സംവിധായിക നയന സൂര്യ​െൻറ മരണം: ക്രൈംബ്രാഞ്ച് എസ്.പി. മധുസൂദന​െൻറ നേതൃത്വത്തിൽ അന്വേഷിക്കും

തി​രു​വ​ന​ന്ത​പു​രം: യു​വ സം​വി​ധാ​യി​ക ന​യ​ന സൂ​ര്യ​യു​ടെ ദു​രൂ​ഹ മ​ര​ണ​ത്തെ​ക്കു​റി​ച്ച അ​ന്വേ​ഷ​ണം തി​രു​വ​ന​ന്ത​പു​രം ക്രൈം​ബ്രാ​ഞ്ച് യൂ​നി​റ്റി​ന് കൈ​മാ​റി. ക്രൈം​ബ്രാ​ഞ്ച് എ​സ്.​പി എ​സ്. മ​ധു​സൂ​ദ​ന​ന്റെ നേ​തൃ​ത്വ​ത്തി​ലെ സം​ഘം​ അ​ന്വേ​ഷി​ക്കും. ഡി​വൈ.​എ​സ്.​പി ജ​ലീ​ൽ തോ​ട്ട​ത്തി​ലാ​ണ്​ മു​ഖ്യ​അ​ന്വേ​ഷ​ണ ഉ​ദ്യോ​ഗ​സ്ഥ​ൻ. തെ​ളി​യി​ക്ക​പ്പെ​ടാ​ത്ത കേ​സാ​യി മ്യൂ​സി​യം പൊ​ലീ​സ്​ അ​ന്വേ​ഷ​ണം അ​വ​സാ​നി​പ്പി​ച്ചി​രു​ന്നു. മ​ര​ണ​കാ​ര​ണം ക​ഴു​ത്തി​നേ​റ്റ പ​രി​ക്കാ​ണെ​ന്ന്​ വ്യ​ക്ത​മാ​ക്കു​ന്ന പോ​സ്റ്റ്മോ​ർ​ട്ടം റി​പ്പോ​ർ​ട്ട് പു​റ​ത്തു​വ​ന്ന​തോ​ടെ​യാ​ണ് ദു​രൂ​ഹ​ത വ​ർ​ധി​ച്ച​ത്.

ഡി.​സി.​ആ​ർ.​ബി അ​സി. ക​മീ​ഷ​ണ​ർ ജെ.​കെ. ദി​നി​ലി​​നോ​ട്​ പു​ന​ര​ന്വേ​ഷ​ണ സാ​ധ്യ​ത പ​രി​ശോ​ധി​ക്കാ​ൻ നി​ർ​ദേ​ശി​ച്ചി​രു​ന്നു. അ​ന്വേ​ഷ​ണ​ത്തി​ൽ മ്യൂ​സി​യം പൊ​ലീ​സി​ന്‍റെ ഭാ​ഗ​ത്തു​നി​ന്നു​ണ്ടാ​യ ഗു​രു​ത​ര വീ​ഴ്ച​ക​ൾ അ​ക്ക​മി​ട്ട്​ നി​ര​ത്തി​യു​ള്ള റി​പ്പോ​ർ​ട്ടാ​ണ്​ അ​സി. ക​മീ​ഷ​ണ​ർ സി​റ്റി പൊ​ലീ​സ്​ ക​മീ​ഷ​ണ​ർ​ക്ക്​ കൈ​മാ​റി​യ​ത്. മ​ര​ണ​ത്തി​ൽ ദു​രൂ​ഹ​ത​യു​ണ്ടെ​ന്നും വി​ശ​ദ​മാ​യ അ​ന്വേ​ഷ​ണം വേ​ണ​മെ​ന്നും റി​പ്പോ​ർ​ട്ടി​ൽ ശി​പാ​ർ​ശ ചെ​യ്തു. ഈ​ ​റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ലാ​ണ്​ കേ​സ്​ ക്രൈം​ബ്രാ​ഞ്ചി​ന്​ വി​ട്ട്​ ഡി.​ജി.​പി അ​നി​ൽ കാ​ന്ത്​ ഉ​ത്ത​ര​വ്​ പു​റ​പ്പെ​ടു​വി​ച്ച​ത്.

2019 ഫെ​ബ്രു​വ​രി 23ന്​ ​ആ​ണ് ന​യ​ന​യെ ആ​ൽ​ത്ത​റ ജ​ങ്​​ഷ​നി​ലെ വാ​ട​ക​വീ​ട്ടി​ൽ മ​രി​ച്ച​നി​ല​യി​ൽ ക​ണ്ടെ​ത്തി​യ​ത്. സം​വി​ധാ​യ​ക​ൻ ലെ​നി​ൻ രാ​ജേ​ന്ദ്ര​ന്‍റെ സ​ഹ​സം​വി​ധാ​യി​ക​യാ​യി​രു​ന്നു ന​യ​ന. കേ​സ് ഒ​തു​ക്കി​ത്തീ​ർ​ക്കാ​ൻ മ്യൂ​സി​യം പൊ​ലീ​സി​ൽ​നി​ന്ന്​ ഇ​ട​പെ​ട​ലു​ണ്ടാ​യെ​ന്ന്​ ബ​ന്ധു​ക്ക​ൾ ആ​രോ​പി​ച്ചു.