സംവിധായകൻ സച്ചിയുടെ മാതാവ് ദാക്ഷായണി നിര്യാതയായി

തൃശ്ശൂർ: പരേതനായ സിനിമ സംവിധായകൻ സച്ചിയുടെ മാതാവ് കൂവക്കാട്ട് ദാക്ഷായണി (81) നിര്യാതയായി. തൃശ്ശൂർ മൂന്നുപീടിക ഗാർഡിയൻ ആശുപത്രിയിൽ വച്ച് ഹൃദയാഘാതത്തെ തുടർന്നാണ് അന്ത്യം. പരേതനായ രാമകൃഷ്ണനാണ് ഭർത്താവ്.

വ്യാഴാഴ്ച രാവിലെ 10 മണിവരെ പെരിഞ്ഞനത്തുള്ള മകളുടെ വസതിയിലും 12 മണി മുതൽ 3 മണി വരെ തൃപ്പൂണിത്തുറയിലെ സച്ചിയുടെ വസതിയിലും മൃതദേഹം പൊതുദർശനത്തിന് വെക്കും. ശവസംസ്കാര ചടങ്ങുകൾ വൈകുന്നേരം മൂന്ന് മണിക്ക് ശേഷം തൃപ്പൂണിത്തുറ പൊതുശ്മശാനത്തിൽ.