രാഷ്​ട്രീയ പ്രവേശനത്തെ കുറിച്ച്​ ചിന്തിച്ചിട്ടില്ല -അഞ്​ജു ബോബി ജോർജ്​

ബംഗളൂരു: ത​െൻറ രാഷ്​ട്രീയ പ്രവേശന​ം സംബന്ധിച്ച്​ പ്രചരിക്കുന്ന വാർത്തകളിൽ വാസ്​തവമില്ലെന്നും രാഷ്​ട്രീയ പ്രവേശനത്തെ കുറിച്ച്​ ചിന്തിച്ചിട്ടില്ലെന്നും അന്താരാഷ്​ട്ര കായികതാരവും അത്​ലറ്റിക്​ ഫെഡറേഷൻ സീനിയർ വൈസ്​പ്രസിഡൻറുമായ അഞ്​ജു ബോബി ജോർജ്​.

കേരളത്തിലെ നിയമസഭ തെര​െഞ്ഞടുപ്പ്​ മുന്നിൽക്കണ്ട്​ അഞ്​ജുവിനെ രാജ്യസഭ എം.പിയാക്കാൻ ബി.ജെ.പി നീക്കം നടത്തുന്നുവെന്ന വാർത്തയോട്​ പ്രതികരിക്കുകയായിരുന്നു അവർ.

പബ്ലിസിറ്റി ലക്ഷ്യമിട്ടാണ്​ ഇത്തരം വാർത്തകൾ പടച്ചുവിടുന്നത്​. പലരും വിളിച്ചുപറഞ്ഞപ്പോഴാണ്​ ഇതേക്കുറിച്ച്​ അറിയുന്നത്​. രാഷ്​ട്രീയമല്ല ത​െൻറ ലക്ഷ്യം. കായികമേഖലയുടെ വളർച്ചക്കായുള്ള വിവിധ പദ്ധതികളാണ്​ ഇപ്പോൾ മനസ്സിൽ​. അവ ഒാരോന്നായി നടപ്പാക്കുന്ന തിരക്കിലാണെന്നും അഞ്​ജു പറഞ്ഞു.

ചെന്നൈ കസ്​റ്റംസിലായിരുന്ന അഞ്​ജു 22 വർഷത്തെ സേവനത്തിന്​ ശേഷം ഡിസംബർ 11ന്​ ജോലിയിൽ നിന്ന്​ സ്വയം വിരമിച്ചിരുന്നു. ബംഗളൂരുവിൽ പ്രവർത്തിക്കുന്ന അഞ്​ജു ബോബി സ്​പോർട്​സ്​ ഫൗണ്ടേഷ​െൻറ പ്രവർത്തനങ്ങൾ കൂടുതൽ വിപുലപ്പെടുത്താൻ പദ്ധതിയുണ്ടെന്നും അഞ്​ജു പറഞ്ഞു. ഫൗണ്ടേഷന്​ അടുത്തിടെ കേന്ദ്ര കായിക മന്ത്രാലയം അഞ്ചു കോടി രൂപ ഫണ്ട്​ അനുവദിച്ചിരുന്നു.