ഭിന്നശേഷിക്കാരിയായ കെ-റെയില്‍ ഓഫീസ് ജീവനക്കാരി കെ.എസ്.ആര്‍ടി.സി ബസിടിച്ച് മരിച്ചു

തിരുവനന്തപുരം: റോഡ് മുറിച്ചു കടക്കുന്നതിനിടെ ഭിന്നശേഷിക്കാരിയായ യുവതി കെ.എസ്.ആര്‍ടി.സി ബസ് ഇടിച്ച് മരിച്ചു. കെ-റെയില്‍ ഓഫീസിലെ ജീവനക്കാരിയായ നിഷയാണ് മരിച്ചത്.

തിരുവനന്തപുരം വിമൻസ് കോളജിന് സമീപം ഇന്ന് രാവിലെയാണ് അപകടമുണ്ടായത്. രാവിലെ റോഡ് മുറിച്ച് കടക്കുന്നതിനിടെയാണ് കെ.എസ്.ആർ.ടി.സി ബസ് ഇടിച്ചത്.

നിഷയെ ഉടൻ തന്നെ ആശുപത്രിയിലെത്തിച്ചെങ്കിലും രക്ഷിക്കാനായില്ല. സംഭവത്തിൽ കെഎസ്ആര്‍ടിസി ബസ് ഡ്രൈവര്‍ക്കെതിരെ പോലീസ് കേസെടുത്തു.