തനിക്കെതിരെ ഉള്ളത്​ കള്ളക്കേസെന്ന്​ സംവിധായകൻ വിനയൻ

ആലപ്പുഴ: തനിക്കെതിരെ സാമ്പത്തിക തട്ടിപ്പ്​ ആരോപിച്ച്​ ഹോട്ടൽ വ്യവസായി നൽകിയ പരാതിയിൽ ക്രൈംബ്രാഞ്ച്​ അന്വേഷണമെന്ന വാർത്ത അടിസ്ഥാനരഹിതമെന്ന്​ സിനിമ സംവിധായകൻ വിനയൻ.

ആലപ്പുഴയിലെ വ്യവസായി വി.എൻ. ബാബുവി​െൻറ പരാതിയിൽ എടുത്തത്​ കള്ളക്കേസാണ്​. സിനിമയിലെ വിലക്കിനെതിരായ ത​െൻറ പരാതിയിൽ സുപ്രീംകോടതിയിൽനിന്ന്​ ശിക്ഷ ലഭിച്ച സംഘടനനേതാവാണ് ഇതി​െൻറ പിന്നിൽ.

ഹൈകോടതിയിൽ നൽകിയ ഹരജിയിൽ കേസ്​ സ്​റ്റേ ചെയ്​തിരിക്കുകയാണ്​. ഇവർക്കെതിരെ നിയമനടപടി സ്വീകരിക്കുമെന്നും​ വിനയൻ പറഞ്ഞു.