവർമാർ വരെ പുറത്ത്​

തിരുവനന്തപുരം: കോവിഡ് പ്രതിരോധത്തിന്​ നാഷനൽ ഹെൽത്ത് മിഷൻ വഴി കോവിഡ് ബ്രിഗേഡ് എന്ന പേരിൽ സർക്കാർ നിയമിച്ച 22,000 പേരെ പിരിച്ചുവിടുന്നു. ഒരു വർഷത്തെ നിയമന കാലാവധി വ്യാഴാഴ്​ച അവസാനിച്ചു.

ആറുമാസം കൂടി കാലാവധി നീട്ടണമെന്ന് ജില്ലകളിൽനിന്ന് ആവശ്യമുയർന്നിരുന്നെങ്കിലും സർക്കാർ അംഗീകരിച്ചിട്ടില്ല. പകരം ജില്ലകളിലെ ആവശ്യകതയെക്കുറിച്ച് റിപ്പോർട്ട് നൽകാൻ നിർദേശിച്ചിട്ടുണ്ട്.

ഡോക്ടർമാരും നഴ്സുമാരും ലാബ് ടെക്നീഷ്യന്മാരും ആംബുലൻസ് ഡ്രൈവർമാരുമെല്ലാം ഇക്കൂട്ടത്തിലുണ്ട്. കോവിഡ് തീവ്രവ്യാപന സമയത്ത് ജീവൻ പണയം​െവച്ച് ജോലി ചെയ്തവരാണിവർ​. നിലവിൽ കോവിഡ്​ വ്യാപനം കുറഞ്ഞ സാഹചര്യത്തിലാണ്​ ഇവരെ പിരിച്ചുവിടുന്നതെന്ന്​ നാഷനൽ ഹെൽത്ത്​ മിഷൻ ​ജില്ല ​പ്രോഗ്രാം മാനേജർ വാർത്താക്കുറിപ്പിൽ അറിയിച്ചു.

ആറു മാസത്തേക്കാണ് ഇവരെ കഴിഞ്ഞവർഷം നിയമിച്ചത്. അതി​െൻറ കാലാവധി മാർച്ചിൽ അവസാനിച്ചപ്പോൾ ആറുമാസം കൂടി നീട്ടുകയായിരുന്നു.