Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightസലിംകുമാറിന്​...

സലിംകുമാറിന്​ വിഷമമുണ്ടെങ്കിൽ നേരിൽ മാപ്പ്​ ചോദിക്കാൻ മടിയില്ല -കമൽ

text_fields
bookmark_border
സലിംകുമാറിന്​ വിഷമമുണ്ടെങ്കിൽ നേരിൽ മാപ്പ്​ ചോദിക്കാൻ മടിയില്ല -കമൽ
cancel

കൊച്ചി: പ്രായം 50 പിന്നി​ട്ടെന്ന വാദം നിരത്തി അന്താരാഷ്​ട്ര ചലച്ചിത്രമേളയുടെ കൊച്ചി പതിപ്പി​െൻറ ഉദ്​ഘാടന ചടങ്ങിൽ തിരിതെളിക്കുന്ന അവാർഡ്​ ജേതാക്കളായ ചലച്ചിത്രകാരന്മാരുടെ പട്ടികയിൽനിന്ന്​ നടൻ സലിംകുമാറിനെ ഒഴിവാക്കി​യതിൽ പ്രതികരണവുമായി സംവിധായകനും ചലച്ചിത്ര അക്കാദമി ചെയർമാനുമായ കമൽ. സലിംകുമാറിന്​ വിഷമമുണ്ടെങ്കിൽ നേരിൽ മാപ്പ്​ ചോദിക്കാൻ ഒട്ടും മടിയില്ലെന്ന്​ കമൽ പ്രതികരിച്ചു.

അദ്ദേഹത്തെ മനഃപൂർവം ഒഴിവാക്കേണ്ട കാര്യമില്ല. എല്ലാ അവാർഡ്​ ജേതാക്കളെയും വേദിയിൽ കൊണ്ടുവരാനാകില്ല. ചെറുപ്പക്കാരായ ചലച്ചിത്ര പ്രവർത്തകരെയാണ്​ ഉദ്ദേശിച്ചത്​. മമ്മൂട്ടിയും മോഹൻലാലു​ം ഒന്നും വരുന്നില്ല. മേളയിൽ രാഷ്​ട്രീയം കൂട്ടിക്കലർത്തരുത്​. സലിംകുമാറിനെ അവഗണിച്ചിട്ടില്ലെന്നും അദ്ദേഹത്തെ ഒഴിവാക്കി മേള നടക്കില്ലെന്നും കമൽ കൂട്ടിച്ചേർത്തു.

ദേശീയ അവാർഡ്​ ഉൾപ്പെടെ നേടിയ എറണാകുളം ജില്ലക്കാരനായ താൻ സ്വാഭാവികമായും മേളക്ക്​ തിരിതെളിക്കുന്നവരിൽ ഉണ്ടാകുമെന്ന്​ വിചാരിച്ചുവെന്ന്​ സലിംകുമാർ മാധ്യമപ്രവർത്തകരോട്​ പറഞ്ഞു. ചൊവ്വാഴ്​ച വരെ ഒന്നും കേൾക്കാതായപ്പോൾ കമ്മിറ്റി അംഗമായ സംവിധായകൻ സോഹൻലാലിനെ വിളിച്ചുചോദിച്ചു. ചെറുപ്പക്കാരാണ്​ തിരിതെളിക്കുന്നതെന്നും പ്രായമായവരെ ഒഴിവാക്കിയിട്ടുണ്ടെന്നും​ മറുപടി ലഭിച്ചു. അമൽ നീരദും ആഷിഖ്​ അബുവുമൊക്കെ ജൂനിയറായി മഹാരാജാസിൽ പഠിച്ചിരുന്നവരാണ്​. എങ്ങനെയാണ്​ തനിക്കുമാത്രം പ്രായക്കൂടുതലാകുന്നതെന്ന്​ മനസ്സിലാകുന്നില്ല. 90 വയസ്സായെങ്കിൽ ഒാക്കെ. അവരെക്കാൾ മൂന്നുവയസ്സ്​ കൂടിയതി​െൻറ പേരിൽ ഒഴിവാക്കിയത്​ ശരിയായില്ലെന്ന്​ പറഞ്ഞപ്പോൾ ​സോഹൻ സീനുലാൽ ഫോൺ കട്ട്​ ചെയ്​തു.

പിന്നീട്​ പ്രൊഡക്​ഷൻ കൺട്രോളർ ബാദുഷ വിളിച്ച്​ പരിപാടിക്ക്​ വരാനാകുമോയെന്ന്​ ചോദിച്ചു. ഇത്​ ആളെ കളിയാക്കാനാണ്​. ഒരുമാസം മുമ്പ്​ തയാറാക്കിയ ലിസ്​റ്റിനെ സംബന്ധിച്ച്​ അങ്ങോട്ട്​ വിളിച്ചുചോദിച്ചപ്പോൾ വേണമെങ്കിൽ അവസരം നൽകാമെന്ന മറുപടി. അവാർഡ്​ കിട്ടിയ ഏക കോൺഗ്രസുകാരനാണ്​ താൻ. അതുകൊണ്ട്​ അവർക്ക്​ അടുപ്പിക്കാൻ പറ്റില്ല. ഒരു സി.പി.എം മേളയാണ്​ നടക്കുന്നതെന്നും സലിംകുമാർ പറഞ്ഞു.

മുതിർന്ന സംവിധായകൻ കെ.ജി. ജോർജി​െൻറ നേതൃത്വത്തിൽ സരിത തിയറ്ററിൽ ബുധനാഴ്​ച വൈക​ീട്ട്​ ആറിനാണ്​ ചടങ്ങ്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:IFFKSalim KumarKamal
Next Story